HÓWHÍNWHÉN LẸ 18
18
1EWỌ HE klan ede do ovò na domó na ojlo ede tọn,
Bo sọ diọ avùn nukun sọ́ nudepope he yín zìnzìn tọn.
2Nulunọ ma tindo họmẹhùnhùn do zìnzìn go gba,
Adavo dọ ayiha etọn nido do ede hia.
3Whenuena mẹylankan wá,
Whenẹnu wẹ ovlẹ wá, gọ́na ovlẹ winyan.
4Ohó gbẹtọ nù mẹ tọn di osìn sisosiso,
Asisawhín nuyọnen tọn di otọ̀ sisa.
5E ma yón nado kuwinyan na mẹylankan,
Nado sisẹ́ dódónọ liai to whẹ̀dida mẹ gba.
6Nuflo nulunọ tọn biọ avùn mẹ,
Onù etọn sọ nọ ylọ miyọn wá.
7Onù nulunọ tọn wẹ dindọn etọn,
Nuflo etọn sọ wẹ omọ́ ayiha etọn tọn.
8Ohó ajandotọ tọn di alán,
Yé sọ nọ jẹte yì asabó adọgo tọn.
9Ewọ he whleawu to azọn etọn mẹ,
Mẹmẹsunnu de hlan dùvànọ wẹ.
10Oyín OKLUNỌ tọn, wẹ ohó gángán:
Dódónọ hón biọ e mẹ, bo sọ gán.
11Adọkunnu adọkunnọ tọn wẹ otò gángán etọn,
É sọ taidi dòkọ́ he yìji to ede nukunmẹ.
12Jẹnukọnna dindọn,
Ayiha gbẹtọ tọn nọ vẹtóli, jẹnukọnna yẹyi wẹ huwhé.
13Ewọ he gblọnhó jẹnukọnna sisè,
Nulu po winyan po wẹ nẹ.
14Gbigbọ gbẹtọ tọn na doakónna madogán etọn;
Ṣigba gbigbọ he hòalán mẹnu wẹ sọgan zé e daga.
15Ayiha zìnzìntọ tọn tindo nuyọnẹn:
Otọ́ nuyọnẹntọ tọn nọ din nuyọnẹn.
16Núnina gbẹtọ tọn nọ din aliho nẹ́,
Bo sọ nọ hẹn ẹn wá omẹ gángán lẹ nukọn.
17Omẹ tintan to owhẹ́ etọn mẹ nọ
taidimẹ owhẹ́ etọn whẹ́n,
Ṣigba awetọ etọn wá bo sọ dèdẹ̀ nẹ̀.
18Agège hẹn avùn vò,
Bo sọ davùn to huhlọntọ lẹ ṣẹnṣẹn.
19Mẹmẹsunnu he yè wàylan do,
Sinyẹnawuna vivó hú otò dòkọnọ de,
Avùn yetọn sọ taidi opátin dòkọ́ tọn.
20Ohó gbẹtọ tọn wẹ na hẹn homẹ etọn hùn:
Jideji nuflo etọn tọn wẹ yè na do gọhò nẹ̃.
21Okú po ogbẹ́ po tim to huhlọn odé tọn mẹ,
Yé he sọ to yé zán lẹ na duale etọn.
22Mẹdepope he mọ asi da, é mọ onú dagbe,
Bo sọ mọ nukundagbe sọn OKLUNỌ de.
23Wamọnọ nọ to vóvó;
Ṣigba adọkunnọ nọ yí fifìẹ do gblọnhó.
24Ewọ he tindo họ́ntọn lẹ basi i na vivà ede tọn:
Họntọn de sọ tin bo sópómẹ hú nọvisunnu.
Currently Selected:
HÓWHÍNWHÉN LẸ 18: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.