HÓWHÍNWHÉN LẸ 16
16
1ÀWUWLE ayiha tọn wẹ gbẹtọ tọn,
Gbèyíyí odó tọn OKLUNỌ de wẹ é sọn.
2Aliho gbẹtọ tọn lẹpo wẹ wé to nukun ede tọn mẹ;
Ṣigba OKLUNỌ to gbigbọ jlẹ.
3Yí azón towe jo na OKLUNỌ,
Yè na sọ hẹn linlẹn towe lẹpo lodo.
4OKLUNỌ ko basi onú popo na ede:
Nugbo, mẹylankan lẹ na azán oylan tọn.
5Omẹ he jọ goyítọ to ayiha mẹ,
Osùnú de wẹ hlan OKLUNỌ: eyín yè sín alọ do alọ go, é ma na nọ majiya.
6Gbọn lẹblanu po nugbo po dali wẹ yè ṣinyọnnúdo ylando:
Podọ gbọn osi OKLUNỌ tọn dali wẹ gbẹtọ fọnyì sọn oylan mẹ.
7Whenuena aliho gbẹtọ tọn jlo OKLUNỌ,
Ewọ tlẹ nọ hẹn kẹ̀ntọ etọn lẹ nọ̀hẹ ẹ to jijọho mẹ.
8Onú vude po dódó po,
Bọawu hú ale daho matin nugbo.
9Ayiha gbẹtọ tọn to aliho etọn lẹn:
Ṣigba OKLUNỌ to afọdide etọn do.
10Ohó dọdai tọn tin to nuflo ahọlu tọn ji:
Onù etọn ma nọ búali to whẹ̀dida mẹ gba.
11Ojlẹ podọ nujlẹnu nugbo tọn wẹ OKLUNỌ tọn:
Opén apò tọn lẹpo wẹ azón etọn.
12Osùnú de wẹ na ahọlu lẹ nado wàylan:
Na yè hẹn ofìn lí gbọn dódó dali.
13Nuflo dódó tọn wẹ ayajijẹ ahọlu lẹ tọn;
Yé sọ yiwanna ewọ he to ohó dódó dọ.
14Homẹgble ahọlu tọn taidi mẹdagun okú tọn:
Ṣigba gbẹtọ nuyọnẹntọ wẹ na miọnhomẹ na ẹn.
15To hinhọ́n nukun ahọlu tọn mẹ tọn wẹ ogbè te:
Nukundagbe etọn sọ taidi aslọ jikun javó tọn.
16Nado tindo nuyọnẹn nẹmunẹmu wẹ é do yónhú sika.
Podọ nado tindo zìnzìn do pọnte didè hú fataka.
17Aligbo nugbonọ lẹ tọn wẹ nado fọ́nyì sọn oylan mẹ:
Ewọ he whlá aliho etọn, whlẹn ayiha etọn.
18Sakla wẹ nọ jẹnukọnna hùsúdo,
Ayiha adingbànnọ nọ jẹnukọnna aijijẹ.
19E bọawu nado yín ayiha whìwhẹnọ hẹ wamọnọ lẹ,
Hú nado má ogbànna hẹ saklanọ lẹ.
20Ewọ he yí zìnzìn do basi owhé na mọ dagbe:
Mẹhe sọ dotudo OKLUNỌ go, wẹ jijọhonọ.
21Nuyọnẹntọ to ayiha mẹ wẹ yè na ylọ zìnzìntọ:
Yivi nuflo tọn sọ nọ hẹn nuyọnẹn sù deji.
22Zìnzìn wẹ asisa ogbẹ́ tọn hlan ewọ he tindo e:
Ṣigba oplón nululunọ tọn nululu wẹ,
23Àyiha nuyọnẹntọ tọn plọn onù etọn,
E sọ hẹn oplón sù to nuflo etọn ji.
24Ohó vivi taidi owinjá, é vivi na ayiha,
E sọ hẹn ohú jẹ gángán.
25Aliho de tin he taidimẹ é yón na gbẹtọ,
Ṣigba pòdo etọn aliho oku tọn wẹ,
26Mẹhe wàzón, é wàzón na ede:
Na onù etọn wẹ hẹn ẹn basi i.
27Gbẹtọ ylankan kún oylan jẹgbonu.
Podọ ozò he nọ mẹ omẹ tin nuflo etọn ji.
28Gbẹtọ yẹ́wàtọ do avùn dai:
Nuglọhódọtọ sọ klan họ́ntọn do ovò.
29Gbẹtọ huhlọntọ klọ kọmẹnu etọn,
Bo sọ hẹn ẹn yì aliho he ma yón ji.
30Ewọ he miọnnukun etọn nado lẹn onú yẹwiwà tọn wẹ,
Ewọ he há nuflo etọn, é hẹn onú ylankan jọ.
31Ojẹgbakun gigo tọn wẹ ota owhànọ,
Eyín yè mọ ẹn to aliho dódó tọn ji.
32Ewọ he, whleawu nado gblehomẹ, pọnte hú huhlọntọ:
Ewọ he sọ dugán to gbigbọ etọn ji, hugán ewọ he yanwhàn oto ton.
33Yè wón agège kọ̀n do yẹndawe avọ̀ tọn mẹ:
Ṣigba whẹ̀dida etọn lẹpo, OKLUNỌ tọn wẹ.
Currently Selected:
HÓWHÍNWHÉN LẸ 16: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.