HÓWHÍNWHÉN LẸ 15
15
1HOGBÈ dẹdẹ nọ lẹ́ homẹgble sẹ̀:
Ṣigba ohó sinsinyẹn wẹ nọ fọ́n homẹgble daga.
2Odẹ́ nuyọnẹntọ tọn nọ zán nuyọnẹn dagbe;
Ṣigba onù nulunọ tọn kọ̀ nululu jẹgbonu.
3Nukun OKLUNỌ tọn tin to ofi popo,
E to mẹylankan po mẹdagbe lẹ po pọ́n.
4Odẹ́ hẹndogángán tọn wẹ atin ogbẹ́ tọn:
Lẹ́gọ̀lẹ́gọ̀ to e mẹ wẹ gbigble ayiha tọn.
5Nulunọ vlẹ oplón otọ́ etọn tọn:
Ṣigba èwọ he tùntóai do wọhẹ go, wẹ zìn.
6To owhé dódónọ tọn gbè wẹ adọkunnu susu te:
Ṣigba to ajó méyìankan tọn mẹ wẹ tukla te.
7Nuflo nuyọnẹntọ tọn gbà nuyọnẹn pé:
Ṣigba ayiha nulunọ tọn ma nọ wà mọ gba
8Avọ́ mẹylankan lẹ tọn osùnú de wẹ hlan OKLUNỌ:
Ṣigba odẹ́ nugbonọ lẹ tọn wẹ homẹhùnhùn etọn.
9Aliho mẹylankan lẹ tọn osùnú de wẹ hlan OKLUNỌ:
Ṣigba é yiwanna yé he to dódó hodo lẹ
10Anademẹ yin homẹhẹngblenu na ewọ he gbé aliho oklonọ tọn dai:
Ewọ he sọ gbẹ́ wọhẹ na kú.
11Okútòmẹ po hùsúdo po hùndai to OKLUNỌ nukọn:
Nẹmunẹmu to ayiha ovi gbẹtọ tọn lẹ mọ?
12Mẹvlẹtọ ma yiwanna mẹhe to wiwọhẹ ẹ gba:
Mọ é ma jei nuyọnẹntọ lẹ de.
13Ayiha homẹvivi tọn hẹn nukunmẹ yón:
Ṣigba gbọn awubla ayiha tọn dali, gbigbọ nọ gbàdo.
14Ayiha ewọ he zìn tọn nọ tó nuyọnẹn din:
Ṣigba onù nulunọ tọn nọ yí nululu do yìn ede.
15Azán nukunbianọ tọn lẹpo wẹ oylan:
Ṣigba homẹvivinọ to jijọho dù to whepoponu.
16Vude po osi OKLUNỌ tọn
Po bọawu hú adọkunnu susu po tukla po.
17Amànúsọnú to fie owanyi te,
Bọawu hú oyin yìndù de podọ wangbẹnamẹ po e po.
18Homẹgbletọ fọ́n avùn dote:
Ṣigba ewọ he whleawu nado gblehomẹ hẹn avùn gbọ̀.
19Aliho adidọnọ tọn taidi ozùn owùn tọn de:
Ṣigba aliho dódónọ lẹ tọn mimẹ̀ wẹ.
20Ovi nuyọnẹntọ basi homẹhùn otọ tọn:
Ṣigba gbẹtọ nulunọ vlẹ onọ etọn.
21Nululu wẹ ayajẹ na ewọ he zìnzìn pò na:
Ṣigba gbẹtọ zìnzìntọ nọ to zọnlinzin to dódó mẹ.
22Matin wedido, linlẹn lẹzùn ovó:
Ṣigba susugege tohódọtọ lẹ tọn mẹ, yé nọ yi yé hẹnai.
23Gbẹtọ tindo ayajijẹ gbọn gbèyíyí onù etọn mẹ tọn dali:
Podọ ohó dopo to ojlẹ etọn mẹ, nawẹ é jẹ do.
24Aliho ogbé tọn tin to aga hlan
nuyọnẹntọ Na é nido tón sọn olọn zòdo mẹ to odò.
25OKLUNỌ na và owhé goyítọ tọn súdo:
Ṣigba é na hẹn dògbo asusiọsi tọn sinai.
26Linlẹn mẹylankan tọn osùnú de wẹ hlan OKLUNỌ:
Ṣigba wiwe wẹ ohó vivi to nukọn etọn.
27Ewọ he to ale mawàdódó tọn dù to tuklado owhé ede tọn;
Ṣigba ewọ he gbẹwanna nunina na gán
28Ayiha dódónọ tọn kanayiha nado gblọn:
Ṣigba onù mẹylankan tọn nọ kó onú ylankan jẹgbonu.
29OKLUNỌ dẹn do mẹylankan lẹ:
Ṣigba é nọ sè odó dodónó lẹ tọn.
30Hinhọ́n nukun tọn hẹn ayiha jaya:
Lìnlìn dagbe sọ hẹn ohú dójo.
31Otọ́ he sè wọhẹ ogbó tọn wẹ na nọ nuyọnẹntọ lẹ ṣẹnṣẹn.
32Ewọ he gbẹ́ oplón, vlẹ ayiha ede tọn:
Ṣigba ewọ he sè wọhẹ, è tindo zìnzìn
33Osi OKLUNỌ tọn wẹ oplón nuyọnẹn tọn:
Podọ jẹnukọnna yẹyi wẹ whiwhé.
Currently Selected:
HÓWHÍNWHÉN LẸ 15: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.