HÓWHÍNWHÉN LẸ 11
11
1OJLẸNU oklọ tọn de osùnú de wẹ na OKLUNỌ:
Ṣigba nujlẹnu nugbo tọn de wẹ họmẹhùnhùn etọn.
2Whenuena sakla wá, whenẹnu wẹ winyan wá.
Ṣigba nuyọnẹn tin to whiwhẹ́nọ de.
3Nugbo nugbonọ lẹ tọn na plọ́n yé:
Ṣigba yẹwiwà ylanwàtọ lẹ tọn na hù yé súdo.
4Adọkun ma doale to azán homẹgble tọn gbè:
Ṣigba dódó wẹ nọ whlẹn omẹ sọn okú si.
5Dódó mẹpipé tọn na plọ́n ẹn to aliho etọn ji:
Ṣigba mẹylankan na jai gbọn ylankan etọn mẹ.
6Dódó nugbonọ lẹ tọn na whlẹn yé:
Ṣigba ylanwàtọ lẹ wẹ yè na wle to oylan yetọn mẹ.
7Whenuena mẹylankan kú, nukundo etọn na súdo:
Tódido gbẹtọ mawàdódónọ lẹ tọn súdo.
8Yè whlẹn nugbonọ sọn tukla mẹ,
Mẹylankan na sọ jẹ otẹn etọn mẹ.
9Onù wẹ ylanwàtọ do nọ hù kọmẹnu etọn súdo:
Ṣigba nuyọnẹn wẹ yè na do whlẹn nugbonọ lẹ dai.
10Whenuena jijọho tin na dódónọ, otò nọ jaya:
Whenuena mẹylankan dọ́n, abobo nọ di.
11Gbọn dona nugbonọ lẹ tọn dali otò yín zedaga:
Ṣigba yè gbọn onù mẹylankan lẹ tọn dali hó ẹ liai.
12Ewọ he ma tindo nuyọnẹn nọ vlẹ kọmẹnu etọn:
Ṣigba gbẹtọ he zìn bò onù etọn do.
13Ewọ he nọ doajan dè ohó nuglọ tọn hia:
Ṣigba ewọ he yín nugbonọ to ayiha mẹ yí ohó lọ whlá.
14Fie mẹdèdaliji nuyọnẹn tọn ma tin te gbẹtọ lẹ jai:
Ṣigba susugege tòhódọtọ lẹ tọn mẹ wẹ jijọho te.
15Ewọ he basi alọyítọ na jonọ na mọ tukla:
Ṣigba ewọ he gbẹwanna alọyíyí tin to jijọho.
16Yọnnu dagbewàtọ hẹn yẹyi dote:
Dile gbẹtọ huhlọntọ lẹ nọ hẹn adọkun dote do.
17Gbẹtọ lẹblanunọ wà dagbe hlan gbigbọ ede tọn:
Ṣigba gbẹtọ okanọ to tuklado agbasa ede tọn.
18Mẹylankan to azón ale oklọ tọn wà;
Ṣigba ewọ he to dódó dọ wẹ ale nugbo tin na.
19Dile mẹhe nọte to dódó mẹ do ogbẹ́ do:
Mowẹ mẹhe to módona oylan, é to módona okú ede tọn.
20Yé he yín gbigble to ayiha mẹ wẹ osùnú de hlan OKLUNỌ:
Ṣigba homẹ etọn hùn do mẹhe yín nugbonọ to aliho yetọn ji lẹ go.
21Eyín yé tlẹ sín alọ do alọ go, mẹylankan ma na yì majiya:
Ṣigba okún dódónọ lẹ tọn wẹ yè na whlẹn.
22Dile sikalọkẹ te to awọntin ohàn de tọn mẹ,
Mọwẹ yọnnu whanpẹnọ he ma zìn.
23Dagbe dodo wẹ ojlo dódónọ homẹ tọn;
Ṣigba homẹgble wẹ nukundo mẹylankan lẹ tọn.
24Mẹde tin bọ to vúnvúnvúnvún, gãnṣo é to susu deji,
Mẹde sọ tin bo sọ jọ hẹngógóenọ hú le é jẹ do, ṣigba hlan mado mẹ wẹ:
25Ayiha dagbewà tọn wẹ yè na hẹn klo:
Ewọ he to sìnhúmẹ, ewọ lọsu ga na yín sìnhúna.
26Ewọ he doalọ gbàdo tọn ote, ewọ wẹ gbẹtọ na hòdèdo:
Ṣigba dona na tin to ota ewọ he sà ẹ tọn.
27Ewọ he wadẹ̃dẹ̃ do din dagbe, na mọ nukundagbe:
Ṣigba ewọ he to oylan din pé, é ja pipla ẹ gbè.
28Ewọ he dotudo adọkun etọn go na jai:
Ṣigba dódónọ na to vùnvùn di ala atin tọn.
29Ewọ he dotukla owhé ede tọn na dù jẹhọn gú:
Nulunọ na yín lizọnyítọ na nuyọnẹntọ ayiha tọn.
30Sinsén dódó tọn atin ogbè tọn de wẹ;
Podọ ewọ he sọ diọ ayiha gbẹtọ tọn, wẹ nuyọnẹntọ.
31Dayi e go, yè na suahọ etọn dódónọ to aihọn mẹ:
Nẹmunẹmu wẹ mẹylankan po ylandonọ po.
Currently Selected:
HÓWHÍNWHÉN LẸ 11: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.