HÓWHÍNWHÉN LẸ 10
10
1HÓWHÍNWHẸN Sọlomọn tọn lẹ.
Ovi nuyọnẹntọ basi homẹhùn otọ́ etọn tọn:
Ṣigba ovi nulunọ wẹ awubla onọ etọn tọn.
2Adọkunnu jijọ ylankan tọn ma doale de:
Ṣigba dódó wẹ nọ whlẹnmẹ sọn okú si.
3OKLUNỌ ma na dike huvẹ́ ni hù ayiha dódónọ tọn:
Ṣigba é bli ojlo mẹylankan lẹ tọn kònyingbé,
4Mẹhe tẹ̀ alọ na zùn wamọnọ,
Ṣigba alọ magbọjẹnọ tọn wẹ na hẹn adọkun wá.
5Mẹhe bẹ́ pli to alúnlùn mẹ wẹ ovi nuyọnẹntọ de:
Ṣigba mẹhe damlọn to jijẹ-whenu wẹ ovi he nọ dowinyan omẹ.
6Dona tin to ota dódónọ tọn;
Ṣigba jijọ huhlọn tọn na ṣinyọn onù mẹylankan tọn.
7Donanọ wẹ oflin nugbonọ tọn:
Ṣigba oyín mẹylankan tọn na yón.
8Nuyọnẹntọ ayiha mẹ tọn na yí osẹn:
Ṣigba onù mlanmlan wẹ yè na súdo.
9Ewọ he to zọnlinzin titegbe é zinzọnlin nugbo:
Ṣigba ewọ he to aliho etọn hẹngble na yín yínyọnẹn.
10Ewọ he to nukunwhè hẹn awubla wá:
Ṣigba onù mlanmlan wẹ yè na súdo.
11Dòtọ ogbẹ̀ tọn Asisa de wẹ alihọ dódónọ tọn:
Ṣigba jijọ huhlọn tọn na ṣinyọn onù mẹylankan tọn.
12Wangbẹnamẹ wẹ nọ fọ́n avùn daga:
Ṣigba owanyi ṣinyọn ylanwà lẹpo ji.
13To nuflo ewọ he zìn tọn mẹ wẹ yè mọ nuyọnẹn te:
Ṣigba opò de tin na nẹgbé ewọ he zìnzìn pò na tọn,
14Gbẹtọ nuyọnẹntọ lọ nọ bó nuyọnẹn pli:
Ṣigba onù nulunọ lẹ tọn sẹ̀pọ́ hùsúdo.
15Adọkunnu adọkunnọ tọn wẹ otò gán gán etọn:
Matindo wamọnọ lọ tọn wẹ hùsúdo yetọn.
16Azón dódónọ tọn dé hlan ogbè,
Sinsón ylandonọ lẹ tọn hlan ylando.
17Ewọ he yí oplón whlá, é tin to aliho ogbẹ́ tọn ji:
Ṣigba ewọ he gbẹ́ wọhẹ é buali.
18Èwọ he yí wangbẹnamẹ whlá to nuflo lalo tọn mẹ,
Po mẹhe to kunnuhu po, wẹ nulunọ.
19To ohó susu mẹ yè ma sọgan ba ylanwà pò:
Ṣigba ewọ he hẹn nuflo etọn dote wẹ yọnnuin.
20Odé nugbonọ tọn taidi fataka dagbedagbe:
Ayiha ylandonọ tọn ma hòakuẹ de.
21Nuflo dódónọ tọn to núdùdù na omẹ susu:
Ṣigba nulunọ lẹ kú mado nuyọnẹn.
22Odona OKLUNỌ tọn, é nọ hẹn omẹ wàdọkun,
E ma nọ yi awubla dogó ẹ gba.
23Aibun wẹ é di na mẹylankan de nado jọ jijọ oka tọn:
Ṣigba zìnzìntọ de wẹ gbẹtọ nuyọnẹn tọn.
24Sisọsisọ mẹylankan tọn ja e ji:
Ṣigba ojlo dódónọ tọn wẹ yè na yí na ẹn.
25Dile oyú nọ yìn wáyì, mọwẹ mẹylankan ma na tin bà:
Ṣigba dódónọ tindo dòdo madopodo.
26Di ahàn vósìn na adú, podọ di azò na nukun,
Mọ wẹ adidọnọ te hlan yé he zọnnú in lẹ.
27Osi OKLUNỌ tọn hẹn azán dite:
Ṣigba owhè mẹylankan lẹ tọn wẹ yè na sán pò.
28Ojlo dódónọ lẹ tọn ayajijẹ wẹ é na yín:
Ṣigba tódido mẹylankan tọn wẹ na dòn.
29Aliho OKLUNỌ tọn huhlọn wẹ na dódónọ lẹ:
Ṣigba dindọn tin na azón ylankan wàtọ lẹ.
30Yè ma na diọtẹnna dódónọ gbède:
Ṣigba mẹylankan ma na nó aihọn mẹ gba.
31Onù nugbonọ tọn dè nuyọnẹn jẹgbonu:
Ṣigba odé yẹwiwà tọn wẹ yè na sán sẹ.
32Nuflo dódónọ tọn yón onú he yín alọkẹyí:
Ṣigba onù ylandonọ lẹ tọn to ohó yẹwiwà tọn dọ.
Currently Selected:
HÓWHÍNWHÉN LẸ 10: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.