JOB 6
6
1WHENẸNU wẹ Job gblọn bo sọ dọmọ,
2ṣó dọ homẹgble ṣie do yín jijlẹ,
Podọ oya ṣie yín zizé dó ojlẹgàn lẹ mẹ dopọ l
3Na dinvie wẹ é na yín pinpẹ̀nzin hú otọ̀kẹ́n ohù lẹ tọn:
Enẹwutu wẹ ohó ṣie lẹ ko do yín whlẹndo.
4Na ogá Ganhunupo tọn lẹ tin to ohọ̀ ṣie mẹ,
Adí ehetọn gbigbọ ṣie nù gọ́hò:
Budonamẹ Jiwheyẹwhe tọn lẹ ze yéde do ohaji do oji e.
5Bé kẹtẹkẹtẹ gbémẹ tọn nọ dawhá whenuena é tindo ogbé?
Kavi oyín nọ dawhá to nudùdù etọn ji?
6Bé enẹ he ma tindo otón sọgan yín dùdù matin ojó?
Kavi vivi de tin to wéwé azìn de tọn mẹ?
7Alindọn ṣie gbẹ́ nado doalọ yé go;
Yé tin di núdùdù awuhiọ hlan mi,
8Ṣó yẹn do tindo kanbiọ ṣie;
Podọ Jiwheyẹwhe do yí onú he yẹn to jijlo na mi!
9Yèdọ é do hùnhomẹ Jiwheyẹwhe nado pọ́tọ́ mi,
Dọ ewọ do jokanna alọ etọn, bo sán mi sẹ̀!
10Whenenu wẹ yẹn do tlẹ tindo homẹmiọn;
Mọwẹ yẹn na hẹn dẽ sinyẹn to awufiẹsa mẹ yín ewọ ma tlẹ hladai:
11Eté wẹ huhlọn ṣie bọ yẹn na do dòngban?
Podọ eté wẹ opòdo ṣie, bọ yẹn na do yín homẹmiọnnọ?
12Huhlọn ṣie yín huhlọn zannu lẹ tọn wẹ?
Kavi agbasalan ṣie tin sọn ganvẹ́ me wẹ?
13Bé é ma yín dọ yẹn ma tindo alọgọ de to oho ṣie mẹ wẹ;
Podọ yè yàn nuyọnẹn he whẹ́n yì sọn dẽ patapata?
14Hlan ewọ he wleawu nado dakú wẹ yè do do dagbewà hia sọn họntọn etọn de;
Ṣigba ewọ gbẹ́ budisi Ganhunupo tọn dai.
15Mẹmesunnu ṣie lẹ ko yí oklọ do zán di tòpese de,
Di asisa tòpẹsẹ lẹ tọn he juwáyi;
16Ehe yín oyú gbọn osìn-mlinmlin dali,
Podọ ehe mọ osìn-agó whla ede do:
17Ojlẹ he mẹ yé sẹ́whe, yé kónyì,
Whenuena é yín whèmẹ, yè sú yé do sọn otẹn yetọn mẹ.
18Yè diọ omọ́ aliho yetọn lẹ tọn do apadopo;
Tó yi vivà mẹ, bo sọ dọ̀n.
19Ahisi Tema tọn lẹ pọ́n,
Ogbẹ́ Ṣeba tọn lẹ dọ̀ngbàn na yé.
20Yè hẹn winyanhù yé na yé ko dotódo wutu;
Yé wá finẹ, yè sọ dowinyan yé.
21Na dinvie mìwlẹ taidi fìnẹnkọ;
Mìwlẹ mọ núdobu de, bo yín avọ̀satọ.
22Bé yẹn dọmọ, Na hlan mi?
Kavi na nunina de na mi sọn agbàn mítọn mẹ?
23Kavi dè mi sọn alọ mẹglatọ lọ tọn mẹ?
Kavi fli mi sọn alọ nukunbianamẹtọ lọ tọn mẹ?
24Plọn mi, yẹn na sọ nabọẹ ṣie:
Mì bo sọ hẹn mi nado tùnwun ehe mẹ yẹn ko buali te.
25Na ohó tenọgli tọn lẹ yín osìnyẹn do
Ṣigba eté wẹ núdindọn mítọn dèdona?
26Míwlẹ to linlẹn nado dèdòna ohó lẹ wẹ?
Mimọ dọ ohógbè omẹ he jẹglo de tọn lẹ tin na jẹhọn.
27Mọwẹ, mìwlẹ do dlan ovò lẹ do tọsiọvi lọ ji,
Bo sọ basi ahidona họntọn mítọn tọn.
28Enẹwutu dinvie mì ni yín homẹhùnnọ nado to pinpọ́n mi;
Podọ é na yín kunnudèná hlan mì eyín yẹn dolalo wẹ.
29Mì lẹ́gọ̀, Yẹn vẹ́ mi, mì dike mawàdódó de tin blo;
Mowẹ, mì ni sọ lẹ́gọ̀, dódó ṣie tin to e mẹ.
30Mawàdódó de tin to odò ṣie ji la?
Bé odọ́pọ́n ṣie ma sọgan fọ̀yẹ̀na onú danúnọ lẹ?
Currently Selected:
JOB 6: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.