JOB 5
5
1BO ylọ lò; mẹdepope tin he na yígbèna we?
Podọ omẹ wiwe lẹ tó de wẹ hiẹ na gọ̀ do?
2Na homegble nọ hù gbẹtọ klenọ,
Podọ adidù sọ nọ hù omẹ gúgútọ.
3Yẹn ko nọ mọ gbẹtọ klenọ hẹnadọai:
Ṣigba ajiji de wẹ yẹn hòdẹ̀do onọtẹn etọn.
4Ovi etọn lẹ tin dẹn sọn gingán mẹ,
Podọ yè sọ pótọ́ yé to họ̀ngbo lọ mẹ,
Mọ mẹdepope ma tin nado whlẹn yé.
5Ojijẹ mẹhetọn hùvẹtọnọ lọ dù pó,
Bo sọ bẹ yèdọ tọ́n sọn owun lẹ mẹ,
Nugblanọ lọ sọ mì agbàn yetọn.
6Na oylanwà ma tọ́n sọn kọ́gudu mẹ wá gba,
Mọ tukla ma tọ́nkùn tọ́n sọn aigba mẹ gba;
7Ṣigba yè ji gbẹtọ hlan tukla,
Dile sisé lẹ nọ zlọn hlanaga do.
8Ṣigba na yẹn tọn, yẹn na nọ din hlan Jiwheyẹwhe de,
Podọ hlan Jiwheyẹwhe de wẹ yẹn na nọ jó owhè ṣie do:
9He wà onú dahodaho lẹ podọ he zẹ dindinmọ go;
Onú jawujawu lẹ matin osọha:
10Mẹhe nọ na jikùn do aigba ji,
Bo sọ do osìn lẹ hlan odanji lẹ:
11Sọmọ bọ é zé enẹlẹ he yín whiwhẹ nọ do aga;
Podọ enẹlè he to awubla wẹ yè sọ zédaga hlan gingán mẹ.
12E hẹn núṣiwà anatọ tọn lẹ zùn ovọ́,
Sọmọ bọ alọ yetọn lẹ ma sọgan do onú họakuẹ de.
13E wle nuyọnẹntọ lẹ to anazọn yetọn titi mẹ:
Podọ ohónamẹ tasinyẹntọ lọ tọn wẹ yè sọ́ takitina yì.
14Yé dùkosọ zinvlu to oklegbà mẹ,
Bo sọ to alọdlanú to klekle taidi to ozán mẹ.
15Ṣigba ewọ whlẹn sọn ohi mẹ sọn onù yetọn mẹ;
Yèdọ agbatọnọ lọ sọn alọ huhlọnnọ lọ tọn mẹ.
16Mowẹ wamọnọ tindo tódido,
Bọ oylanwà sọ bọ́ onù etọn do.
17Dayi e go, jijọhonọ wẹ omẹ lọ mẹhe Jiwheyẹwhe dèdòna:
Enẹwutu a vlẹ mẹplọnlọ Ganhunupo tọn lọ blo.
18Na ewọ nọ basi alán bo sọ nọ dònbla;
Ewọ nọ húnúmẹ, alọ etọn lẹ sọ nọ hẹn jẹgángan.
19Ewọ na whlẹn we to tukla ṣidopo mẹ;
Mowẹ to ṣinawe mẹ oylan de ma to na doalọ ogo we.
20To hùvé whenu ewọ na fli we sọn okú mẹ;
Podọ to awhàn mẹ sọn huhlọn ohi tọn mẹ.
21Yè na whla we sọn hiho odé tọn mẹ;
Mọ hiẹ ma na yín avọ̀satọ ovivà lọ tọn whenuena é wá.
22To ovivà po núdón po whenu hiẹ na to núkò;
Mọ hiẹ ma na yín avọ̀satọ na gbékaniin aigba tọn lẹ
23Na hiẹ na tin to kòndopọ mẹ po zannu danji tọn lẹ po;
Podọ gbékanlin danji tọn lẹ na tin jijọho to de we.
24Hiẹ na sọ yọnẹn dọ ogohó towe tin to jijọho mẹ;
Hiẹ na sọ to fininò towe dlapọn, bo ma na buali gba.
25Hiẹ na sọ yọnẹn ga dọ okún towe na yín kiklo,
Podọ ovivi towe lẹ di ogbé aigba tọn.
26Hiẹ na wá oyọdò towe mẹ to gbẹ́zán gigọ́ de mẹ,
Taidi apà ogbadó tọn de wá whégbè to whenu etọn mẹ.
27Pọ́n ehe, mìwlẹ ko din in, mọ é yín;
Sè e, hiẹ ni bo sọ yọnẹn na dewe.
Currently Selected:
JOB 5: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.