JOB 38
38
1WHENẸNU we OKLUNỌ gblọnna Job sọn jẹhọnahizi mẹ, bo dọmọ,
2Mẹnu wẹ ehe he hẹn hónamẹ dozinvlu.
Gbọn ohó matin oyọnẹn lẹ dali?
3Yí homẹbla do bla adaja towe lẹ taidi sunnu de:
Na yẹn na biọ sọn de we, hiẹ ni bo sọ dọtón hlan mi.
4Fie wẹ hiẹ te whenuena yẹn do odòdo aigba tọn lẹ ai?
Dọtón, eyín hiẹ yón wuntùntùn.
5Mẹnu wẹ dodògbo ojlẹ etọn lẹ tọn, eyín hiẹ yọnẹn?
Kavi mẹnu vẹ dlẹn okàn do e ji?
6Eheji yè hẹn oslò etọn lẹ nado biọ?
Kavi mẹnu wẹ do zannu lọnglọnẹn etọn tọn;
7Whenuena sunwhlẹvu afọnnu tọn lẹ to hànji dopọ,
Bọ visunnu Jiwheyẹwhe tọn lẹpo to abóbodo na homẹhùn?
8Kavi mẹnu wẹ yí ohón lẹ do glọn ohù,
9Whenuena é gbà jẹgbonu, bo túntún jẹgbonu sọn adò mẹ;
Whenuena yẹn yí aslọ do basi agawu etọn,
Bo sọ yí zinvlu titli do basi ajá de na ẹn,
10Bo gbà dògbo ṣie nẹ̃,
Bo do patin lẹ po ohọ́n lẹ po,
11Bo dọmọ, File wẹ hiẹ na wá jẹ, sẹ́donukọn de tin blo;
Podọ ofi wẹ agbowhẹ̀n saklanọ towe lẹ na yín hẹndote te?
12Hiẹ ko degbèdo afọnnu sọn whenu azán towe lẹ ṣẹ̀,
Bo sọ hẹn wunkinkẹn nado yón otẹn etọn;
13Na é nido hẹn opòdo aigba tọn lẹ go, Bọ mẹylankan yín mìmì sọn e mẹ?
14Yè diọ ẹ di okò to nutlẹnú glọ;
Onú lẹpo wẹ ṣite gbonu di to agawu de mẹ:
15Podọ sọn mẹylankan lẹ de yè glọn hinhọ́n yetọn dote,
Yè sọ wẹ́n awà he yìaga.
16Hiẹ ko biọ osìnwhín ohù tọn lẹ mẹ? Kavi hiẹ ko zinzọnlin to odògbo lọ dindin mẹ?
17Yè ko dè họ́ngbo okú tọn lẹ hia hlan we?
Kavi hiẹ ko mọ họ́ngbo oyẹ́ okú tọn lẹ tọn lọ?
18Hiẹ ko yọ́n ogblo aigba tọn?
Dọtón eyín hiẹ yọ́n ẹn pó.
19Fie wẹ aliho hlan fininọ hinhọ́n tọn lọ te,
Podọ na zinvlu tọn, fie wẹ tẹnmẹ etọn te;
20Na hiẹ na do zé e jẹ odògbo etọn ji, Podọ na hiẹ na do fọyé omó etọn lẹ tọn jẹ owhé etọn gbè?
21Yèdọmatin, hiẹ yọnẹn, na yè ko ji hiẹ to whenẹnu,
Podọ osọha azán towe lẹ tọn yín kiklo
22Hiẹ ko biọ agbànhọ̀ osìn-sinsinyẹn tọn lẹ mẹ,
Kavi hiẹ ko mọ agbànhọ̀ okẹ́njikun tọn lẹ,
23He yẹn ko dóvà do ojlẹ tukla tọn tamẹ,
Do azán avùn po awhàn tọn po tamẹ?
24Etẹ́ wẹ aliho lọ jẹ otẹn fie hinhọ́n nọ gbọnyì,
Kavi ojẹhọn whèzẹtẹn tọn he yè vúnvún do aigba ji?
25Mẹhe ko zé osìnwhín de na osìngigó,
Kavi aliho de na abi osò tọn;
26Nado hẹn ẹn nado jajikun do aigba de ji fie gbẹtọ de ma te;
To zùngbo ji ehemẹ gbẹtọ de ma te;
27Nado pékọna aigba he gbọ̀vọ́ bo gbọ̀gbé;
Podọ nado hẹn ogbónukunmẹ tlọ́n jẹgbonu?
28Bé ojikun tindo otọ́ de?
Kavi mẹnu wẹ ko dè kùnkùn ahún tọn tọ́n?
29Adọ̀ mẹnutọn mẹ osìn-agó tón sọn wá?
Podọ avivi dóhó olọn tọn, mẹnu wẹ ji i?
30Yè hẹn osìn lẹ sinyẹn taidi zannu,
Yè sọ hẹn nukunmẹ odògbo tọn pénù.
31Hiẹ sọgan sín ogódè (Pleiade) sunwhlẹvu-ṣinawe lẹ tọn,
Kavi tún homẹbla Oliọni tọn?
32Hiẹ sọgan dèaná ohia Zodiaki tọn wiawe lẹ to ojlẹ yetọn mẹ?
Kavi hiẹ sọgan gọ̀kọ̀na Beali po visunnu etọn lẹ po?
33Hiẹ yọ́n aṣẹdai olọn lẹ tọn lẹ?
Hiẹ sọgan hẹn ahọluigba etọn lòdo to aigba ji?
34Hiẹ sọgan zé ogbè towe daga hlan aslọ lẹ,
Na gégé osìn lẹ tọn nido ṣinyọn we?
35Hiẹ sọgan do abi lẹ jẹgbonu, na yé nido yì,
Bo sọ dọ hlan we dọ, Míwlẹ tin to ofi?
36Mẹnu wẹ ko yi nuyọnẹn do aslọ suyú lẹ mẹ?
Kavi mẹnu wẹ ko na wuntùntùn hlan sunwhlẹvudadẹ?
37Mẹnu wẹ sọgan hiasọhana aslọ lẹ gbọn nuyọnẹn dali?
Kavi mẹnu wẹ sọgan hẹn ogò olọn tọn lẹ mlọn ai,
38Whenuena kọ́gudu to wezundo do hòplidopọ de mẹ,
Bọ okọ̀gó lẹ do dọ̀n whè dopọ?
39Hiẹ na domona nuyànwẹnna na kinnisì wẹ?
Kavi pékọna ohùvẹ́ kinnivu lẹ tọn,
40Whenuena yé pàvàvá to odò yetọn lẹ mẹ,
Bo sọ gbọsi avàli mẹ nado tọwu dote?
41Mẹnu wẹ nọ wleawu na adọ́gbó núdùdù etọn,
Whenuena ovi etọn dawhá hlan Jiwheyẹwhe,
Bo to dindanpé na núdùdù matindo tọn?
Currently Selected:
JOB 38: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.