JOB 37
37
1AYIHA ṣie sisọ do ehe go ga,
Yè sọ sẹtẹnna ẹn sọn otẹn etọn mẹ.
2Mì ni tuntóai hlan hùnhlun ogbè etọn tọn,
Po hùnhlundokómẹ he tón sọn onù etọn po.
3E do e hlan gbonu to olọn pete glọ,
Podọ hinhọ́n etọn hlan otónu aigba tọn lẹ.
4Ogbè de sọ li to godo etọn;
E yí ogbè gigodaho etọn tọn do yẹ́nwán:
Ewọ ma sọ hẹn yé dote whenuena yè sè ogbè etọn gba.
5Jiwheyẹwhe yí ogbè etọn do yẹ́nwán po awujiji po;
Onú dahodaho lẹ wẹ á to wiwà, ehe mìwlẹ ma sọgan yọnẹn.
6Na é dọ hlan sìnmlinmlin dọ,
Hiẹ ni flẹjẹ aigba ji;
Mọkẹdẹ hlan finfán ojikun tọn,
Podọ hlan finfán ojikun hlọnhlọnnọ etọn tọn.
7E tlẹhia do alọ gbẹtọ dopodopo tọn go;
Na gbẹtọ mẹhe ewọ ko basi lẹpo nido yón ẹn.
8Whenẹnu wẹ gbékanlin lẹ biọ avàli lẹ mẹ,
Bo gbọsi odò yetọn lẹ mẹ.
9Abò hùwaji tọn mẹ wẹ Yújẹhọn tọ́n sọn wá:
Podọ avivọ sọn jẹhọn he vúnvúnpé lẹ mẹ.
10Gbọn gbọfufu Jiwheyẹwhe tọn dali wẹ yè na osìn-ago omẹ:
Podọ yè sọ hẹn ogblo osìn lẹ tọn whèdopọ.
11Mowẹ, é yí opọ̀pọ̀ do tó aslọ titli;
E dlẹn aslọ hinhọ́n etọn tọn pé:
12Yè sọ to Uló ẹ lópé gbọn dido etọn dali,
Na yé nido nọ wà nudepope ewọ degbèna yé.
To nukunmẹ finanọ́ owẹkẹ tọn ji:
13Eyín é yín na anadèmẹ, kavi na aigba etọn,
Kavi na lẹblanu wẹ ewọ do hẹn ẹn nado wá.
14Tuntóai hlan ehe, Hiẹ Job:
Nọte abọẹgún, bo lẹn azọ́n jawu Jiwheyẹwhe tọn lẹ pọ́n.
15Bé hiẹ yọ́n nawẹ Jiwheyẹwhe do aṣẹ etọn yé ji do,
Bo sọ hẹn hinhọ́n aslọ etọn tọn nado to sìsẹ́?
16Bé hiẹ yọ́n zẹ́nsisọ aslọ lẹ tọn lẹ,
Azón jawu ewọ mẹhe yín mẹpipé tọn to oyọnẹn mẹ?
17Hiẹ agawu mẹhetọn lẹ yín yózonọ,
Whenuena é hẹn aigba nabọẹ gbọn
jẹhọn hùwaji tọn dali?
18Hiẹ po e po sọgan dlẹn agahòmẹ jẹgbonu,
Ehe yín sinsinyẹn di mẹpọ́nnu kinkọ̀n de?
19Plọn mí núhe míwlẹ na dọ hlan ẹn;
Na mìwlẹ ma sọgan tò ohógbè mítọn gbọn zinvlu dali tọn gba.
20Bé yè na dọ nọ́ dọ yẹn do dọhó?
Bé eyín omẹ de dọhó yè na zé e mì nugbonugbo wẹ?
21Podọ dinvie gbẹtọ lẹ ma sọgan pọ́n hinhọ́n whenuena é yín hinhọ́n to agahòmẹ lẹ mẹ gba:
Whenuena jẹhọn ko juwáyì, bo kló yé wé.
22Huwajì wẹ sika tọ́n sọn wá: Jiwheyẹwhe tindo gigodaho budaho tọn to yé ji.
23Gbọn Ganhunupo tọn dali, mìwlẹ
ma sọgan din in mọ gba; ewọ wẹ yẹyidahonọ to huhlọn mẹ:
Podọ hlan whẹ̀dida po dódó susunọ po ewọ ma wà huhlọnnú de gba.
24Enẹwutu wẹ gbẹtọ lẹ to budisi i:
Ewọ ma nọ hò mẹdepope he yín nuyọnẹntọ ayiha tọn pọ́n gba.
Currently Selected:
JOB 37: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.