JOB 34
34
1ELIHU gblọn húmọ bo dọmọ,
2Sè ohó ṣie lẹ, mì gbẹtọ nuyọnẹntọ lẹ;
Bo sọ na otọ́ hlan mi, mì lẹ he tindo oyọnẹn.
3Na otó wẹ nọ whle ohó lẹ pòn,
Dile ohèke nọ dọ̀ núdùdù pọ̀n do.
4Gbọ mí ni dè na mi enẹ he yín jijlọ:
Gbọ mí ni yọnẹn to mí ṣẹnṣẹn enẹ he yín dagbe.
5Na Job ko dọmọ, Dódónọ wẹ yẹn,
Podọ Jiwheyẹwhe ko yí ojlọjẹ sieyì:
6Yẹn do dolalo do ojlọjẹ ṣie go wẹ
Ogá ṣie yín mapọ̀ngbọ wẹ, yín yẹn
tlẹ tin matin núdakandakan.
7Gbẹtọ tẹ wẹ taidi Job,
Mẹhe zé mẹvivlẹ nù taidi osìn?
8He to yìyì to ogbẹ́ mẹ hẹ azọ̀nwàtọ oylanwà tọn lẹ,
Bo sọ to zọnlinzìn po omẹ ylankan lẹ po.
9Na ewọ ko dọmọ, E ma doale de na omẹ de,
Na ewọ na do ygona hẹ Jiwheyẹwhe gba.
10Enẹwutu mì tuntóai hlan mi, mì omẹ wuntùntùn tọn lẹ:
E ni tin dẹ̀n do Jiwheyẹwhe, na ewọ na do wà oylankan;
Podọ sọn Ganhunupo de, na ewọ na do wà oylanwà.
11Na azọ́n omẹ de tọn wẹ ewọ na na hlan ẹn,
Bo sọ hẹn omẹ dopodopo nado dìnmọ kẹdẹdi aliho etọn lẹ.
12Mowẹ, sọn nugbo de mẹ, Jiwheyẹwhe ma na yí kanyinylan do wà gba,
Mọ Ganhunupo ma na sọtadòna whẹ̀dida gba.
13Mẹnu wẹ na aṣẹ de e to aigba ji?
Kavi mẹnu wẹ ko zé owẹkẹ lọ pete do e ji?
14Eyín ewọ hẹn ayiha etọn nado lẹ́gọ̀ do e ji,
Eyín ewọ bẹ́ gbigbọ etọn po gbọfufu etọn po dopọ do ede de;
15Agbasalan lẹpo wẹ na súdo dopọ,
Gbẹtọ lẹpo na sọ vọ́ lé do kógudu de.
16Eyín hiẹ tindo wuntùntùn, sè ehe:
Tuntóai hlan ogbè ohó lẹ tọn.
17Bé yèdọ mẹde he gbẹwanna nugbo ka na dùgán la?
Podọ hiẹ na gblewhẹ̀do ewọ he yín nugbonọ, hlọnhlọnnọ wẹ?
18Mẹnu wẹ nọ dọ hlan ahọlu de dọ, gblewànọ wẹ hiẹ?
Podọ hlan mẹgángán lẹ dọ,
Mìwlẹ yín mẹylankan?
19He ma hò nukunta ahọvi lẹ tọn pọ́n,
Mọ bo ma sọ dèunjọ adọkunnọ húgan wamọnọ?
Na azọ́n alọ etọn lẹ tọn wẹ yé mẹpó.
20To nukunwhè dopo mẹ yé kú,
Podọ to ozánhomẹ;
Yè whàn gbẹtọ lẹ bo sọ juyì,
Yè sọ zé hlọnhlọnnọ yì matin alọ.
21Na nukun etọn lẹ tin tò aliho omẹ de tọn lẹ ji,
E sọ to yìyì etọn lẹpo mẹ
22Zinvlu kavi oyẹ̀ okú tọn ma tin finẹ,
Fieazọnwàtọ oylanwà tọn lẹ do whla yéde do.
23Na ewọ ma whèdonúgọ donukọn nado lẹn omẹ de pọ́n gba,
Na ewọ na do yì Jiwheyẹwhe nukọn to whẹ̀dida mẹ.
24E nọ gbà omẹ hlọnhlọnnọ lẹ hanyanhanyan matin okanbiọ,
Bo sọ zé mẹdẽvo lẹ do ọtẹn yetọn mẹ.
25Enẹwutu wẹ é do nọ yí oyọnẹn azọ́n yetọn lẹ tọn;
E sọ nọ takitìna yé to ozán mẹ, sọmọ bọ yè pọ́tọ́ yé.
26E nọ linú yé di omẹ ylankan lẹ.
To otẹn nupọ́ntọ lẹ tọn mẹ;
27Na yé lẹ́ dapadopo sọn hihodo e mẹ wutu,
Bo ma do na sọ tindo unjọdè hlan depope sọn aliho etọn lẹ mẹ;
28Na yé nido hẹn awhá wamọnọ lọ tọn nado wá e de,
Podọ ewọ nido sè awhá nukunbiananọ lọ tọn,
29Whenuena ewọ na abọẹninọ, mẹnu wẹ sọgan gblewhẹ̀do whenẹnu
Podọ whenuena ewọ whla nukunme etọn, mẹnu wẹ sọgan pọ̀n ẹn whenẹnu?
Eyín é yín wiwà hlan akọta de, kavi hlan omẹ de, dozẹnzẹn:
30Na gbẹtọ matin budisi Jiwheyẹwhe dùgán blo,
Na mẹde tin finẹ nado domọm gbẹtọ lẹ blo.
31Na mẹdepope ko dọ hlan Jiwheyẹwhe dọ,
Yẹn ko nọ hẹn hihò, le yẹn ma tlẹ wàylan sọ:
32Enẹ he yẹn ma mọ wẹ hiẹ ni plọn mi:
Eyín yẹn ko wà oylanwà,
Yẹn ma na sọ wà ẹ ba gba?
33Be ahọsu etọn na tin dile hiẹ jlo do, wẹ hiẹ do gbẹ́ ẹ dai?
Na hiẹ do na dè, yẹn ma gba:
Enẹwutu núhe hiẹ yọnẹn wẹ hiẹ ni dọ.
34Omẹ wuntùntùn tọn lẹ na dọ hlan mi,
Mowẹ, omẹ nuyọnẹntọ lẹpo he sèhó ṣie:
35Job to hódọ matin oyọnẹn,
Ohó etọn lẹ sọ tin matin nuyọnẹn.
36Jlo dọ Job do yín whiwhlepọ̀n jẹ opòdo,
Na hógbingblọn etọn taidi omẹ ylankan lẹ tọn wutu.
37Na é dè otasinyẹn gọ̀ do ylando etọn go,
E to pẹ́hò to mí ṣẹnṣẹn,
Bo sọ to ohó etọn hẹn sudeji do Jiwheyẹwhe go.
Currently Selected:
JOB 34: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.