JOB 27
27
1JOB sọ vó oló etọn zé daga, bo dọmọ,
2Le Jiwheyẹwhe tin to ogbẹ́, mẹhe ko zé ojlọjẹ ṣie yì;
Podọ Ganhunupo mẹhe ko hẹn alindọn ṣie zùn vivó;
3(Gbọfufu ṣie tin to ohò ṣie mẹ to whepoponu
Podọ gbigbọ Jiwheyẹwhe tọn tin to awọntinslo ṣie lẹ mẹ;)
4Nugbonugbo nùflo ṣie lẹ ma dọhó mawàdódó gba,
Mọ odẹ́ ṣie ma to oklọ dọ gba.
5Jiwheyẹwhe dike blo dọ yẹn na do suwhẹ́na mìwlẹ:
Kaka yẹn kú yẹn ma na dè wàlọpipé ṣie sọn dẽ gba.
6Dódó ṣie go yẹn hẹn gligli, bo ma na dike é ni yì gba:
Ayiha ṣie ma sọ dowhẹ́ mi na azán ṣie lẹ depope.
7Gbọ kẹ̀ntọ ṣie lẹ ni tin di mẹylankan lọ,
Bo sọ gbọ ewọ he fọ́n do oji e ni tin di mawàdódónọ lọ.
8Na etẹ́ tódido omẹ matin budisi
Jiwheyẹwhe tọn yín, whenuena Jiwheyẹwhe sán ẹn sẹ́,
Whenuena é yí alindọn etọn yì?
9Bé Jiwheyẹwhe na sè awhá etọn
Whenuena tukla wá e ji?
10Bé ewọ na hẹnhomẹhùn ede to Ganhunupo mẹ,
Bo nọ ylọ Jiwheyẹwhe to ojlẹ lẹpo mẹ?
11Yẹn na plọn mì gbọn alọ Jiwheyẹwhe tọn tọn dali;
Enẹ he tin to Ganhunupo de wẹ yẹn ma na donuglọ gba.
12Dayi e go, Popo mì lọsu tọn ko mọ ẹn;
Lò etẹwutu yè hẹn mì lẹzùn ovó patapata?
13Ehe wẹ mimá omẹ ylankan de tọn to Jiwheyẹwhe de,
Podọ oyẹ́ nukunbianamẹtọ lẹ tọn, he yé mọyi sọn Ganhunupo de.
14Eyin yè hẹn ovi etọn lẹ yín jideji, ohi lọ wẹ é tin na;
Podọ yè ma na yí akla do pékọna ovìkún etọn lẹ gba.
15Enẹlẹ he pò sọn yé mẹ wẹ yè na di to okú mẹ,
Asúṣiọsi etọn lẹ ma to na basi avigbè de.
16Yín é tlẹ bẹ́ fataka pli di kógudu,
Bo sọ wleawu avọ́ tọn di okò;
17Ewọ ni wleawu nẹ̃ ṣigba dódónọ wẹ na yí i do ogu,
Homẹvọnọ lẹ wẹ na má fataka lọ.
18Ewọ dó ohọ́ etọn di tọ́gbóyẹyẹ,
Podọ di avàja he hihótọ basi de.
19E mlọnai adọkunnọ, ṣigba ewọ ma to mọ na sọ wà ba;
E hùn nukun etọn lẹ, ewọ ma sọ tin gba.
20Obudaho gbòmọna ẹn taidi osìn lẹ;
Jẹhọndaho fìn in yì to ozán mẹ.
21Jẹhọn whèzẹtẹn dali tọn bẹ́ ẹ yì, ewọ sọ tọ́nyì;
E sọ zà ẹ tọ́n sọn otẹn etọn mẹ.
22Na Jiwheyẹwhe na dlannúdo e, bo ma na pòdote:
Ewọ do hùnhomẹ họ̀nyí sọn alọ etọn mẹ.
23Gbẹtọ lẹ na hòpó do ota nẹ̃,
Bo na dèafudo e sọn otẹn etọn mẹ.
Currently Selected:
JOB 27: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.