ISAIA 4
4
1TO azán lọ gbè yọnnu ṣinawe na tédo sunnu dopo go, dọmọ, Mí na dù núdùdù míde tọn, bo na sọ ṣinyọn avọ̀ míde tọn: ṣigba na yè ni ylọ oyín towe do mí go, nado dè winyan mítọn sẹ̀. 2To azán lọ gbè wẹ alà OKLUNỌ tọn na yín whanpẹnọ podọ gigonọ, sinsẹ́n aigba tọn na sọ yín yẹyinọ bo yọ́n na ye he hòngán to Islaeli lẹ. 3To enẹgodo ewọ hé yè po dai to Ziọni, podọ ewọ hó pò to Jelusalẹm mẹ lẹpo wẹ yè na ylọ dọ wiwe, yedọ oyín mẹdopodopo he yè vlan dogọ yé he to ogbẹ̀ to Jelusalẹm mẹ lẹ tọn: 4whenuena OKLUNỌ na klọ odú viyọnnu Ziọni tọn lẹ tọn sẹ̀, bo na sọ kisa ohùn Jelusalẹm tọn sẹ̀ sọn ṣẹnṣẹn etọn gbọn gbigbọ whẹ̀dida tọn dali, podọ gbọn gbigbọ fifiọ tọn dali. 5OKLUNỌ na kọ̀n aslọ do aisintẹn osó Ziọni tọn lẹpo ji, podọ do agùn etọn ji, azọ̀flizọ to okle, po hinhọ́n ozòdẹ́ tọn po to ozánmẹ: na alọṣinyọ́nmẹji na tin to gigo lẹpo ji. 6Avàja dopo wẹ na tin na oyẹ̀ to okle sọn yózo mẹ, podọ na fibẹ̀tado de, podọ na oṣinyon de sọn yujẹhọn po jikun po si.
Currently Selected:
ISAIA 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.