Eksọdusi 8

1OKLUNỌ sọ dọ hlan Moṣe, dọ, Yi hònme to Falo de, bo dọ hlan ẹn, dọ, Le wẹ OKLUNỌ dọ, Gbọ omẹ ṣie le ni yì, na yé nido sẹ́n mi. 2Podọ eyín hiẹ gbẹ́ nado gbọ yé ni yì, dayi e go, yẹn na yi obese lẹ do linu agbègbè towe lẹpo: 3Otò lọ nasọ yí obese do sawẹn, he na hẹ́ji bó wá biọ owhé towe gbè, bo biọ adọhó towe mẹ, bo hẹ́ adọzan towe ji, bo biọ owhé devi towe lẹ tọn gbe, bo hẹ́ gbẹtọ towe lẹ ji, bo biọ nuhitẹn towe lẹ mẹ, podọ biọ aklahòpanko towe lẹ mẹ. 4Obese lẹ lọ na hẹ́ji wá hiẹ po omẹ towe lẹ po ji, po devi towe lẹpo po ji.

5OKLUNỌ sọ dọ hlan Moṣe, dọ, Dọ hlan Aalon, Yí alọ towe do dlẹn opò towe do otọ́ le ji, do asisa lẹ ji, podọ do tándo lẹ ji, bo hẹn obese lẹ nado héaga wá aigba Egipti tọn ji. 6Aalon sọ dlẹn alọ etọn tón do osìn Egipti tọn lẹ ji; obese lọ sọ héaga, bo ṣinyọn aigba Egipti tọn ji.

7Nújlẹtọ lẹ sọ yí nújijlẹ yetọn lẹ do wà mọkẹkẹdẹkẹ, bo hẹn obese lẹ wá aigba Egipti tọn ji.

8Whenẹnu wẹ Falo ylọ Moṣe po Aalon po, bo dọmọ, Yé OKLUNỌ, na é ni dè obese lẹ sọn dẽ, podọ sọn omẹ ṣie lẹ de; yẹn nasọ gbọ gbẹtọ ewlẹ ni yì, na yé nido sánvọ́ hlan OKLUNỌ. 9Moṣe sọ dọ hlan Falo, dọ, Hiẹ ni tindo gigo he to oji e: bo dọ ojlẹ tẹ́wẹ yẹn na vẹ́vẹ́ na we na, podọ na devi towe lẹ, podọ na omẹ towe lẹ, na yè nido và obese lẹ sọn de we, podọ sọn owhé towe lẹ gbẹ̀, bo pò to otò mẹ kẹdẹ.

10Ewọ sọ dọmọ, Naosọ̀. Ewọ sọ dọmọ, E ni yín kẹdẹdi ohó towe: na hiẹ nido yónẹn dọ mẹde ma tin di OKLUNỌ Jiwheyẹwhe mítọn. 11Obese lẹ lọ na yì sọn de we, podọ sọn owhé towe lẹ gbè, podọ sọn devi towe lẹ de, podọ sọn omẹ towe lẹ de; otò mẹ kẹdẹ wẹ yé na pò te.

12Moṣe po Aalon po tónyì sọn Falo de. Moṣe sọ javisu OKLUNỌ gbọn obese lẹ lọ tọn sinmẹ, ehe é hẹn wá Falo ji. 13OKLUNỌ sọ wà kẹdẹdi ohó Moṣe tọn; obese lẹ sọ kú sọn owhé lẹ gbè, sọn awanu lẹ, podọ sọn danji lẹ. 14Yé bé yé pli do gọ̀nugọ́nu, aigba lọ sọ lùnwan. 15Ṣigba whenuena Falo mọ dọ aimẹvo tin, é hẹn ayiha etọn sinyẹn, bo ma sọ tùntóai hlan yé gba; dile OKLUNỌ ko dọhó do.

16OKLUNỌ sọ dọ hlan Moṣe, dọ, Dọ hlan Aalon, dọ, Dlẹn opò towe tón, bo li kọ́gudu aigba tọn, na é nido lẹzùn ojọ́ lédo aigba Egipti tọn lẹpo. 17Yé wà mọ; Aalon sọ yi alọ etọn do dlẹn opò etọn tọn, bo li kógudu aigba tọn, ojó lẹ sọ tin to gbẹtọ go, podọ to kanlin go; kógudu aigba tọn lẹpo sọ lẹzùn ojó lẹ lẹ́do aigba Egipti tọn lẹpo.

18Nújlẹtọ lẹ yí nújijlẹ yetọn lẹ do wà mọ, nado hẹn ojó lẹ jẹgbonu, aigba yé ma sọgan: ojọ́ lẹ sọ tin to gbẹtọ go, podọ to kanlin go. 19Whenẹnu wẹ nújlẹtọ lẹ dọ hlan Falo, dọ, Alọviyẹyẹ Jiwheyẹwhe tọn wẹ ehe: yè sọ hẹn ayiha Falo tọn sinyẹn, ewọ ma sọ tùntóai hlan yé gba; dile OKLUNỌ ko dọhó do.

20OKLUNỌ sọ dọ hlan Moṣe, dọ, Fọ́n to afọnnufũ, bo site to Falo nukọn; dayi e go, é ja otò tó, bo dọ hlan ẹn, dọ, Le wẹ OKLUNỌ dọ, Gbọ omẹ ṣie lẹ ni yì, na yé nido sẹ̀n mi. 21Ṣigba, eyín hiẹ ma na gbọ omẹ ṣie lẹ ni yì gba, dayi e go, yẹn na do sisawẹ́n supọ lọ tọn hlan oji we, podọ hlan devi towe lẹ ji, podọ hlan omẹ towe lẹ ji, podọ biọ owhó towe lẹ gbè: owhó Egiptinu lẹ tọn na sọ yín gigọ́ na sisawón supọ lẹ tọn, podọ aigba ehe ji yé te ga. 22Yẹn nasọ glọn to azán nẹ gbè aigba Gosẹni tọn ehẹ ji omẹ ṣie lẹ nọnọ̀, dọ sisawẹ̃n supọ lẹ tọn de ma na tin to finẹ: na hiẹ nido yónẹn dọ yẹn wẹ OKLUNỌ to ṣẹnṣẹn aigba tọn. 23Yẹn nasọ yí kinklán de do ṣẹnṣẹn na omẹ ṣie lẹ po omẹ towe lẹ po: osé wẹ ohia he na jọ.

24OKLUNỌ sọ wà mọ; sisawón supọ lẹ tọn sọ wá biọ owhó Falo tọn gbe, podọ biọ owhé devi etọn lẹ tọn gbè: podọ to aigba Egipti tọn lẹpo ji, yè sọ hẹn aigba lọ gble gbọn sisawón supọ lẹ tọn tọn dali.

25Falo ylọ Moṣe bo sọ ylọ Aalon, bo domọ, Mì yì, sánvọ́ hlan Jiwheyẹwhe mìtọn to otò mẹ. 26Moṣe sọ dọmọ, E ma jẹ do mọ nado wà gba; na míwlẹ na yí osùnú Egiptinu lẹ tọn do sánvọ́ hlan OKLUNỌ Jiwheyẹwhe mítọn: dayi e go, mìwlẹ na yí osùnú Egiptinu lẹ tọn do sánvọ́ to nukun yetọn mẹ, bó yé ma na dlẹn zannu do mí? 27Míwlẹ na yì azán atọ̀n gbejizọnlin biọ zùngbo mẹ, bo sánvọ́ hlan OKLUNỌ Jiwheyẹwhe mítọn, dile é na degbena mí do. 28Falo sọ dọmọ, Yẹn na gbọ mì ni yì, na mì nido sánvọ́ hlan OKLUNỌ Jiwheyẹwhe mìtọn to zùngbo mẹ: mì ma na yì nukọn glanglan blo janwẹ: vóvó na mi. 29Moṣe sọ dọmọ, Dayi e go, yẹn tón sọn de we jei, yẹn na vè OKLUNỌ na sisawón supọ lẹ tọn nido yì sọn Falo de, sọn devi etọn lẹ de, podọ sọn omẹ etọn lẹ de to osò: aigba yè sọ dike Falo zán oklọ ba blo to ma gbọ gbẹtọ ewlẹ ni yì nado sánvọ́ hlan OKLUNỌ mẹ.

30Moṣe sọ tón sọn Falo de, bo vó OKLUNỌ. 31OKLUNỌ sọ wà kẹdẹdi ohó Moṣe tọn; é sọ dè sisawón supọ lẹ tọn sọn Falo de, sọn devi etọn lẹ de, podọ sọn omẹ etọn lẹ de; é ma pò dopo. 32Falo sọ hẹn ayiha etọn sinyẹn to ojlẹ he mẹ ga, é ma sọ gbọ gbẹtọ ewlẹ ni yì gba.

Currently Selected:

Eksọdusi 8: BWL23

Highlight

Copy