3 JOHANU 1
1
1MẸDAHO lọ hlan Gaiu mẹyiwanna talala lọ, mẹhe yẹn yiwanna to nugbo mẹ.
2Mẹyiwanna, yẹn jlo hú onú popo, dọ hiẹ ni tin jijọho, bo sọ nọ́ gángán yèdọ dile ayiha towe to jijọho do. 3Na homẹ ṣie hún susu, whenuena mẹmẹsunnu lẹ wá, bo to kunnude hlan nugbo towe, yèdọ dile hiẹ to zọnlinzin to nugbo lọ mẹ do. 4Yẹn ma tindo ayajẹ daho de hú ehe gba, dọ yẹn ni to sisè dọ ovi ṣie lẹ to zọnlinzin to nugbo mẹ.
5Meyiwanna, hiẹ wà azón nugbo de to onú depope hiẹ to wiwà mẹ hlan mẹmẹsunnu le, podọ hlan jonọ lẹ ga; 6ehe to owanyi towe kunnude to agùn nukọn: mẹhe eyín hiẹ hẹn yì nukọn to gbéjizọnlin yetọn ji dile é jẹ na Jiwheyẹwhe tọn do, hiẹ wà dagbe: 7na oyín etọn tọn wutu wẹ yé tón yì, ma yí núde to Kosi lẹ de. 8Enẹwutu é jẹ dọ mí ni nọ yí omẹ nẹlẹ hunkọ do, na mi nido yín azọ́ntọgbẹ́ to nugbo lọ de.
9Yẹn wlanwe alọpadelẹ hlan agùn lọ: ṣigba Diotlefe, mẹhe jlo nado yín ogán to yé me, ma yí mí do gba. 10Enẹwutu eyín yen wá, yẹn na flin onú wiwà etọn he é wà, é yí ohó homẹkẹn tọn do to mí badu: enẹ ma sọ pekò hẹ, èwlọsu ma yí mẹmẹsunnu lẹ do, é sọ to kikọ́ na yé he jlo nado yí yé do lẹ, bo sọ to yé yàn jẹgbonu sọn agún lọ mẹ 11Meyiwanna, hiẹ yíhianà onú he yín oylan blo, adavo he yín dagbe. Ewọ he to dagbe wà, Jiwheyẹwhe de é jọ̀ sọn: ṣigba ewọ he to ylanwà, ma mọ Jiwheyẹwhe gba. 12Demetliu tindo oyín dagbe to gbẹtọ lẹpo de, podọ to nugbo mẹ ga; mọwe, mìwlẹ sọ dekunnu ètọn; hiẹ; sọ yọnẹn dọ nugbo wẹ kunhùdide mítọn.
13Yẹn tindo owé onú susu tọn nado wlan, ṣigba yẹn ma jlo na yí wesìn po wekantin po do wlanwe hlan we gba: 14ṣigba yẹn to tódo dọ yẹn na mọ we zàndevie, mí nasọ dọhó na nukun mọ nukun. Jijọho tin hlan we. Họntọn lẹ dọnúdo we. Dọnúdo họ́ntọn lẹ yínkọyínkọ mẹ.
Currently Selected:
3 JOHANU 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.