2 JOHANU 1
1
1MẸDAHO lọ hlan yọnnu mẹsinsinyan yẹyinọ po ovi etọn lẹ po, mẹhe yẹn yiwanna to nugbo mẹ; é ma sọ yín yẹn dopokẹdẹ, ṣigba yé he ko yọn nugbo lẹpo ga; 2na nugbo lọ tọn wutu, he to ninò mí mẹ, bo nasọ nọ nọhẹ mí kakadoi. 3Ojọmiọn na tin to mì de, lẹblanu po jijọho po, sọn Jiwheyẹwhe Otọ́ de, sọn Oklunọ Jesu Klisti, Ovi Otọ́ tọn de, to nugbo po owanyi po mẹ.
4Homẹ ṣie hùn susu dọ yẹn mọ to ovi towe lẹ mẹ to zọnlinzin to nugbo mẹ, yèdọ dile mí ko yí osẹ́n sọn Otọ́ de do. 5Be dinvie yẹn sọ vè we, yọnnu yẹyinọ é ma yín yẹn tlẹ sọ wlanwe osẹ́n yọ́yọ́ de tọn hlan we gba, adavo ehẹ mí ko tindo sọn whẹ́whẹ́whenu, dọ mì ni yiwanna mìnọzo. 6Ehe sọ wẹ owanyi, dọ mí ni to zọnlinzin kẹdẹdi osẹ́n etọn lẹ. Ehe wẹ osẹ́n lọ, na, le mì ko sè sọn whẹ́whẹ́whenu, dọ mì ni to zọnlinzin tò e mẹ. 7Na mẹklọtọ susu ko jẹgbonu yì biọ aihọn mẹ, yèdọ yé he ma yígbe dọ Jesu Klisti wá to agbasalan mẹ. Mẹklọtọ wẹ ehe lọ podọ agọ̀jẹdo-Klistigotọ. 8Mì pọ́n mìde go, na mí nikã hẹn onú nẹlẹ he mí ko wà bú, adavo dọ mí ni mọ ale gigọ́ yí. 9Mẹdepope he jẹ osẹ́n mẹ, bo, ma sọ nọte to oplọ́n Klisti tọn mẹ, ma tindo Jiwheyẹwhe gba. Éwọ he ka note to oplọ́n Klisti ton mẹ, wẹ mẹhe tindo Otọ́ po Ovi pọ. 10Eyín mẹdepope wá mì de, bo ma hẹn oplọ́n he wá mì yí i do owhé mìtọn gbè blo, mì sọ hodè ali dagbe tọn nẹ̃ blo: 11na ewọ he hodè ali dagbe tọn nẹ̃, yín mimátọ to azọ́n ylankan etọn mẹ.
12Le yẹn do owé onú susu tọn nado wlan hlan mì, yẹn ma jlo nado yí wema po wesìn po do wlanwe hlan mì gba, ṣigba yẹn to tódo nado wá mì de, bo dọhó hẹ mì nukun mọ nukun, na ayajẹ mìtọn nido gọ́. 13Ovi mẹmẹyọnnu sinsinyan towe tọn lẹ dọnúdo we. Niṣẹ.
Currently Selected:
2 JOHANU 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.