1 JOHANU 5
5
1MẸDEPOPE he yise dọ Jesu wẹ Klisti, yè dè e tọn sọn Jiwheyẹwhe de: mẹdepope he sọ yiwanna mẹjitọ, é yiwanna ewọ he yè dètọ́n sọn e mẹ ga. 2Ehe mẹ wẹ mí yọnẹn te dọ mí yiwanna ovi Jiwheyẹwhe tọn lẹ, whenuena mí yiwanna Jiwheyẹwhe, bo sọ yìn osẹ́n etọn. 3Na ehe wẹ owanyi Jiwheyẹwhe tọn, dọ mi ni yìn osẹ́n etọn: osẹ́n etọn ma sọ yín nupẹ̀nagbanmẹ gba. 4Na mẹdepope he yè dètọ́n sọn Jiwheyẹwhe de, gbawhàn aihọn tọn: ehe sọ wẹ awhàngba he gbawhàn aihọn tọn, yèdọ yise mítọn. 5Mẹnu wẹ ewọ he gbawhàn aihọn tọn, adavo ewọ he yise dọ Jesu wẹ Ovi Jiwheyẹwhe tọn? 6Ehe we ewọ he wá gbọn osìn po ohùn po dali, yèdọ Jesu Klisti; é ma yín gbọn osìn kẹdẹ dali gba, ṣigba gbọn osìn po ohùn po dali. Gbigbọ wẹ sọ to kunnude, na nugbo wẹ Gbigbọ lọ wutu. 7Na omẹ atọn wẹ to kunnude to olọn mẹ, Otọ́, Ohó, po Gbigbọ Wiwe po: omẹ atọ̀n helẹ sọ basi dopo. 8Yé omẹ atọ̀n wẹ sọ to kunnude to aihọn mẹ, gbigbọ, osìn po ohùn po: yé omẹ atọ̀n hele sọ basi dopo. 9Eyín mì yí kunnudide gbẹtọ tọn, kunnudide Jiwheyẹwhe tọn sùhú: na ehe wẹ kunnudide Jiwheyẹwhe tọn he é do dekunnuna Ovi etọn. 10Mẹhe yí Ovi Jiwheyẹwhe tọn se, tindo kunnudide to ede homẹ: ewọ he ma yí Jiwheyẹwhe se, ko yí i do basi lalonọ; na é ma yí kunnudide he Jiwheyẹwhe de gbọn Ovi etọn dali se wutu 11Ehe sọ wẹ kunnudide, dọ Jiwheyẹwhe na ogbè madopodo hlan mí, ogbè he tin to Ovi etọn mẹ. 12Ewọ he tindo Ovi tindo ogbè; ewọ he ma sọ tindo Ovi Jiwheyẹwhe tọn ma tindo? gbè gba.
13Onú hele wẹ yẹn wlanwe etọn hlan mì he yí oyín Ovi Jiwheyẹwhe tọn tọn se lẹ; na mì nido yọnẹn dọ mì tindo ogbè madopodo, podọ na mì nido yí oyín Ovi Jiwheyẹwhe tọn tọn se ga. 14Ehè sọ wẹ tudido he mí tindo to ewọ mẹ; dọ, eyín mí biọ nudepope kẹdẹdi ojlo etọn, é sè mítọn: 15eyín mí yọnẹn dọ é sè mítọn, nudepope mí biọ, mí yọnẹn dọ mí tindo kanbiọ he mi to bibiọ to e de. 16Eyín omẹ de mọ mẹmẹsunnu etọn wà ylando de he ma yín hlan okú gba, é na biọ, ewọ nasọ yí ogbẹ̀ nẹ̃ na yé he ma wàylando hlan okú lẹ. Ylando de tin hlan okú: yẹn ma dọ ewọ do hodè nẹ̃ gba. 17Dódómawà lẹpo wẹ ylando: ylando de tin bo ma yín hlan okú.
18Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go. 19Mìwlẹ sọ yọnẹn dọ Jiwheyẹwhe de mí jò sọn, aihọn, lepo sọ mlọnai to omẹ ylankan lọ mẹ. 20Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po. 21Yọpọ ṣie lẹ emi, mì joagọ̀ sọn bosiọ lẹ kòn. Niṣẹ.
Currently Selected:
1 JOHANU 5: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.