2 SAMUẸLI 4
4
1WHENUENA Isi-bosẹti, visunnu Sauli tọn, sè dọ Abneli yín osiọ to Heblọni mẹ, alọ etọn sọ lẹzùn madogánnọ, yè sọ hẹn Islaelìnu lẹpo jẹtukla. 2Isi-bosẹti, visunnu Sauli tọn, tindo sunnusi awe he yín awhàngán ogbé lẹ tọn, oyín ode tọn nọ yín Baana, oyín awetọ tọn Lekabi, visunnu Limmọni Beẹlotinu tọn lẹ, sọn ovi Bẹnjamini tọn lẹ mẹ: (na yè lẹn Beẹloti ga hlan Bẹnjaminì: 3Beẹlotinu lẹ sọ họ̀nyì Gitaimi, bo ko to wásinu yín to finẹ kakaje azán he gbè.)
4Dinvie Jonatani, visunnu Sauli tọn, tindo visunnu de he yín sékunọ sọn afọ etọn mẹ. Ewọ yín owhè atón mehọ whenuena linlin Sauli po Jonatani po tọ́n tẹ́n sọn Jẹzleẹli mẹ, mẹgopọ́ntọ etọn sọ zé e, bo họ̀njei: é sọ wá jọ, le é to awuya nado họ̀nyì, wẹ é flẹ, bo do lẹzùn sékunọ Oyín etọn nọ yín Mẹfibosẹti.
5Visunnu Limmọni Beẹlotinu tọn lẹ, Lekabi po Baana po sọ yì, bo wá owhé Isi-bosẹti tọn gbè to yozo okle tọn jlẹmẹ, le é to gbọjẹ etọn yí to okle. 6Yé sọ wá finẹ biọ gblagbla ohò lọ tọn mẹ, di yé ko jlo oli na yí; yé sọ hò e sọn hoto: Lekabi po Baana nọvisunnu etọn po sọ hòngán. 7Whenuena yé wá biọ owhé lọ gbè, le ewọ mlọn adọzan etọn ji to adọhò etọn mẹ, yé hò e, bo hù i, bo gbòtana ẹn, bo yí ota etọn, bo gbọn aliho Alaba tọn ji yì to ozán lẹpo me 8Yé sọ hẹn ota Isi bosẹti tọn wá Davidi de to Heblọni, bo dọ hlan ahọlu dọ, Pọ́n ota Isi-bosẹti visunnu Sauli tọn kentọ towe tọn tọn, he to ogbẹ́ towe din; OKLUNỌ ko sọ yíahọsuna aholu klunọ ṣie sọn Sauli go, podọ sọn okún etọn go to azán he gbè. 9Davidi sọ gblọnna Lekabi po Baana po visunnu Limmọni Beẹlotinu tọn, bo dọ hlan yé dọ, Le OKLUNỌ to ogbẹ, mẹhe ko fli alindọn ṣie sọn mẹgigla lẹpo mẹ, 10whenuena omẹ de dọ na mi, dọmọ, Dayi e go, Sauli yín oṣiọ, linlẹn na ko do hẹn owẹ̀n dagbe wá, Yẹn hẹn e go, bo hù i to Ziklagi mẹ, ehe yín ale he yẹn na ẹn na owẹn etọn 11Nẹmunẹmẹ hú, whenuena omẹ ylankan lẹ ko hù gbẹtọ dódónọ de to ohó etọn titi mẹ to adọzan etọn ji, wẹ yẹn ma na kàn ohùn etọn biọ sọn alọ mìtọn mẹ, bo sọ dè mì sọn aigba ji? 12Davidi sọ degbèna yọ̀pọ sunnu etọn lẹ, yé sọ hù yé, bo sán alọ yètọn lẹ sé, po afọ yetọn lẹ po, bo zé yé pla aga to otandò kòn to Heblọni mẹ, Ṣigba ye zé ota Isi-bosẹti tọn, bo di i do yọdò Abneli tọn mẹ to Heblọni mẹ.
Currently Selected:
2 SAMUẸLI 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.