2 SAMUẸLI 16
16
1WHENUENA yè hẹn Davidi zẹ́ adàdànu jeiaga tọn go po de, dayi e go, Ziba mẹmẹsi Mẹfiboṣẹti tọn pé, po awetọ kẹtẹkẹtẹ agbànnọ tọn de po, mlinmlin akla tọn lẹ to yé ji, po ohín kanweko vẹ̃nsinsẹ̀n húhú lẹ po, po kanwe ko atinsinsẹ́n alúnlún mẹ tọn lẹ po, poogò ovẹ̃n tọn dopo po. 2Ahọlu sọ dọ hlan Ziba dọmọ, Etẹ hiẹ lẹn gbọn ehelẹ dali? Ziba sọ dọmọ, Kẹtẹkẹtẹ lẹ tin na whégbétọ ahọlu tọn lẹ nado nọ hẹ́; akla po atinsinsẹ́n alúnlún mẹ tọn lẹ lọ po na yọ̀pọ sunnu lẹ nado dù; ovẹ̃n lọ, dọ omẹ mọnkọ he yín pàkútọ to zùngbomẹ nido nù. 3Ahọlu sọ dọmọ, Fie ka wẹ visunnu mẹmẹnu towe tọn te? Ziba sọ dọ hlan ahọlu dọmọ, Dayi e go, ewọ tin to Jelusalẹm: na é didọmọ, Egbé wẹ owhé Islaeli tọn na gọ̀ ahọludu otọ́ ṣie tọn jó na mi. 4Whenẹnu wẹ ahọlu dọ hlan Ziba dọmọ, Dayi e go, towe wẹ onú lepo he tin hlan Mẹfibosẹti yín Ziba so dọmọ, Yẹn to whekanbiọ; gbọ yẹn ni din nukundagbe mọ to nukun towe mẹ, ahọlu E, klunọ ṣie.
5Whenuena Davidi ahọlu wá Bahulimi, dayi e go, dawe de tọ́n sọn finẹ wá sọn whédo owhé Sauli tọn tọn mẹ, oyín mẹhetọn yín Ṣimei, visunnu Gela tọn: é tón wá, le é ja jànwẹ é to dẹ́hòdo. 6E sọ dlan zannu lẹ do Davidi, podọ do mẹmẹsi Davidi ahọlu tọn lẹpo: gbẹtọ lẹpo po omẹ huhlọnnọ lẹpo po tin to alọ etọn adusi mẹ podọ to amiyọn etọn mẹ. 7Le dọ Slimei te whenuena é to dẹ̀hòdo, Tónyi ì, tónyì, hiẹ omẹ ohùn tọn, po omẹ Béliali tọn po: 8OKLUNỌ ko gọ̀ ohùn owhé Sauli tọn tọn do oji we, otẹn mẹhetọn mẹ hiẹ dùahọlu te; OKLUNỌ ko sọ jó ahọludu do alọ Absalọmi visunnu towe tọn mẹ: bo, dayi e go, yè wle we to odanu towe titi mẹ, na hiẹ yín omẹ ohùn tọn de wutu. 9Whenẹnu wẹ Abisai visunnu Zeluia tọn dọ hlan ahọlu dọmọ, Etẹwutu wẹ avún kúkú he na do to dẹ́hòdo ahọlu klunọ ṣie? yẹn vẹ́ we, gbọ yẹn ni yì agadọn, bo dè ota etọn sẹ́. 10Ahọlu sọ dọmọ, Etẹ́ yẹn tindo nado wà hẹ mì, mì visunnu Zeluia tọn lẹ? Na ewọ to dèhòdo wutu, podọ na OKLUNỌ ko dọ hlan ẹn dọmọ, Hòdẹ́do Davidi wutu; whenẹnu mẹnu wẹ sọgan dọmọ, Etẹwutu wẹ hiẹ ko wà mọ? 11Davidi sọ dọ hlan Abiṣai podọ hlan mẹmẹsi etọn lẹpo dọmọ, Dayi e go, visunnu ṣie, he tọ́n sọn adọ̀ ṣie mẹ to ogbẹ̀ ṣie din: nẹmunẹmu hú wẹ Bẹnjamininu he dinvie wà ẹ? jó e do abọẹ, bo gbọ é ni to dẹ́hòdo; na OKLUNỌ wẹ degbè nẹ. 12Ẹ nido yín dọ OKLUNỌ na pọ́n núwàyìndo yè wà hlan mi, podọ OKLUNỌ na suahọ mi dagbe na dẹ́hihodo mi etọn egbé tọn. 13Mowẹ Davidi po omẹ etọn lẹ po to yìyì gbọn aliho lọ: Ṣimei sọ to yìyì to okọta lọ go wàji to titegbe e tọn, bo sọ to dẹ́hòdo le é to yìyì, bo zannu lẹ dlan do e, bo sọ to kọ́gudu mìhlan. 14Ahọlu po omẹ he tin to e de lẹpo po, wá po nudikọ po; ewọ sọ nagbọjẹ ede to finẹ.
15Absalọmi, po gbẹtọ lẹpo po po omẹ Islaeli tọn lẹ po sọ wá Jelusalẹm, Ahitofẹli po e po. 16E sọ wá jọ, whenuena ye hẹn Huṣai Alkinu lọ, họ́ntọn Davidi tọn wá Absalọmi de, wẹ Huṣai dọ hlan Absalọmi dọmọ, Jiwheyẹwhe ni whlẹn ahọlu, Jiwheyẹwhe ni whlẹn ahọlu. 17Absalọmi sọ dọ hlan Huṣai dọmọ, Ehe wẹ dagbewà towe hlan họ́ntọn towe? etẹwutu wẹ hiẹ ma yì po họ́ntọn towe po? 18Huṣai sọ dọ hlan Absalọmi dọmọ, Lala; ṣigba mẹhe OKLUNỌ, po gbẹtọ he lẹ po, po omẹ Islaeli tọn lẹpo po ko dè, etọn wẹ yẹn na yín, e de wẹ yẹn na sọ nọnọ̀. 19Podọ dogọ, mẹnu wẹ yẹn do sẹ́n? bé yẹn ma do nọ sẹ́n to nukọn visunnu etọn tọn? dile yẹn ko sẹ́n to nukọn otọ́ towe tọn do, mọwẹ yẹn na te to nukọn towe. 20Whenẹnu wẹ Absalọmi dọ hlan Ahitofẹli dọmọ, Na hónamẹ towe eté mí na wà. 21Ahitofẹli sọ dọ hlan Absalọmi dọmọ, Biọ whégbè yì yọnnuyiyi otọ́ towe tọn lẹ de, he é pòdai nado to whégbè go pọ́n; Islaeli lẹpo na sọ sè dọ yè gbẹwanna we sọn otọ́ towe de: whenẹnu wẹ alọ omẹ he to de we lẹpo tọn lẹ na yín sinsinyẹn. 22Mowẹ yé vlọn gohò de do aga ohọ̀ tọn na Absalọmi; Absalọmi sọ biọ whégbè yì yọnnuyiyi otọ́ etọn tọn lẹ de to nukun Islaeli lẹpo tọn mẹ. 23Hónamẹ Ahitofẹli tọn, he é do nahómẹ to azán nẹlẹ mẹ, tin di eyín omẹ de ko kanbiọ to ohó Jiwheyẹwhe tọn de: mọwẹ hónamẹ Ahitofẹli tọn lẹpo yín to Davidi de podọ to Absalọmi de.
Currently Selected:
2 SAMUẸLI 16: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.