1 SAMUẸLI 8

1E sọ wá jọ, whenuena Samuẹli yín yọnhonọ, wẹ é yí visunnu etọn lẹ do basi whẹ̀datọ to Islaeli ji. 2Dinvie oyín plọnji etọn tọn nọ yín Joẹli; oyín awetọ etọn tọn Abija: yé wẹ yín whẹ̀datọ to Beeli-seba mẹ. 3Visunnu etọn lẹ ma zinzọnlin to aliho etọn lẹ mẹ, ṣigba lẹ́ dapadopo hodo alemayón, bo to núbibla lẹ yí, bo nọ gùda whẹ̀dida.

4Whenẹnu wẹ mẹho Islaeli tọn lẹpo pli yéde dopọ, bo wá Ssinuẹli de to Lama: 5yé sọ dọ hlan ẹn dọmọ, Dayi e go, hiẹ yín yọnhonọ, visunnu towe lẹ ma sọ to zọnlinzin to aliho towe lẹ mẹ: dinvie basi ahọlu de na mí nado nọ dawhèna mí di akọta lẹpo tọn, 6Ṣigba onú lọ mahẹnhomẹhùn Samuẹli gba, whenuena yé dọmọ, Na ahọlu de mi nado nọ dawhèna mi Samuẹli sọ hodè hlan OKLUNỌ. 7OKLUNỌ sọ dọ hlan Samuẹli dọ, Tuntóai hlan ogbè omẹ ewlẹ tọn to enẹ he yé dọ hlan we lẹpo mẹ; na hiẹ ma wẹ yé ko gbẹ́ gba, ṣigba yẹn wẹ yé ko gbẹ́, na yẹ́n ma na do duahọlu to yé ji. 8Kẹdẹdi azọ́n he yé ko to wiwà lẹpo sọn azán he gbè yẹn ko hẹn yé tọn sọn Egipti yèdọ jẹ azán he gbè, to enẹ mẹ yé ko gbẹ́ mi dai bo to yẹwhe devo lẹ sẹ̀n, mọwẹ yé to wiwà hlan we ga. 9Enẹwutu dinvie tuntóai hlan ogbè yẹtọn: ṣogàn hiẹ na sahẽlu pẹsẹ mẹ hlan yé, bo dohia yé owàlọ ahọlu he na dugán to yé ji tọn.

10Samuẹli sọ dọ ohó OKLUNỌ tọn lẹpo hlan omẹ ewlẹ he biọ ahọlu de sọn e si. 11Ewọ sọ dọmọ, Ehe wẹ na yín owàlọ ahọlu he na dugán to mì ji tọn: ewọ na yi visunnu mìtọn lọ, bo dè yé hlan ẹn, na kẹkẹ etọn lẹ, podọ nado yìn sọyìntọ etọn lẹ; yé na sọ nọ to wezundo to kẹkẹ etọn lẹ nukọn: 12ewọ na nọ dè yé hlan ẹn na awhàngán fọtọ́n lẹ tọn, po awhàngán kandeao lẹ tọn po; é na nọ dè dẽlẹ nado pọ̀ aigba etọn, podọ nado nọ gbẹ̀n ojìjẹ etọn, podọ nado nọ basi nuzinzán etọn awhàn tọn lẹ, po nuzinzán kẹkẹ etọn tọn lẹ po. 13Ewọ na nọ yí viyọnnu mìtọn lẹ nado nọ yín nuvivisàtọ lẹ, podọ nado yín núdatọ lẹ, podọ nado yín akladatọ le. 14Ewọ na nọ yí ogle mìtọn lẹ, po vẹ̃npa mìtọn lẹ po, po olivielipa mìtọn lẹ po, yèdọ whanpẹnọ talala sọn yé mẹ, bo nọ na yé hlan mẹmẹsi etọn lẹ. 15Ewọ na nọ yí madao sọn okún mìtọn lẹ mẹ, podọ sọn vẹ̃npa mìtọn lẹ mẹ, bo yí yé na hlan gbonugán etọn lẹ, podọ hlan mẹmẹsi etọn lẹ. 16Ewọ na nọ yí devisunnu mìtọn lẹ, po deviyọnnu mìton lẹ po, po omẹ winyanwinyan mìtọn lẹ po, po kẹtẹkẹtẹ mìtọn lẹ po, bo yí yé do azón etọn kọ̀n. 17Ewọ na nọ yi dadao sọn kanlinpa mìtọn lẹ mẹ: mìwlẹ na sọ nọ yín mẹmẹsi etọn lẹ, 18Mìwlẹ na sọ dawhá daga to azán nẹ gbè na ahọlu mìtọn he mì ko dè tọn wutu; OKLUNỌ ma sọ; to na siọ mì to azán nẹ gbè gba. 19Ṣigba omẹ ewlẹ kọ́ nado tuntóai hlan ogbè Samuẹli tọn; ye sọ dọmọ, Lala; ṣigba míwlẹ na tindo ahọlu de to mí ji; 20na míwlẹ ga nido tin di akota lẹpo; podọ na ahọlu mìtọn nido nọ dawhèna mí, bo nọ tón yì to mí nukọn, bo nọ funawhàn mìtọn lẹ. 21Samuẹli sọ sè ohó omẹ ewlẹ tọn lẹpo, ewọ sọ whè yé dọ to otọ́ OKLUNỌ tọn lẹ mẹ. 22OKLUNỌ sọ dọ hlan Samuẹli dọ, Tuntóai hlan ogbè yetọn, basi ahọlu de na yé. Samuẹli sọ dọ hlan omẹ Islaeli tọn lẹ dọ, Dopodopo mìtọn ni yì todaho etọn mẹ.

Currently Selected:

1 SAMUẸLI 8: BWL23

Highlight

Copy