1 SAMUẸLI 7
7
1OMẸ Kiliati-jealimi tọn lẹ sọ wá, bo hẹn alki OKLUNỌ tọn lọ hẹji wá, bo hẹn ẹn biọ owhé Abinadabi tọn gbè, to okọta lọ mẹ, bo lẹ visunnu etọn Eleazali wó nado nọ pọ́n alki OKLUNỌ tọn go.
2E sọ wá jọ, sọn azán he gbè alki lọ tin to Kiliati-jealimi, dọ ojlẹ lọ yín dindẹn; na é yín owhè oko: owhé Islaeli tọn lepo wẹ to awubla to OKLUNỌ godo. 3Samuẹli sọ dọhó hlan owhé Islaeli tọn lẹpo, dọmọ, Eyín mì yí ayiba mìtọn lẹpo do diọko hlan OKLUNỌ de, be mì ni bo dè yẹwhe alọpade lẹ po Asitalọti po sọn mì ṣẹnṣẹn, bo wleawu ayiha mìtọn tọn hlan OKLUNỌ de, bo sọ nọ sẹ́n ewọ kẹdẹ: ewọ na sọ whlẹn mì sọn alọ Filistini lẹ tọn mẹ 4Whenẹnu wẹ ovi Islaeli tọn lẹ dè Baalimi po Asitalọti po só, bo sọ to OKLUNỌ kẹdẹ són.
5Samuẹli sọ dọmọ, Mì pli Islaeli lẹpo do Mizpa, yen na sọ hodẹ̀ na mì hlan OKLUNỌ 6Yé sọ pli dopọ do Mizpa, bo dòn osìn, bo kòn ẹn dai to OKLUNỌ nukọn, bo sọ blanù to azán nẹ gbè, bo dọ to fìnẹ dọ, Mìwlẹ ko wàylando do OKLUNỌ go. Samuẹli sọ dawhẹ̀na ovi Islaeli tọn ẹ to Mizpa. 7Whenuena Filistini lẹ sè dọ ovi Islaeli tọn lẹ pli dopọ do Mizpa, ogán Filistini tọn lẹ hẹji yì Islaeli lẹ ji. Whenuena ovi Islaeli tọn lẹ sè e, yé yín avosatọ na Filistini lẹ tọn. 8Ovi Islaeli tọn lẹ sọ dọ hlan Samuẹli dọ, A doalọte nado to awhádo hlan OKLUNỌ, Jiwheyẹwhe mìtọn na mí blo, dọ ewọ ni whlẹn mí sọn alọ Filistini lẹ tọn mẹ. 9Samuẹli sọ yí lẹngbọvu he to anọ́nu de do na avọ́ nunina mimẹ̀ blebu de hlan OKLUNỌ: Samuẹli sọ dawhá hlan OKLUNỌ na Islaeli; OKLUNỌ sọ yígbè nẹ. 10Podọ le Samuẹli to nina hlan aga avọ́ nunina mimẹ̀ lọ, Filistini lẹ dọ̀n sẹpọ́ nado funawhàn hẹ Islaeli: Ṣigba OKLUNỌ yí wanyinyẹn daho de do yenwan to gbènẹgbe do Filistini lẹ ji, bo gbà yé do; yè sọ hò yé liai to Islaeli nukọn. 11Omẹ Islaeli tọn lẹ sọ tón yì son Mizpa, bo domọna Filistini lẹ, bo hò ye, kaka yé do wá Bẹti-kali glọ. 12Whenẹnu wẹ Samuẹli yí zannu de, bo zé e do Mizpa po Ṣẹm po ṣẹnṣẹn, bo ylọ oyín é tọn dọ Ebẹni-ezeli, dọmọ, OKLUNỌ ko gọalọna mí jẹfi. 13Mowẹ yè zín Filistini lẹ dai do, yé ma sọ wá agboji hòmẹ Islaeli tọn gbède ba: alọ OKLUNỌ tọn sọ tin to Filistini lẹ ji to azán Samuẹli tọn lẹpo mẹ. 14Todaho he Filistini lẹ ko yí sọn Islaeli si wẹ yè gọ̀jó hlan Islaeli, sọn Eklọni yèdọ jẹ Gati; po agboji etọn po wẹ Islaeli whlẹn sọn alọ Filistini lẹ tọn mẹ. Jijọho sọ tin to Islaeli po Amolinu lẹ po ṣẹnṣẹn. 15Samuẹli sọ dawhẹ̀na Islaeli to azán ogbé etọn tọn lẹpo mẹ 16E sọ nọ yì to whèmẹ whèmẹ to lẹ́do mẹ jẹ Bẹteli, po Gilgali po, po Mizpa po; é sọ to whẹ̀dana Islaeli to otẹn nẹ lẹpo mẹ. 17Lẹ́gọ̀ etọn wẹ hlan Lama, na finẹ wẹ yín owhé etọn; finẹ wẹ é sọ nọ dawhẹna Islaeli te: é sọ do agbà de to finẹ hlan OKLUNỌ.
Currently Selected:
1 SAMUẸLI 7: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
