1 SAMUẸLI 29
29
1DINVIE Filistini lẹ bẹ́ awhànpa yetọn lẹpo plidopọ do Afẹki: Islaelinu lẹ sọ whèsla do asisanù dali he tin to Jezleẹli mẹ. 2Klunọ Filistini tọn lẹ sọ juyì kanweko-kanweko lẹ, po fọtón-fọtón lẹ po: Davidi po omẹ etọn lẹ po sọ juyì gbọngodo po Akisi po. 3Whenẹnu wẹ ahọvi Filistini tọn lẹ dọmọ, Etẹ́ Heblu helẹ to wiwà to ofi? Aklẹi sọ dọ hlan ahọvi Filistini tọn lẹ dọmọ, Ehe ma wẹ Davidi, mẹmẹsi Sauli ahọlu Islaeli tọn tọn, he ko tin to dẽ azán helẹ mẹ kavi owhè helẹ mẹ, yẹn ma sọ mọ nuwàyìndo de to e mẹ sọnwhenu é ko họ̀nwá dẽ jẹ egbé? 4Ṣigba ahọvi Filistini tọn lẹ yín homẹgbletọ to ewọ de; ahọvi Filisti ni tọn lẹ sọ dọ hlan ẹn dọ, Hẹn dawe lọ lẹ́gọ̀, na é nido gọ̀ do otẹn etọn mẹ fie hiẹ ko dè nẹ, a dike é jẹtẹ yì awhànfuntẹn po mí po blo, ewọ to awhànfuntẹn nikã lẹzùn mẹglatọ de hlan mí: na etẹ́ wẹ hatọ he na yí do gbọwhèna ede hlan klunọ etọn? bọ é ma na do yín po ota omẹ helẹ tọn lẹ po? 5Ehe ma wẹ Davidi, mẹhe tọn yé toh ànji ode hlan awetọ to owè lẹ mẹ, dọmọ, Saul ko hù fọtọ́n etọn lẹ, Podọ Davidi fọtọ́n ao etọn lẹ?
6Whenẹnu wẹ Akisi ylọ Davidi, bo dọ hlan ẹn dọ, Le OKLUNỌ to ogbẹ̀, hiẹ ko yín mẹnọtegli, tintón jẹgbonu towe podọ whégbe bibiọ towe po yẹn po to awhànpa mẹ yín dagbe to nukun ṣie mẹ: na yẹn ma mọ oylan to hiẹ mẹ sọnwhenu azán wiwá dẽ towe tọn jẹ egbé gba; ṣogàn klunọ lẹ ma tindo nukundagbe do ogo we gba. 7Enẹtọnwutu dinvie, lẹ́gọ̀, bo yì jijọho mẹ, na hiẹ ma na do nọma hẹnhomẹhùn klunọ Filistini tọn lẹ gba. 8Davidi sọ dọ hlan Akisi dọ, Ṣigba eté yẹn wà? onú tẹwẹ hiẹ mọ to mẹmẹsi towe mẹ le yẹn ko tin to nukọn towe dẹ̀n sọ jẹ egbé he, bọ yẹn ma na do yì bo hòavùn hẹ kẹ̀ntọ ahọlu klunọ ṣie tọn lẹ? 9Akisi sọ gblọn bo dọ hlan Davidi dọ, Yẹn yọnẹn dọ hiẹ yín mẹdagbe to nukun ṣie mẹ di angẹli Jiwheyẹwhe tọn de; sogán ahọvi Filistini tọn lẹ ko dọmọ Ewọ ma na hẹji yì awhànfuntẹn lọ po mí po gba. 10Enẹtọnwutu dinvie yawu tite to afọnnu po mẹmẹsi klunọ towe tọn lẹ po he yè hẹn wá de we: plaun le míwlẹ yawu tite do to afọnnu, bo tindo hìnhọ́n, tọnyì. 11Mowẹ Davidi yawu tite, ewọ po omẹ etọn lẹ po, nado tónyì to afọnnu, nado lẹ́gọ̀ do aigba Filistini lẹ tọn ji. Filistini lẹ sọ hẹji yì Jẹzleẹli.
Currently Selected:
1 SAMUẸLI 29: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
