1 SAMUẸLI 24

1E sọ wa jọ, whenuena yè hẹn Sauli lẹ́gọ̀ sọn hihodo Filistini lọ mẹ, wẹ yè dọ nẹ̃ dọmọ, Dayi e go, Davidi tin to zùngbo Ẹn-gẹdi tọn mẹ. 2Whenẹnu wẹ Sauli yí omẹ ṣinṣinyan fọtọ́n atọ̀n sọn Islaeli lẹpo mẹ, bo yì nado din Davidi po omẹ etọn lẹ po to osé tégbọẹ lẹ tọn lẹ ji. 3E sọ wá lẹngbọpó lẹ kòn to aliho ji, fie aigbaslo de te; Sauli sọ yì e mẹ nado bunúdo afọ etọn lọ. Dinvie Davidi po omẹ etọn lẹ po tin to abò adà homẹnukònnukón aigbaslo lọ tọn lẹ mẹ. 4Omẹ Davidi tọn lẹ sọ dọ hlan ẹn dọ, Dayi e go, azán he OKLUNỌ dọ hlan we, Dayi e go, yẹn na jó kẹ̀ntọ towe do alọ towe mọ, hiẹ na sọ wà hlan ẹn dile é na sọawuhia dagbe hlan we do. Whenẹnu wẹ Davidi tite abọẹ, bo sán tónuyínyẹn otewu Sauli tọn tọn. 5E sọ̀ wá jọ to godo, wẹ ayiha Davidi tọn to hihò e, na é sán otewu tónuyínyẹn Sauli tọn sẹ́ wutu. 6E sọ dọ hlan omẹ etọn lẹ dọ, OKLUNỌ dike blo dọ yẹn ni do wà onú he hlan klunọ ṣie dali, mẹyíamisisádodè OKLUNỌ tọn, nado dè alọ ṣie jẹgbonu do e ji, mimọ dọ mẹyíamisisádodè OKLUNỌ tọn wẹ ewọ. 7Mowẹ Davidi yí ohó helẹ do gbẹ́hóna omẹ etọn lẹ, bo ma dikẽna yé nado fọ́n do Sauli ji. Sauli sọ tite sọn aigbaslo lọ mẹ, bo to yìyì to ali etọn ji. 8Davidi ga tite to godo, bo tón yì sọn aigbaslo lọ mẹ, bo dawhádọ hlan Sauli, dọmọ, Klunọ ṣie ahọlu Whenuena Sauli pọ́n godo etọn, Davidi dẹ́ po nukunmẹ etọn po hlan aigba, bo basi whékanbiọ. 9Davidi sọ dọ hlan Sauli dọ, Etẹwutu wẹ hiẹ tuntóai hlan ohó gbẹtọ lẹ tọn lẹ, dọmọ, Dayi e go, Davidi to awugble towe din? 10Dayi e go, egbé nukun towe lẹ ko mọ le OKLUNỌ ko jó we to egbé do alọ ṣie mẹ to aigbaslo mẹ do: mẹdelẹ lẹnhẹ mi nado hù we: ṣigba nukun ṣie hla we dote; yẹn sọ dọmọ, Yẹn ma na yí alọ ṣie jegbonu do klunọ ṣie ji gba; na mẹyíamisisádodè OKLUNỌ tọn wẹ ewọ. 11Humọ, otọ́ ṣie, pọ́n, nugbo, pọ́n tónuyínyẹn otewu towe tọn to alọ ṣie mẹ: na to enẹ mẹ yẹn sán tónuyínyẹn otewu towe tọn sẹ́, bo ma hù we gba, hiẹ ni yọnẹn bo sọ mọ dọ oylan kavi sénhẹngbà de ma tin to alọ ṣie mẹ gba, podọ yẹn ma wà ylando de do ogo we gba, yín hiẹ tlẹ to mọdona alindọn ṣie nado yi i. 12OKLUNỌ ni dawhẹ́ to yẹn po hiẹ po ṣẹnṣẹn, podọ OKLUNỌ ni yiahọsuna mi sọn de we; ṣigba alọ ṣie ma to na tin to oji we gba. 13Dile hówhínwhén hóhótọ lẹ tọn dọ dọmọ, Mẹylankan mẹ wẹ ylankan nọ tón sọn wá: ṣigba alọ ṣie ma to na tin to oji we gba. 14Mẹnu ka wẹ yè ahọlu Islaeli tọn hẹn domọna wá? mẹnu wẹ hiẹ ka to mọyanna? to avún ṣiọ de godo, jẹhli de. 15Enẹwutu OKLUNỌ ni yín whẹ̀datọ, bo na ayihanúmọ to yẹn po hiẹ po ṣẹnṣẹn, bo pọ́n, bo yíwhẹ́hó ṣie dọ, bo whlẹn mi sọn alọ towe mẹ. 16E sọ wá jọ, whenuena Davidi ko dotana didọ ohó helẹ tọn hlan Sauli, wẹ Sauli dọmọ, Bé ogbè towe wẹ ehe, visunnu ṣie Davidi? Sauli sọ zé ogbè etọn daga, bo viavi. 17E sọ dọ hlan Davidi dọ, Hiẹ yín dódónọ hú yẹn: na hiẹ ko basi dagbe hlan mi, ṣigba jàgódo yẹn ko na oylan hlan we. 18Hiẹ ko sọ lá to egbé le hiẹ ko zána yì dagbedagbe hẹ mi do: sùsọmọ dile whenuena OKLUNỌ ko jó mi do alọ towe mẹ, hiẹ ma hù mi gba. 19Na eyín omẹ de mọ kẹ̀ntọ etọn, bé ewọ na gbọ e ni yì jijọho blẹo? enẹwutu wẹ OKLUNỌ na súahọ́ we dagbe na ehe hiẹ ko wà hlan mi to egbé. 20Podọ dinvie, dayi e go, Yẹn yọnẹn dọ hiẹ na yín ahọlu nugbonugbo, podọ yè na hẹn ahọludu Islaeli tọn lódo to alọ towe mẹ. 21Enẹwutu dinvie whle hlan mi gbọn OKLUNỌ dali, dọ hiẹ ma to na sán okún ṣie sẹ́ to godo ṣie gba, podọ hiẹ ma to na súkúndona oyín ṣie Sọn owhé otọ́ ṣie tọn gbè gba. 22Davidi sọ whle hlan Sauli. Sauli sọ yì owhé; ṣigba Davidi po omẹ etọn lẹ po hẹn yéde yìaga yì odò lọ kón.

Currently Selected:

1 SAMUẸLI 24: BWL23

Highlight

Copy