1 SAMUẸLI 22

1ENẸWUTU Davidi fọ́nyì sọn finẹ, bo họ̀ngán hlan aigbaslo Adulami tọn dali: whenuena mẹmẹsunnu etọn lẹ po owhé otọ etọn tọn lẹpo po sè e, yé jẹte yì e de to finẹ. 2Mẹdepope he tin to nukunbibia mẹ, podọ omẹ he tin to ahọ́ mẹ lẹpó, po omẹ he yín awúmajainanọ lẹpo po, bẹ́ yéde pli hlan e de; ewọ sọ lẹzùn awhàngán to yé ji: sunnusi nai fowe nkọ sọ tin to e de.

3Davidi sọ yì sọn finẹ jẹ Mizpẹ Moabi tọn: é sọ dọ hlan ahọlu Moabi tọn dọ, Yẹn vè we, gbọ otọ́ ṣie po onọ ṣie po ni tọn jẹgbonu wá bo tin to dẽ, kaka yẹn na do yón núhe Jiwheyẹwhe na wà na mi. 4E sọ hẹn yéwá ahọlu Moabi tọn nukọn: yé sọ nọ̀ po e po to ojlẹ lẹpo mẹ he Davidi tin to odò lọ mẹ. 5Gadi yẹwhegán sọ dọ hlan Davidi dọmọ, A nọ odò lọ mẹ blo; fọ́nyì, bo yì biọ aigba Juda tọn mẹ. Whenẹnu wẹ Davidi fọ́nyì, bo wá biọ zùnkangbo Helẹti tọn mẹ.

6Sauli sọ sè dọ yè mọ Davidi, po omẹ he tin to e de lẹpo: dinvie Sauli sinai to Gibea, to atin tamaliski glọ to Lama, po owhán etọn po to alọ etọn mẹ, mẹmẹsi etọn tin to ote to e de. 7Sauli sọ dọ hlan mẹmẹsi etọn he site to e de lẹ dọ, Sè dinvie mì Bẹnjamininu lẹ emi; bé visunnu Jẹsse tọn na na ogle lẹ po vẹ̃npa lẹ po mì, bé ewọ na yí mì do basi awhàngán fọtọ́n lẹ tọn po awhàngán kanweko lẹ tọn po; 8bọ popo mì tọn ko do dupà to oji e, bọ mẹde ma tin he dohia hlan mi whenuena visunnu ṣie basi núbibla de hẹ visunnu Jẹsse tọn, bọ mẹde mì tọn ma tin he yín awublatọ na mi, kavi dohia hlan mi dọ visunnu ṣie ko fọ́nadan mẹmẹsi ṣie do oji e, nado mlọnai to owu mẹ, dile é te to egbé? 9Whenẹnu wẹ Doẹgi Edọminu, he ṣite to mẹmẹsi Sauli tọn lẹ de, gblọn, bo dọmọ, Yẹn mọ visunnu Jẹsse tọn ja Nọbi, to Ahimelẹki visunnu Ahitubi tọn de. 10Ewọ kanbiọ sọn OKLUNỌ de nẹ̀, bo na núdùdù i, bo sọ na ohi Goliati Filistini tọn ẹn, 11Whenẹnu wẹ ahọlu do omẹ hlan nado ylọ Ahimelẹki yẹwhenọ, visunnu Ahitubi tọn, po owhé otọ́ etọn tọn lẹpo po, yẹwhenọ he tin to Nọbi lẹ, popo yé tọn sọ wá ahọlu de. 12Sauli sọ dọmọ, Sè dinvie, hiẹ visunnu Ahitubi tọn. Ewọ sọ gblọn dọ, Yẹn tin to ofi, klunọ ṣie. 13Sauli sọ dọ hlan ẹn dọmọ, Etẹwutu wẹ mìwlẹ blanú do ogo è, hiẹ po visunnu Jẹsse tọn po, tò ehe mẹ hiẹ do na akla ẹ, po ohi de po, bo ko sọ kanbiọ sọn Jiwheyẹwhe de nẹ̃ na ewọ nido fọ́n do oji e, nado mlọnai to owu mẹ, dile é te to egbé? 14Whenẹnu wẹ Ahimeleki, gblọnna ahọlu, bo dọmọ, Bé mẹnu wẹ yín dódónọ to mẹmẹsi towe lẹpo ṣẹnṣẹn di Davidi, he yín visunnu yọnwhẹn ahọlu tọn, bọ yè yí do tòhódọtọ towe lẹ mẹ, bo sò mẹgbògbéna to owhé towe gbè? 15Bé yẹn ko sẹ to egbé nado kanbiọ sọn Jiwheyẹwhe de nẹ? é ni tin dẹn sọn dè, a dike ahọlu sẹ onú depope hlan mẹmẹsi etọn de blo, kavi hlan owhé otọ́ ṣie tọn depope blo: na mẹmẹsi towe ma yón núde sọn ehe lẹ de mẹ, whèhú kavi sùhú. 16Ahọlu sọ dọmọ, Hiẹ na kú dandan, Ahimelẹki, hiẹ, po owhé otọ́ towe lẹpo po. 17Aholu sọ dọ hlan mẹmẹgo he site to e dali dọ, Lé, bo hù yẹwhenọ OKLUNỌ tọn lẹ; na alọ yetọn ga tin to Davidi de wutu, podọ yé yónẹn dọ ewọ họ̀nyì wutu, bo ma do e hia hlan mi gba. Ṣigba mẹmẹsi ahọlu tọn lẹ ma jlo na dè alọ yetọn jẹgbonu nado jè yẹwhenọ OKLUNỌ tọn lẹ ji gba. 18Ahọlu sọ dọ hlan Doẹgi dọ, Hiẹ lé, bo jẹ́ yẹwhenọ lẹ ji. Doẹgi Edọminu lọ sọ lẹ́, ewọ sọ jẹ yẹwhenọ lẹ ji, ewọ sọ hù to gbènẹgbe gbẹtọ kanweatón he nọ do efodi alavọ̀nọ de. 19Podọ Nọbi, tòdaho yẹwhenọ lẹ lọ tọn wẹ é yí onù ohi tọn do hò, sunnu po yọnnu po, yọ̀pọ lẹ po vianọ́nu lẹ po, oyín lẹ po kẹtẹkẹtẹ lẹ po po lẹngbọ lẹ po. 20Dopo sọn visunnu Ahimelẹki tọn lẹ mẹ, visunnu Ahitubi tọn, yè ylọyín Abiatali, họ̀ngán, bo họ̀n hodo Davidi. 21Abiatali sọ dọ na Davidi dọ Sauli ko hù yẹwhenọ OKLUNỌ tọn lẹ. 22Davidi sọ dọ hlan Abiatali dọ, Yẹn yọnẹn to gbènẹgbe whenuena Doẹgi Edọminu tin to finẹ, dọ ewọ na dọ na Sauli dandan: yẹn wẹ hẹn okú omẹ owhé otọ́ towe tọn gbè lẹ tọn jọ. 23Nọ̀ dẽ, a dibu blo; na ewọ he to ogbẹ̀ ṣie din to ogbẹ̀ towe din: na to dè hiẹ na tin to nuglọ mẹ.

Currently Selected:

1 SAMUẸLI 22: BWL23

Highlight

Copy