1 SAMUẸLI 21
21
1WHENẸNU wẹ Davidi wá Nọbi to Ahimelẹki yẹwhenọ de: Ahimelẹki sọ wá nado pé Davidi po sisọsisọ po, bo dọ hlan ẹn dọ, Etẹwutu wẹ é yín hiẹ só, bọ omẹ de ma tin gó we? 2Davidi sọ dọ hlan Ahimelẹki yẹwhenọ dọ, ahọlu ko degbè azón de tọn na mi, bo kọ sọ dọ hlan mi dọ, A dike omẹ de yón onú azọ́n lọ tọn depope blo fiedalitọn yẹn do we hlan, po onú he yẹn degbèna we po: Yẹn kọ sọ dè yọpọdẹpẹ lẹ hlan otẹn de le po le po mẹ. 3Enẹwutu dinvie etẹ́ wẹ tin to alọ towe glọ? na mlinmlin akla tọn atón mi do alọ ṣie mẹ, kavi núdepope he tin ai to finẹ. 4Yẹwhenọ lọ gblọnna Davidi, bo dọmọ, Akla vọ́tọ de ma tin to alọ ṣie glọ gba, ṣigba akla wiwe tin finẹ; eyín yọ̀pọ dẹpẹ lẹ ko yìn yéde sọn yọnnu de kẹdẹjànwẹ. 5Davidi sọ gblọnna yẹwhenọ lọ, bo dọ hlan ẹn dọmọ, Sọn nugbo de mẹ yè ko dè yọnnu lẹ sọn mí de nai azán atọ̀n helẹ mẹ; whenuena yẹn tọ́n jẹgbonu, nuzinzán yọpọdẹpẹ lẹ tọn lẹ yín wiwe, le gbéjizọnlin vọ́tọ de tlẹ wẹ é yín; nẹmunẹmu whenẹnu to egbé wẹ nuzinzán yetọn lẹ na yín wiwe? 6Mowẹ yẹwhenọ lọ na akla wiwe e: na akla de ma tin finẹ adavo akládlọ lọ, he yè yí sọn OKLUNỌ nukọn, nado yí akla miyọnawu dohò to azán he gbè yè yí ì sẹ̀. 7Dinvie dawe de sọn mẹmẹsi Sauli tọn lẹ mẹ tin finẹ to azán nẹ gbè, he yè glọn do OKLUNỌ nukọn; oyín etọn nọ yín Doẹgi Edọminu, nukọntọpete kanlingopóntọ lẹ tọn he yín Sauli tọn. 8Davidi sọ dọ hlan Ahimelẹki dọ, Bé ogá kavi ohi de ma tin to ofi to alọ towe glọ? na yẹn ma hẹn ohi ṣie kavi adanwànu ṣie lẹ wá po yẹn po gba, na azọ́n ahọlu tọn biọ awúdide wutu. 9Yẹwhenọ lọ sọ dọmọ, Ohi Goliati Filistini tọn, mẹhe hiẹ hù to agbàdò Ela tọn mẹ, dayi e go, é tin to ofi to bubu tó avọ́ mẹ to efọdi lọ godo: eyín hiẹ na yí enẹ, bo yí i na devo de ma tin adavo enẹ to ofi. Davidi sọ dọmọ, Ode ma tin di enẹ gba; na ẹn mi.
10Davidi sọ tite, bo họ̀nyì to gbènẹgbe na osi Sauli tọn, bo yì Akisi ahọlu Gati tọn de. 11Mẹmẹsi Akisi tọn lẹ sọ dọ hlan ẹn dọ, Bé ehe ma wẹ Davidi ahọlu aigba lọ tọn? bé yé ma jihàn ewọ tọn hlan yénọzo to owè lẹ mẹ, dọmọ,
Sauli ko hù fọtọ́n etọn lẹ,
Podọ Davidi fọtọ́n ao etọn lẹ?
12Davidi sọ yi ohó yetọn helẹ hẹn do ayiha etọn mẹ, bo sọ yín avọ̀satọ na Aklẹi ahọlu Gati tọn. 13Ewọ sọ diọ zinzán etọn to yé nukọn, bo yí ede do basi alèdatọ to alọ yetọn lẹ mẹ, bo sọ to ohù lẹ zè do ohòn họngbo tọn lẹ go, bo sọ to dèlùn do ogbì etọn mẹ. 14Whenẹnu wẹ Akisi dọ hlan mẹmẹsi etọn lẹ dọ, Pọ́n, mì mọ omẹ lọ yín alèdatọ: whenẹnu etẹwutu wẹ mìwlẹ hẹn ẹn wá dè? 15Yẹn bà alèdatọ lẹ pò, wẹ mìwlẹ do hẹn hatọ he wá nado zán zinzán alẹ̀datọ tọn to nukọn ṣie? bé hatọ he na wá biọ owhé ṣie gbè wẹ?
Currently Selected:
1 SAMUẸLI 21: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
