1 AHỌLU LẸ 4

1AHỌLU Sọlọmọni sọ yín ahọlu to Islaeli lẹpo ji 2Ehelẹ wẹ ahọvi he é tindo lẹ; Azalia visunnu Zadọki tọn, yẹwhenọ; 3Eliholẹfi po Ahija po, visunnu Ọasa tọn lẹ, wékantọ lẹ; Jehọṣafati visunnu Ahiludi tọn, tòwekantọ; 4Benaia visunnu Jehọiada tọn tin to awhànpa lọ ji; Zadọki po Abiatali po yín yẹwhenọ lẹ; 5Azalia visunnu Natani tọn tin to ogándaho lẹ ji; Zabudi visunnu Natani tọn yín yẹwhenọ, po họntòn ahọlu tọn po; 6Ahisaii tin to whédo ji; Adonilami visunnu Abda tọn tin to togbàn ji. 7Sọlọmọni sọ tindo ogándaho wiawe to Islaeli lepo ji, he nọ wleawu núdùdù ton na ahọlu po whédo etọn po: omẹ dopodopo tin nado basi awuwiwle na osùn de to owhè lọ mẹ. 8Ehele wẹ oyín yeton lẹ: Bẹnhuli, to otò okọta Ehanni tọn mẹ: 9Bẹni-dẹkeli, to Makazi mẹ, podọ to Saalbimi mẹ, po Beti-semesi po, po Elọni-bẹti-hanani po: 10Bẹm-hẹsedi, to Aluboti mẹ; é tọn wẹ Soko, po aigba Hẹfeli tọn lẹpo po: 11Bẹni-abinadabi, to aga Dọli tọn lẹpo mẹ; ewọ wẹ tindo Tatati viyọnnu Sọlọmọni tọn hlan asi: 12Baana visunnu Àhiludi tọn, to Taanaki po Mẹgiddo po mẹ, po Bẹti-ṣeani lẹpo po he tin to Zaletani dali, to Jẹzleẹli glọ, sọn Bẹti-seani jẹ Abẹli-mẹhola, dẹn sọ Jọkineami gododọ̃n: 13Beni-gebeli to Lamọti-gileadi mẹ; e tọn wẹ tòpẹvi Jaili visunmí Manassẹ tọn tọn lẹ, he tin Gileadi me lẹ; yèdọ e tọn wẹ agbègbè Algọbi tọn, he tin Baṣani mẹ, todaho kiklo kandeko po dòkọ lẹ po po patin gànvẹnọ lẹ po: 14Ahinadabi visunnu Iddo tọn, to Mahanaimi mẹ; 15Ahimaazi, to Naitah mẹ; ewọ ga zé Basemati viyọnnu Sọlọmọni tọn hlan asi: 16Baana visunnu Huṣai tọn, to Aṣeli po Bealoti po mẹ: 17Jehọṣafati visunnu Palua tọn, lo Isakali mẹ; 18Ṣimei visunnu Ela tọn, to Bẹnjamini mẹ 19Gebeli visunnu Uli tọn, to aigba Gileadi tọn ji, otò Sihọni ahọlu Amọlinu lẹ tọn tọn po Ogi ahọlu Baṣani tọn tọn po; ewọ kẹde sọ wẹ ogándaho he tin to aigba lọ ji 20Juda po Islaeli po yín susu, di otọkẹ́n he tin to ohù tó to gégé mẹ, to dùdù bo nùnù bo to aglinjẹ basi.

21Sọlọmọni sọ to ahọludu to ahọludù lẹpo ji sọn Otò lọ kòn jẹ aigba Filistini lọ tọn ji, podọ je agbóji Egipti tọn; yé nọ to nunina lẹ hen wá, bo sọ to Sọlọmọni sẹ́n to azán ogbẹ etọn tọn lẹpo mẹ. 22Núdùdù Sọlọmọni tọn na azán dopo yín ojlẹ ogban linfin dagbedagbe tọn, ojlẹ kandeko jinulili tọn; 23oyín jonọ ao, po oyín okò po sọn yìndùgbo lẹ mẹ, po lẹngbọ kanweko po, dogó olua lẹ, po tegbọẹ lẹ po, po agbaligba lẹ po, po ohè daho lẹ po. 24Na é tindo ahọludù tọ agbègbè lẹpo ji to Otò lọ wàji de, sọn Tifsa yèdọ jẹ Gaza, to ahọlu lẹpo ji to Otò lo wàji de, é sọ tindo jijọho to awà lẹpo ji lédo e pé 25Juda po Islaeli po sọ yi jijọho do to ninò, omẹ dopodopo to vẹ̃ntin etọn glọ, podọ to ovotin etọn glọ, sọn Dani yèdọ je Beẹli-seba, to azán Sọlọmọni tọn lẹpo mẹ 26Sọlọmoni sọ tindo kanlinpó osọ lẹ tọn lẹ fọtọ́n ẹnẹ na kekẹ etọn le, po osọ́nọ lẹ po fọtọ́n wiawe. 27Ogándaho nẹlẹ wẹ nọ wleawuna núdùdù na ahọlu Sọlọmọni, podo na mẹpopo he nọ wá tafo ahọlu Solọmọni tọn ji lẹ, ome dopodopo to osùn etọn mẹ: yé ma nọ dike núde yín whiwhe gba. 28Bale ga po kanlinma po na osọ lẹ po osọ wezunnọ lẹ po wẹ ye to hinhẹn wa otẹn lọ mẹ fie gandaho lẹ te, omẹ dopodopo kẹdẹdi aṣẹ etọn.

29Jiwheyẹwhe sọ na nuyọnẹn po wuntùntùn po Sọlomọni gége gbọ̀pò, po oklo ayiha tọ̀n po, yèdọ di okẹ́n he tin to ohù tó 30Nuyọnẹn Sọlọmọni tọn sọ húgán nuyọnẹn ovi whèzẹtẹn tọn lẹpo tọn, po nuyọnẹn Egipti tọn lẹpo po. 31Na ewọ yín nuyọnẹnnọ hú gbẹtọ lẹpo; hú Etani Ezlahinu lọ, po Hemani po, po Kalkoli po, po Dalda po, visunnu Mahọli ton le: linlin etọn tin to: akọta lepo mẹ lédo. 32Ewọ dọ hówhínwhén fọtọ́n atọ̀n: ohàn etọn lẹ yín fọtọ́n po atọ́n po. 33E dọhó atin lẹ tọn, sọn Kedali he tin to Lẹbanọni mẹ yèdọ je hisọpi he tọ́nkùn jẹgbonu sọn adọ́ mẹ de: é dọhó gbekanlin lẹ tọn ga, po ohẹ̀ tọn po, po onú he nọ tintlin le tọn po, po whèvi lẹ tọn po. 34Yé nọ sọn gbẹtọ lẹpo mẹ wá nado sè nuyọnẹn Sọlọmọni tọn, sọn ahọlu aigba tọn lẹ mẹ, he ko sèavà nuyọnẹn eton tọn.

Currently Selected:

1 AHỌLU LẸ 4: BWL23

Highlight

Copy