Malɨka 2

ɄYesu alɨ nʉ vʉtavʉlɨlua vwa kʉpyanɨla inyɨvi

(Mataayi 9:1-8; Lʉʉka 5:17-26)

1ɄYesu akagomoka mʉ lɨkaaja lya Kapelenaumu. Ye fikilile ifighono ndafilɨngi, avaanhu vakapʉlɨka kuuti alɨ kʉ kaaja.#2:1 ɄYesu akagomoka mʉ lɨkaaja lya Kapelenaumu. Ye fikilile ifighono ndafilɨngi, avaanhu vakapʉlɨka kuuti alɨ kʉ kaaja: Luvoneka kuuti pano akavisagha mʉ lɨkaaja ɨlya Kapelenaumu, kekinga akikalagha kʉ nyumba ja Peteli nʉ Ndeleeya. 2Avaanhu vinga vakakongʼhaana, vakamema kyongo na pa mʉlyango napepakava apa kʉkila. Ʉmuo ʉYesu akapʉlɨsyagha ɨlɨsio lyake. 3Ʉnsiki ghʉghuo vakiisa avaanhu vane vampɨndile ʉmuunhu ʉnya nhamu ɨja lɨteela. 4Ʉlwakʉva avaanhu valyamemile kyongo, vakakunua kʉkʉntwala kwa Yesu kukilila pa mʉlyango. Pe vakatogha pakyanya pa nyumba, vakatuvula kulʉngama pano pwealyale ʉYesu. Apuo vakamwisia ʉnya lɨteela jʉla mʉ kɨteefu. 5ɄYesu ye alʉvwene ʉlwɨtɨko lwave kwa mwene, akati kwa ntamu, “Mwanango, ʉpyanilue inyɨvi saako.”

6Mʉ lɨpʉgha ɨlio mwevalyale avavʉlanɨsi va ndaghɨlo, ye vapʉliike, vakingʼulasyagha mʉ moojo ghaave 7viiti, “Ʉjʉ ghwe veeni kupyanɨla inyɨvi? Nakwale jʉno anoghiile kupyanɨla inyɨvi, looli alɨ jʉmo mwene, ʉNgʉlʉve. Ʉjʉ, ɨkʉmʉligha kyongo ʉNgʉlʉve.”

8Neke ʉYesu akasitangʼhania sino vakava visaagha akati, “Kɨki musaagha isio mʉ moojo ghiinu? 9Lʉhʉʉgʉ lʉlɨku, kʉkʉmʼbʉʉla ʉnya lɨteela kuuti, ‘Ʉpyanilue inyɨvi saako,’ nambe kuuti, ‘Ɨma, veghala ɨkɨteefu kyako, ʉghendaghe’? 10Lɨno pe mʉkagʉle kuuti, ne Mwana ghwa Muunhu#2:10 Mwana ghwa Muunhu: Ɨmba kʉ Vʉghanʉle vwa Masio aMahesia. nɨlɨ nʉ vʉtavʉlɨlua ʉvwa kʉpyanɨla inyɨvi mʉ ɨɨsi muno...” Pe akamʼbʉʉla ʉnya lɨteela 11akati, “Nɨkʉkʉvʉʉla, ɨma, veghala ɨkɨteefu kyako vujagha.” 12Ʉnsiki ghʉghuo akɨɨma, akaveghala ɨkɨteefu kyake akavʉʉka ivuja. Avaanhu vooni vano pwevalyale pala vakadegha kyongo, kange vakamʉghinia ʉNgʉlʉve vakati, “Isi se natʉsivwene lʉsiku.”

ɄYesu ihanga na vahosi

(Mataayi 9:9-13; Lʉʉka 5:27-32)

13ɄYesu akalʉta kange mʉlʉbale mʉ lɨsʉmbe, ɨlɨpʉgha lya vaanhu lɨkalʉtagha kwa mwene, ʉkuo akavavʉlanɨsyagha.

14Pambele ye ighenda, akamwagha ʉmuunhu jʉmonga, ɨlɨtavua lyake ghwe Leevi, ʉnswambe ghwa Alufaayo, ikalile pano isongekesia ɨsongo. Akamʼbʉʉla akati, “Ʉmbɨngɨlɨlaghe.” Pe akavʉʉka, akamʼbɨngɨlɨla. 15Pambele ʉYesu na vavʉlanɨsɨvua vaake vakalʉta kʉ kaaja kwa Leevi, vakava vilia ɨkyakʉlia. Avasongesia songo#2:15 Avasongesia songo: Avaanhu ava, vakasongesyagha ɨsongo mʉ ɨɨsi ɨja Isilaeli. Ɨmba ɨlɨsio Vasongesia songo kʉ Vʉghanʉle vwa Masio aMahesia. vinga na vahosi valikalile vihanga nʉ Yesu palɨkɨmo na vavʉlanɨsɨvua vaake, ʉlwakʉva avaanhu vinga ndavʉle ava, vakamʼbɨngɨliile. 16Neke avavʉlanɨsi va ndaghɨlo na Vafalisayi,#2:16 Avavʉlanɨsi va ndaghɨlo na Vafalisayi: Ɨmba ɨlɨsio Vavʉlanɨsi va ndaghɨlo nɨ lɨsio Vafalisayi kʉ Vʉghanʉle vwa Masio aMahesia. vakamwagha ʉYesu ihanga ɨkyakʉlia na vasongesia songo na vahosi. Pe vakavaposia avavʉlanɨsɨvua vaake vakati, “Ongo ihanga na vasongesia songo na vahosi?” 17ɄYesu ye apʉliike isio, akavavʉʉla akati, “Avakafu navifumbua kulʉta kwa mʉghanga, looli avatamu. Fye lʉlɨvuo, nanɨlyakɨsisie kʉkʉvakemeela vano vikuvona vagholofu, looli vano vitangʼhinie kuuva vahosi.”

Ʉlʉposio vwɨmɨla kuvʉhɨɨla kulia mʉlwa kufuunya

(Mataayi 9:14-17; Lʉʉka 5:33-39)

18AVafalisayi na vavʉlanɨsɨvua va Yohani valyale nʉ lwiho ʉlwa kʉvʉhɨɨla kulia mʉlwa kufuunya#2:18 Kʉvʉhɨɨla kulia mʉlwa kufuunya: Ɨmba kʉ Vʉghanʉle vwa Masio aMahesia. ifighono fimonga. Pe avaanhu vamonga vakamposia ʉYesu vakati, “Kɨki avavʉlanɨsɨvua#2:18 Avavʉlanɨsɨvua: Ava ve vano vakamʼbɨngɨlɨlagha ʉYesu na kuvʉlanɨsɨvua nʉ mwene. Ɨmba ɨlɨsio Vavʉlanɨsɨvua kʉ Vʉghanʉle vwa Masio aMahesia. vaako navivɨngɨlɨla ʉlwiho ʉlwa kʉvʉhɨɨla kulia, ndavʉle avavʉlanɨsɨvua va Yohani na vavʉlanɨsɨvua va Vafalisayi?” 19ɄYesu akavamʉla akati, “Vano vaghongolilue pa vʉtolani, valɨ nʉ ntolanʼdala, navangavʉhɨɨle kulia mʉlwa kufuunya. Ʉnsiki ghwoni pano valɨ nʉ ntolanʼdala navangavʉhɨɨle kulia. 20Looli, filikwisa ifighono fino ʉntolanʼdala ilivʉsɨvua, apuo pepano vilivʉhɨɨla kulia mʉlwa kufuunya.

21“Nakwale ʉmuunhu jʉno ihonela ɨkɨgamba ɨkɨpia mʉ mwenda ʉnkʉʉlʉ, nave avombe ʉluo, ɨkɨgamba ɨkio kilekana nʉ mwenda, pe ʉvʉdemʉle vukwongelela kyongo. 22Kange, avaanhu navivɨɨka ʉlʉhʉʉje#2:22 Ʉlʉhʉʉje: Ɨmba ɨlɨsio Lʉhʉʉje kʉ Vʉghanʉle vwa Masio aMahesia. ʉlʉpia mʉ nyambe#2:22 Nyambe: AVayahudi vakatendagha inyambe isa ngʼhwembe sino vakavɨkɨlagha ʉlʉhʉʉje, kange navakalʉsɨkɨsyagha ʉlʉhʉʉje mʉ nyambe ingʼhʉʉlʉ ʉlwakʉva sikapusukagha. ingʼhʉʉlʉ, nave fye vavombe ʉluo, ʉlʉhʉʉje lupusula inyambe, na kukungʼika. Looli vivɨɨka ʉlʉhʉʉje ʉlʉpia mʉ nyambe imhia.”

ɄYesu Mʼbaha kʉ Sabati

(Mataayi 12:1-8; Lʉʉka 6:1-5)

23Ɨkɨghono kɨmonga ɨkya Sabati, ʉYesu na vavʉlanɨsɨvua vaake vakava vikila mʉ maghʉnda gha ngano. Pe avavʉlanɨsɨvua vakava videenya amasoojo gha ngano, visoghojola na kulia. 24AVafalisayi vakamposia ʉYesu vakati, “Kɨki avavʉlanɨsɨvua vaako vivomba lʉno nalʉnoghiile mʉ kɨghono ɨkya Sabati?”#2:24 Vivomba lʉno nalʉnoghiile mʉ kɨghono ɨkya Sabati: AVafalisayi vakavwene kudeenya amasoojo gha ngano na kusoghojola, lwalɨngʼhiine na kuvomba ɨmbombo mʉ kɨghono ɨkya Sabati. Mʉ nyiiho isa Vayahudi lwakanilue kuvomba ɨmbombo mʉ kɨghono ɨkya Sabati. 25-26ɄYesu akavamʉla akati, “Namʉvalile ndavʉle ʉDavɨdi vʉle alyavombile ifighono ifya ntekesi ʉmʼbaha#2:25-26 Ntekesi ʉmʼbaha: Ɨmba ɨlɨsio Vatekesi kʉ Vʉghanʉle vwa Masio aMahesia. ʉAbiatali? Namukʉmbʉka kuuti ye jɨvavile ɨnjala ʉmwene palɨkɨmo na vanine, akingila mʉ nyumba ɨnyɨmɨke ɨja Ngʉlʉve, akapelua amakate agha pa kɨtekelelo ghano ghaale gha mbombo ɨnyɨmɨke, akalia, akavapeela na vanine? Amakate aghuo navakɨtɨkɨsɨvwagha avaanhu avange kulia, ʉlwene va vatekesi veene.”#1 Samueli 21:1-6 27ɄYesu akafijovagha akatisagha, “ƗSabati javɨkilue kʉkʉntanga ʉmuunhu, jeeje ʉmuunhu kuuva nkami ghwa Sabati. 28Kwekʉti, ʉne ne Mwana ghwa Muunhu nɨlɨ Mʼbaha kʉ Sabati.”#2:28 Mʼbaha kʉ Sabati: Kwekʉti ʉYesu ghwe jʉno akɨpelile ɨkɨghono ɨkio, kange ghwe jʉno asitangʼhinie isa kʉvomba mʉ kɨghono ɨkio.

Currently Selected:

Malɨka 2: wbi

Highlight

Copy