MALAKÍAS 4
4
Señor Diospa taripanan p'unchay
1Horno hina qanqeshaq p'unchaymi chayamushan. Chay p'unchaymi llapa anchaykachaqkunapas llapa millaykunapas q'opa hina ruphaykachisqa kanqa, paykunamantaqa manan imallapas puchunqachu. 2Qankuna manchakuwaqniykunapaqtaq ichaqa qespichiqniyqa inti hina k'anchaykamusunkichis, inti k'anchay hinan qhaliyachisunkichis. Hinan kanchamanta kacharisqa torillokuna hina kusisqallaña saltankichis. 3Chaykunata ruwasqay p'unchaymi millay runakunata t'ustunkichis, usphata hinan paykunata sarunkichis.
4Llapa Israel runakunapaqmi Horeb orqopi kamachiy Moisesman qorqani kamachikuyniykunata yachachikuyniykunatawan, chaykunata yuyarispa kasukuychis.
5Ñoqa Señor Diospa hatun mancharikuy p'unchayniy manaraq chayamushaqtinmi, profeta Eliasta kachamusqaykichis. 6Paymi tayta-mamakunata wawankuwan allipunachinqa, wawakunatapas tayta-mamankuwan allipunachinqa. Mana hina kaqtinqa, hamuspaymi suyuntinta ñakaspa muchuchiyman. Ñoqa Tukuy-atiyniyoq Señor Diosmi chayta nini, nispa.
Currently Selected:
MALAKÍAS 4: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.