EXODO 3

Moisesta Dios kamachisqanmanta

1Moisesmi Madian lawpi sacerdote #Moisespa suegronpa sutinmi Jetro otaq Reuel otaq Hobab.Jetro suegronpa ovejankunata michichkaspan qatirqa chunniq orqopa qepanman hinaspam chayarurqa #Chay orqopa huknin sutinqa Sinai Orqom.Horeb sutiyoq Diospa orqonman. 2Chaymi Tayta Diospa angelnin rikuriykurqa Moisesman rupachkaq ninapi, chayqa karqa tankar kichkapim. Moises sumaqta qawaykuptinmi tankar kichkaqa rupaspapas mana kañakurqachu 3chaymi Moises nirqa:

—Qawaramusaq kunallan wak admirakuypaq rikusqayta. ¿Imanasqataq wak tankar kichkaqa rupaspapas mana tukurunchu? —nispa.

4Qawaykunanpaq riqta Tayta Dios qawaykuspanmi tankar kichkamanta qayamurqa:

—¡Moises, Moises! —nispa.

Hinaptinmi payñataq nirqa:

—¿Imata, señor? —nispa.

5Chaymi Diosñataq nirqa:

—Ama asuykamuwaychu. *f**Usutaykita horqokuy, sarusqayki allpaqa ñoqapaq sapaqchasqam —nispa.

6Diosqa nirqataqmi:

—Ñoqaqa kani abueloyki Abrahampa, Isaacpa hinaspa Jacobpa Diosninmi —nispa.

Chaymi Moises uyanta tapakuykurqa Dios qawaykuyta manchakuspan. 7Tayta Diosqa nirqataqmi:

—Qawachkanim Egipto nacionpi runaykunapa ñakarisqanta, uyarichkanitaqmi llamkachiqninkunarayku waqasqankutapas. Yachanitaqmi nanaypi kallasqankutapas. 8Chaymi uraykamuni Egipto runakunamanta libranaypaq. Egipto nacionmantam tukuy imakunapapas kasqan hatun sumaq allpaman paykunata pusasaq. Chay allpapim *f**yachachkanku Canaan casta runakuna, Het casta runakuna, Amor casta runakuna, Ferez casta runakuna, Hiv casta runakuna hinaspa Jebus casta runakuna. 9Israelpa mirayninkuna waqasqantam uyariruni, rikunitaqmi Egipto runakunapa ñakarichisqantapas. 10Chayraykum kunan Faraonman kachasqayki Israelpa miraynin runakunata Egipto nacionmanta horqomunaykipaq.

11Chaymi Diosta Moises nirqa:

—¿Pitaq ñoqaqa kani Rey Faraonman rinaypaqqa hinaspa Egipto nacionmanta Israelpa mirayninkuna horqomunaypaqqa? —nispa.

12Hinaptinmi Dios nirqa:

—Ñoqam yanapasqayki, qamta kachasqay señalmi kayna kanqa: Egipto nacionmanta runaykunata horqomuspaykim kay orqopi yupaychawankichik.

13Ichaqa Moisesmi Diosta nirqa:

—Israelpa mirayninkunaman rispaymi nimusaq: “Abueloykichikkunapa Diosninmi qamkunaman kachamuwan” nispa. “¿Imataq sutin?” nispa tapuwaptinqa ¿Imanisaqtaq paykunataqa?

14Chaymi Diosñataq Moisesta nirqa:

—ÑOQAQA KANI HINA KAQLLAM. Chaynaqa Israelpa mirayninkunamanmá ninki: “ ‘ÑOQAM KANI’ sutiyoqmi qamkunaman kachamuwan” nispa.

15Kasqallanmi Moisesta Dios nirqa:

—Kaynatam Israelpa mirayninkunaman ninki: “Abueloykichik Abrahampa, Isaacpa hinaspa Jacobpa Diosninmi kachamuwan qamkunaman. Payqa Tayta Diosmi” nispa. Kaymá wiñaypaq sutiyqa, chay sutiywanmi yuyariwankichik wiña-wiñaypaq. 16Israelpa ancianonkunata huñumuspayá nimuy: “Abueloykichik Abrahampa, Isaacpa hinaspa Jacobpa Diosninmi rikuriykuwaspa niwarqa: ‘Cheqaptapunim qamkunata watukamuykichik Egipto nacionpi imam rurasusqaykichikta qawanaypaq. 17Ñoqam Egipto nacionpi ñakarisqaykichikmanta horqomusqaykichik Canaan casta runakunapa, Het casta runakunapa, Amor casta runakunapa, Ferez casta runakunapa, Hiv casta runakunapa hinaspa Jebus casta runakunapa allpanman pusanaypaq. Chayqa tukuy imakunapapas kasqan allpam’ nispa.” 18Israelpa ancianonkuna kasususpaykim qanwan kuska rinqaku chaymi Egipto nacionpi reyta ninkichik: “Hebreo castakunapa yupaychasqan Tayta Diosmi tariramuwanku chayraykum kunan risaqku chunniqman kimsa punchaw puriyta chaynapi yupaychasqayku Tayta Diosman animalkunata wañuchipuspa adoramunaykupaq” nispa. 19Aswanqa ñoqam yachani Egipto nacionpi reyqa mana kacharisunaykichikta. Kacharisunkichikqa atiyniywan horqoptiyñam. 20Ñoqam atiyniywan Egipto runakunata castigasaq tukuy rikchaq admirakuypaq rurayniykunawan, chaymantañam Faraonqa kachaykusunkichik. 21Ñoqam favorecechisqaykichik Egipto runakunapa qayllanpi chaynapim ripuspaykichikpas tukuy imata apakunkichik. 22Sapa warmim vecinanmanta hinaspa samapakuqnin warmimanta mañanqa qori-qollqe alhajakunata hinaspa pachakunata, chaykunawanmi churachinkichik churi-wawaykichikkunata. Chaynatamá qechunkichik Egipto runakunapa tukuy imankunata —nispa.

Currently Selected:

EXODO 3: QUEAYA87

Highlight

Copy