Lucas 3

Bautizaq Juanpa purunpi willakusqanmanta

(Mt 3.1-12; Mr 1.1-8; Jn 1.19-28)

1Rey Tiberio César, chunka pichqayuq wataña munaychakuchkaptinmi, Poncio Pilato Judea lawpi gobernador karqa, Herodesñataqmi Galilea lawpi munaychakurqa, wawqen Felipem Iturea hinaspa Traconite lawpi, Lisaniasñataqmi Abilinia lawpi. 2Anaswan Caifasñataqmi sumo sacerdotekuna karqaku. Chay punchawkunapim Zacariaspa churin Juanta purunpi kachkaptin Dios rima-payarqa. 3Chaymi Juanqa Jordán mayupa hichpankunaman rispan runakunaman willarqa Diosman kutirikuspa bautizachikunankupaq chaynapi huchanku pampachasqa kananpaq.

4 # Is 40.3-5. Kaykunaqa pasakurqa profeta Isaiaspa qellqasqanman hinam. Paymi qellqarqa:

Huk qayakuymi purunpi uyarikun:

“Señorpa ñanninta allichaychik,

purinan ñanta derechaychik.

5Llapa wayqokunata allpawan huntachiychik,

orqokunatawan moqokunatapas pampayachiychik,

qenqo ñankunata derechaychik,

qachqa ñankunatapas limpiaychik.

6Lliw runam Diospa salvacionninta rikunqaku”, nispa.

7 # Mt 12.34; 23.33. Llapa runakuna Juanwan bautizachikunankupaq riptinkum payñataq nirqa:

¡Llapa maqta urupa mirayninkuna! ¿Creenkichikchu Diospa piñakuyninmanta ayqeruyta? 8#Jn 8.33.Huchaykichikmanta wanakusqaykichikta kawsaynikichikpi qawachikuychik. Amayá niychikchu: “Ñoqaykuqa Abrahampa mirayninmi kaniku”, nispaqa. Cheqaptapunim nikichik ¡Diosqa munaspanqa kay rumikunamantapas Abrahampa miraynintaqa hatarirachinmanmi! 9#Mt 7.19.Hachaqa chayllam kachkan sachakunata sapinmanta kuchunapaq. Mana ruruq sachaqa sapinmanta kuchusqa kaspam ninaman wischusqa kanqa, nispa.

10Chaynaqa, ¿imatataq ruwasaqku? nispa runakuna tapuptinkum, 11Juanñataq nirqa:

Pipapas iskay camisaykichik kaptinqa huknintayá mana camisayuqman qoychik. Mikunayuq kaqkunapas chaynatayá ruwaychik, nispan.

12 # Lc 7.29. Impuesto cobraqkunapas bautizachikunankupaq asuykuspankum tapukurqaku:

Yachachikuq, ¿imatataq ruwasaqku? nispanku.

13Juanñataqmi nirqa:

Leypa kamachisqallantayá cobraychik, nispa.

14Soldadokunapas tapukuspankum nirqaku:

¿Imatataq ñoqaykuqa ruwasaqku? nispanku.

Juanñataqmi nirqa: Amayá pitapas manchachispaqa nitaq yanqamanta tumpaspaqa imantapas qechuychikchu. Pagoykichikwanyá contentakuychik, nispa.

15Llapa runakunam yachaykuq-yachaykuqllaña kachkarqaku, chayraykum tapukurqaku:

¿Juanchu suyasqanchik Cristo kanman? nispanku.

16Chaymi llapallankuta Juan nirqa:

Cheqaptapas ñoqaqa yakullawanmi bautizaykichik, qepay hamuqmi ichaqa Chuya Espirituwan hinaspa ninawan bautizasunkichik. Payqa ñoqamantapas aswan atiyniyuqmi, chaymi usutanpa watullantapas mana paskaq hinachu kani. 17Payqa makinpim hurkitanta apamuchkan trigota pajamanta rakinanpaq, trigota taqenman apaykuspam pajatañataq mana amachay atina ninapi kañanqa, nispa.

18Juanqa kayna hinaspa tukuy rikchaq rimaykunawan kallpanchaspanmi runakunaman kay allin noticiata willakurqa. 19#Mt 14.3-4; Mr 6.17-18.Herodestapas wawqen Felipepa warmin Herodiaswan casarakusqanmantam hinaspa tukuy mana allinkuna ruwasqanmantam qaqcharqa. 20Herodesqa tukuy kay mana allinkunata ruwachkaspapas, Juantapas carcelmanmi wichqarachirqa.

Jesusta Juan bautizasqanmanta

(Mt 3.13-17; Mr 1.9-11)

21Runakunata Juan bautizachkaptinmi, Jesuspas bautizachikunanpaq hamurqa. Bautizarachikuspa mañakuchkaptinmi hanaq pacha kicharikuykurqa, 22#Is 42.1; Mt 12.18; 17.5; Mr 9.7; Lc 9.35.hinaptinmi Chuya Espirituqa Jesuspa hawanman uraykamurqa paloma hina, chaymi hanaq pachamanta huk rimariy uyarikamurqa:

“Qanmi kanki kuyasqay Churiy, qamraykum kusisqa kachkani”, nispa.

Jesuspa ñawpaq taytankunamanta

(Mt 1.1-17)

23Jesusqa yaqa kimsa chunka watanpiña kachkaspanmi ministerionta qallaykurqa. Runakunapa qawasqanman hinaqa Joseypa churinmi karqa. Joseymi karqa Eliypa churin.

24Eliyñataqmi Matatpa, Matatñataqmi Leviypa, Leviyñataqmi Melquipa, Melquiñataqmi Janapa, Janañataqmi Joseypa, 25Joseyñataqmi Matatiaspa, Matatiasñataqmi Amospa, Amosñataqmi Nahumpa, Nahumñataqmi Eslipa, Esliñataqmi Nagaipa, 26Nagaiñataqmi Maatpa, Maatñataqmi Matatiaspa, Matatiasñataqmi Semeipa, Semeiñataqmi Joseypa, Joseyñataqmi Judapa, 27Juda-ñataqmi Joanapa, Joanañataqmi Resapa, Resañataqmi Zorobabelpa, Zorobabelñataqmi Salatielpa, Sala-tielñataqmi Neripa,

28Neriñataqmi Melquipa, Melqui-ñataqmi Adipa, Adiñataqmi Cosampa, Cosamñataqmi Elmadampa, Elma-damñataqmi Erpa, 29Erñataqmi Josueypa, Josueyñataqmi Eliezerpa, Eliezerñataqmi Jorimpa, Jorimñataqmi Matatpa, 30Matatñataqmi Leviypa, Leviyñataqmi Simeonpa, Simeonñataqmi Judapa, Judañataqmi Joseypa, Josey-ñataqmi Jonanpa, Jonanñataqmi Eliaquimpa, 31Eliaquimñataqmi Meleapa, Meleañataqmi Mainanpa, Mainanñataqmi Matatapa, Matatañataqmi Natanpa, 32Natanñataqmi Davidpa, Davidñataqmi Isaipa, Isaiñataqmi Obedpa, Obedñataqmi Boozpa, Boozñataqmi Salapa, Salañataqmi Naasonpa, 33Naasonñataqmi Aminadabpa, Aminadabñataqmi Arampa, Aramña-taqmi Esrompa, Esromñataqmi Fares-pa, Faresñataqmi Judapa, 34Judaña-taqmi Jacobpa, Jacobñataqmi Isaac-pa, Isaacñataqmi Abrahampa, Abraham-ñataqmi Tareypa, Tareyñataqmi Na-corpa, 35Nacorñataqmi Serugpa, Serug-ñataqmi Ragaupa, Ragauñataqmi Pelegpa, Pelegñataqmi Heberpa, Heber-ñataqmi Salapa, 36Salañataqmi Cai-nanpa, Cainanñataqmi Arfaxadpa, Arfaxadñataqmi Sempa, Semñataqmi Noeypa, Noeyñataqmi Lamecpa,

37Lamecñataqmi Matusalenpa, Matu-salenñataqmi Enocpa, Enocñataqmi Jaredpa, Jaredñataqmi Mahalaleelpa, Mahalaleelñataqmi Cainanpa, 38Cainan-ñataqmi Enospa, Enosñataqmi Setpa, Setñataqmi Adanpa, Adanñataqmi Diospa unanchasqa karqa.

Currently Selected:

Lucas 3: RCQ12

Highlight

Copy