Popular Bible Verses from Lucas 3

Share

Runakunata Juan bautizachkaptinmi, Jesuspas bautizachikunanpaq hamurqa. Bautizarachikuspa mañakuchkaptinmi hanaq pacha kicharikuykurqa, hinaptinmi Chuya Espirituqa Jesuspa hawanman uraykamurqa paloma hina, chaymi hanaq pachamanta huk rimariy uyarikamurqa: “Qanmi kanki kuyasqay Churiy, qamraykum kusisqa kachkani”, nispa.

Chaymi llapallankuta Juan nirqa: Cheqaptapas ñoqaqa yakullawanmi bautizaykichik, qepay hamuqmi ichaqa Chuya Espirituwan hinaspa ninawan bautizasunkichik. Payqa ñoqamantapas aswan atiyniyuqmi, chaymi usutanpa watullantapas mana paskaq hinachu kani.

Huchaykichikmanta wanakusqaykichikta kawsaynikichikpi qawachikuychik. Amayá niychikchu: “Ñoqaykuqa Abrahampa mirayninmi kaniku”, nispaqa. Cheqaptapunim nikichik ¡Diosqa munaspanqa kay rumikunamantapas Abrahampa miraynintaqa hatarirachinmanmi!

Hachaqa chayllam kachkan sachakunata sapinmanta kuchunapaq. Mana ruruq sachaqa sapinmanta kuchusqa kaspam ninaman wischusqa kanqa, nispa.

Kaykunaqa pasakurqa profeta Isaiaspa qellqasqanman hinam. Paymi qellqarqa: Huk qayakuymi purunpi uyarikun: “Señorpa ñanninta allichaychik, purinan ñanta derechaychik. Llapa wayqokunata allpawan huntachiychik, orqokunatawan moqokunatapas pampayachiychik, qenqo ñankunata derechaychik, qachqa ñankunatapas limpiaychik. Lliw runam Diospa salvacionninta rikunqaku”, nispa.