Matayo 17
17
Ohukaluuhanisibwa hw'efwaani ya Yesu
(Mrk 9:2)
1Mani luunyuma lw'endaalo chisaasaba, Yesu yabukula Petero neende Yakobbo neende Yowaana mwaanang'ina, yaachia nabo hu lugulu luleeyi, baaba eyo boong'ene. 2Mani Yesu yaakaluuhanisibwa efwaani yae nibabona. Obweeni bwae bwamesamesana koti elyuuba, haandi engubo chae chaalafuya chaamilamilana. 3Abweene ao, Musa neende Elija beecha baababonehera nibali ohulomaloma nae. 4Petero yeemao yaaboolera Yesu ati, “Omwaami, silai muno ohuba ano; noojama, njia ohwoombaha ano ebikaali bidatu, silala esyao, esiindi esya Musa, haandi esiindi esya Elija.”
5 #
Huc 22:2; Sab 2:7; Yis 42:1; Mat 3:17; 12:18; Mrk 1:11; Luk 3:22;
Amal 18:15. #2 Pet 1:17,18. Niyali naasilomalomaanga, esireesi sing'enaang'ena syeecha syaabeebodoohania, mani ekono lyawuliirihanira mu sireesi omwo niliboola liti, “Wuno niye Omwaana waange mukoosi, #17:5 waange mukoosi. Oba Omwaana waange mweene, Oba oyo Omuheerwa ohiramo ohuusaangaasa; mumuwulire.”
6Nae abeeki nibawulira sino, obuti bwabadiira muno beehubba aasi mafumaame. 7Nae Yesu yabadiiraho yaaboola ati, “Musiingire, mutatya.” 8Nae nibatingaala aakulu, abulao omuundu wuundi yi babonaho ao, ohutusaho Yesu yeeng'ene.
9Nibali nibeeha ohutula hu lugulu, Yesu yabalagira ati, “Mutabooleraho omuundu yeesi bi muboneheerwe, ohwoola lu Omwaana w'Omuundu yahasyuuhire mu bafu.”
10 #
Mal 4:5. Nae abeeki bae abo bamuteeba bati, “Lwasiina abeekesa b'Amalako baboola bati, Elija ahoyere ohukobola mberi?”
11Yesu yakobolamo ati, “Ohuboola obwadyeeri bweene Elija ahoyere ohwiicha, haandi ali neende ohutereesa buli siindu syoosi; 12#Mat 11:14. nae mbaboolera endi, Elija yamala ohwiicha, ohutusaho abaandu haba sibamumanyirisa, mani sakira bamusaandya koti lu badaha. Mani mu ngeri nasilala eyo niyo yi Omwaana w'Omuundu achia ohusaandisirwa mu mahono kaabwe.”
13Nibawulira batyo, abeeki beemao baamanya bati yali ali ohulomaloma hu Yowaana Omubaatiisi.
Yesu awonia omusyaani oliho omusaambwa
(Mrk 9:14-29; Luk 9:37-43a)
14Mani niboola eyiri esidiiyiha sy'abaandu, omusaacha wuundi yeecha eyiri Yesu, yaasigama mu moni wae, 15mani yaaboola ati, “Omwaami, kwiiraho omwaana waange esisa, olwohuba afwiichaanga endulume, haandi achuunisibwa muno; oluundi yimukwiisa mu muliro, haandi oluundi mu maachi. 16Luliwo lu ndamuleeta eyiri abeeki bao, nae haba sibanyala ohumuwonia.”
17Yesu nae yakobolamo ati, “Poo, eng'we oluse lubi luwuma efukiirira, ndahabe naang'we ohwoola liina? Ndahabeesimiriise ohwoola liina? Mumundeetere ano.” 18Yesu yeemao yaahabuhira omusaambwa okwo, kwaamutulamo, mani ohutula esiha esyo, omusyaani oyo yaawona.
19Nae abeeki beecha eyiri Yesu mu bweekisi baamuteeba bati, “Lwasiina, efwe sihunyalire ohwiirusa omusaambwa okwo?”
20 #
Mat 21:21; Mrk 11:23; 1 Kor 13:2. Yesu yababoolera ati, “Olwohuba muli neende efukiirira ndiidi. Mbaboolera obwadyeeri endi, muba muli neende efukiirira yaakana koti olumwo lw'omutuumba, mwahaboolere olugulu luno muti, ‘Tula ano ochie era,’ mani lwaatulao; haandi abulao esiindu syoosi esiba sinabahaya ohuhola.” 21#17:21 “Nae omusaambwa kw'engeri yino, sikunyala hwiiruswa hu muundu, n'otekongooyere Nasaae alala neende ohusiiba:” Ebyandiiko bihuluundu bihale biindi biingisa ano olunyiriri lwa 21.
Yesu alomaloma hu hufwa hwae haandi
(Mrk 9:30-32; Luk 9:43b-45)
22Mani abeeki nibali nibebuusiire #17:22 nibebuusiire: Ebyandiiko bihuluundu bihale biindi bisoma biti, nibamenya mu Galilaaya, Yesu yababoolera ati, “Omwaana w'Omuundu achia ohudiiswa mu mahono k'abaandu, 23mani bachia ohumwiita, nae hu ludaalo lwohudatu achia ohusyuuha.” Sino syabamalamo omwooyo muno.
Ohutooya omusolo kw'Enyuumba ya Nasaae
24 #
Hut 30:13; 38:26. Nae niboola mu Kaperanaumu, abatoosa b'omusolo kw'Enyuumba ya Nasaae, beecha eyiri Petero baamuteeba bati, “Mani omweekesa weeng'we, atooyaangaho omusolo?”
25Petero yakobolamo ati, “Eee.” Mani Petero naakaluuhe engo, Yesu yataangira ohulomaloma nae, n'aboola ati, “Simooni, naawe obaasaho otye? Abatuki b'esyaalo, basolosaanga emisolo ohutula hu baandu siina? Hu beene syaalo, kose hu baandu baandi?”
26Petero yakaluhamo ati, “Hu baandu baandi.” Yesu nae yamuboolera ati, “Mbao hane abeene syaalo balehuule. 27Nae obutanyoolesa abaandu bano, chia mu nyaanja oteke elobo. Mani obukule eng'eeni yoonataangira ohuloba, oyaasamye omunwa kwayo, ochia ohunyoolamo eseende, mani ochibukule ochie otooyere omusolo kwaange neende okwao.”
Currently Selected:
Matayo 17: SAMIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
