Matayo 11

Bawamwaanda batula eyiri Yowaana Omubaatiisi

(Luk 7:18-35)

1Nae Yesu niyamala ohulagira abaloondi bae ehumi-na-babiri atyo, yatula ao yaachia ohweekesa neende ohuyaala Emboosi Ndai mu biko byaabwe.

2Nae Yowaana ni yawuliirira mu jeela ebiindu bi Kristo yali naahola, yatuma abeeki bae ohuchia eyiri Yesu 3ohumuteeba bati, “Niiwe oyo yi baboola bati yaheeche, kose huliinde owuundi?” 4Nae Yesu yabakobolamo ati, “Muchie muboolere Yowaana bi muwulira, neende bi mubona; 5#Yis 35:5,6; Yis 61:1.abawofu, babona; haandi abalema, bakeenda; abebigeenge baamulwaho; abadiimbe bawulira; abafu balamuha; haandi abamanani bosi bayaalirwa Emboosi Ndai. 6Mani ali neende ehabi oyo owutaandekanakanaho mu mwooyo.”

7Mani abaloondi ba Yowaana nibasiingira ohuwaao, Yesu yachaaka ohulomaloma neende abaandu ebidiira hu Yowaana n'aboola ati: “Eng'we mwachia mu siparara ohubona siina syeene? Ekada li muyaka kuwuucha nilidengaana? 8Nae lwasiina mwachia erwaanyi? Ohubona omuundu wefwaalire engubo ching'enaang'ena? Bone abo abefwaala engubo ch'engeri eyo, banyoolehanaanga mu madooho k'abatuki. 9Nae bulaanu eng'we mwachia ohubona siina? Ohubona omunabbi? #11:9 mwachia ohubona siina? Ohubona omunabbi?: Ebyandiiko bihuluundu bihale biindi bisoma biti, siina syeene si mwachia ohubona? Omunabbi?. Eee, mbaboolera endi, nae oyo niye ohiraho omunabbi. 10#Mal 3:1.Olwohuba, oyo niye yi baandiikaho bati: ‘Boneho, mbao nduma wamwaanda waange mu moni wao, ochia ohuhutereesera engira.’ 11Mbaboolera obwadyeeri endi, mu baandu beebulwa neende abahasi boosi, ataabahoo owuhira Yowaana Omubaatiisi; Nae kata katyo, oyo owuhiramo obudiidi mu bwaami bwo Muukulu, amuhira oluyaali. 12#Luk 16:16.Ohutula mu ndaalo cha Yowaana Omubaatiisi, ohwoola bulaanu buti, Obwaami bwo Muukulu bunyoolehanaanga ohubitira mu maani, #11:12 ohubitira mu maani: Oba bwiichaanga ohubitira mu amaani. haandi abaandu b'amaani maangi nibo ababwiingiraangamo sirifu. 13Olwohuba, abanabbi boosi, neende amalako ka Musa koosi, kalomaloma hu bwaami bwo Muukulu ohwoolera elalira hu Yowaana Omubaatiisi; 14#Mal 4:5; Mat 17:10-13; Mrk 9:11-13.nae nikali mbwe muli abeetekefu ohusifukiirira, manye enyaanga yino muti niye Elija owali wohwiicha. 15Oyo yeesi oli neende amatwi kawulira, #11:15 kawulira: Ebyandiiko bihuluundu bihale biindi bileha erwaanyi, ‘kawulira’. leha awulire ako. 16Nae abaandu b'endaalo chino ndahabakeraania neende siina syeene? Bali koti abaana bayere abehaale mu siito nibalaanga abasyaabwe bati,

17‘Hwaboobbera elere lisaangasa, nae mwaahaya ohuhina;

haandi hwabeembera olweembo lw'amasika, nae mwaahaya ohulira.’

18“Olwohuba Yowaana yeecha naatalia haandi naatang'wa, nae baaboola bati, ‘Wuno aliho omusaambwa.’ 19Nae Omwaana w'Omuundu niyeecha naalya haandi naang'wa, baboola bati, ‘Boneho, ow'okuliira, omumeesi, haandi omwiicha w'abatoosa b'emisolo neende abahola-mbi wuno!’ Nae obwadyeeri bw'amakesi ka Nasaae buboneheeraanga mu biholwa bikatulamo.” #11:19 biholwa bikatulamo: Ebyandiiko bihuluundu bihale biindi bisoma biti, baana (Luk 7:35)

Ebiko byali nibyahaya ohweyolobia

(Luk 10:13-15)

20Yesu yachaaka ohwoolobya ebyaalo bi yali naaholeremo eby'amayia biingi; olwohuba byali nibyahaya ohweeyolobya ebibi byabyo, n'aboola ati, 21#Yis 23:1-18; Esek 26:1—28:26; Yoel 3:4-8; Amos 1:9,10; Sak 9:2-4. “Chihwaakaanire, ewe Korasiini! Kata ewe Bbetisaida wesi chihwaakaanire! Olwohuba eby'amayia byeehola ebyo biba byeeholera mu Tiiro neende Sidoni, abaandu babyo baba beefunaka hale, nibefwaala amagunia, alala neende ohweebaha ekohe. 22Nae mbaboolera endi oludaalo lw'ohuheengeraho emisaango nilwahoole, Tiiro neende Sidoni byahaleherwemo ohuhira eng'we! 23#Yis 14:13-15; Huc 19:24-28. Nae ewe Kaperanaumu, waheniinie ohwoola hu kulu? Ochia ohwiiswa aasi ohwoola mu syaalo sy'abafu. Olwohuba eby'amayia byeehola ebyo biba byeeholera mu Sodomu, siba nisisisiiriwo ohwoola buti. 24#Mat 10:15; Luk 10:12. Nae mbaboolera endi, hu ludaalo lw'ohuheengeraho emisaango, esinyaaso sya Sodomu syahabeeho esidiidi ohuhira esyao.”

Mwiiche yi ndi muwuluuhe

(Luk 10:21-22)

25Esiha esyo, Yesu yalomaloma n'aboola ati, “Ewe Laata, Omwaami w'Ekulu neende esyaalo, hweebasa muno olwohuba wakisa ebiindu bino ohutula hu bakesi neende abasomi, nae waabibwiihulira abaloonga. 26Eee, Laata, sino nisyo esy'oluyaali luhoongo si wadaha syeeholehe. #11:26 Oba mani sino nisyo esyali nisihusaangaasa muno 27#Yow 3:35; Yow 1:18; 10:15. Laata yamala ohuumberesa ebiindu byoosi haandi abulao omuundu omanyire Omwaana ohutusaho Simwaana, haandi abulao omuundu omanyire Simwaana muundu ohutusaho Omwaana wae alala neende oyo yi mwaana aheengao ohumubwiihulira. 28Mwiiche yi ndi, eng'we mweesi abajoong'ere haandi abasidoyerwa, mani njia ohubawuluusa. 29#Yer 6:16.Mwedwiihe ekoombo lyaange, haandi munjekereho, olwohuba ese ndi omudiira kaala haandi omuloonga mu mwooyo; mani mwahanyoole yi muwuluusira emyooyo kyeeng'we. 30Olwohuba ekoombo lyaange, lyaangu, haandi omukaangi kwaange, haba si musito.”

Currently Selected:

Matayo 11: SAMIA

Highlight

Copy