Matayo 10

Yesu alobola abatume ehumi-na-babiri

(Mrk 3:13-19; Luk 6:12-16)

1Yesu yalaanga abeeki bae ehumi-na-babiri mani yaababeresa amaani k'ohwiirusa ebihyeeno, neende ohuwonia obuchuuni bwoosi alala neende amalwaae koosi. 2Ameeta k'Abatume ehumi-na-babiri niko kano: Owaamberi niye, Simooni olaangwa Petero, neende Anderea mwaanang'ina; Yakobbo omwaana wa Sebbedaayo, neende Yowaana mwaanang'ina; 3Filipo neende Bbatolomeo; Tomasi neende Matayo omutoosa w'emisolo; Yakobbo omwaana wa Alifaayo, neende Tadeo; 4Simooni Omukanani, neende Yuda Yisikarioti, owamuhoba.

Omulimo kw'abatume ehumi-na-babiri

(Mrk 6:7-13; Luk 9:1-6)

5Bano nibo ehumi-na-babiri ba Yesu yatuma naabalabula ati; “Mutachichaanga mu byaalo by'Abateende, haandi muteengiraanga mu biko by'Abasamaria. 6Ohumalaho muchicheenge eyiri amakoondi kakota k'enyuumba ya Yisiraeli. 7Nae nimuchia, muyaaleenge nimuboola muti: ‘Obwaami bwo Muukulu buli aambi.’ 8Muwonie abalwaae, musiingise abafu, mulabye ab'ebigeenge, mwiiruse emisaambwa. Mbao munyoolere amaani buhaya, sakira mukaberesanie buhaya. 9Mutakiingaho esaabbu, kata efeesa, kata sa omugasa muu sibiro cheeng'we, 10#1 Kor 9:14; 1 Tim 5:18.mutakiingaho emifuuko ky'ohusuma hu lukeendo lweeng'we luno, kata engubo chibiri kata ebiraato, oba kata sa omudiiro; olwohuba omuhalaabani ahoyera omukabo kwae. 11Nae mu buli siko oba olukoongo lu muneengireengemo, muteebereseenge yi omuundu mulai olihoomo yi ali, mani mumenyaanga nae ohwoola lu muweerao. 12Nimwiingira mu nyuumba y'omuundu, muheseenge abalimo muti ‘Omuleembe kube naang'we.’ 13Enyuumba eyo niyihoyerwa, muleheenge omuleembe kweeng'we kuyibaaho; nae niyitahoyerwa, muleheenge ehabi cheeng'we chibakaluhira. 14#Biho 13:51.Nae omuundu yeesi naatabaakaanira, oba yaahaya ohutekeeresa emboosi cheeng'we, nimuba nimutula mu nyuumba omwo, kata mu siko esyo, muhuhumulireengemo olufu lwohu makulu keeng'we. 15#Mat 11:24; Huc 19:24-28. #Luk 10:4-12. Mbaboolera obwadyeeri endi, hu ludaalo lw'ohuheengerwa omusaango, biba byahachiire bubi esiko esyo ohuhiraho esyaalo sya Sodomu neende Gomora.

Yesu alabula abatume bae hu husaanda huchia ohuboolaho

(Mrk 13:9-13; Luk 21:12-17)

16 # Luk 10:3. “Mani mubone! Mbao mbatuma koti amakoondi akatikaati w'amabbwe; mubeecheenge abakesikesi koti enjuha haandi abaloonga koti amaguugu. 17#Mrk 13:9-11; Luk 12:11,12; 21:12-15. Mweliinde olwohuba abaandu bachia ohubadiiraanga, babayira mu siina syohuheengeramo emisaango, haandi bachia ohubahuyiraanga mu Sinagoogi chaabwe. 18Bachia ohubahweesaanga babayira eyiri abatuki neende abaami baabwe hulwaange, mani mutusa obuloli bwaange mu moni waabwe neende ewa Bateende. 19Nae niwiichuhana baabayira mu siina si baheengeramo emisaango, muteelalihiraanga muti hunaalomalome hutye, kata muti hunaboole siina. Olwohuba muchia ohubereswaanga esy'ohulomaloma. 20Olwohuba emboosi chi muchia ohulomalomaanga ebiha ebyo haba sichinabeechaanga echeeng'we, nae chichia ohutulaanga eyiri Mwooyo wa Seeng'we ochia ohubalomalomeraangamo. 21#Mrk 13:12; Luk 21:16.Mwaanaang'ina muundu mweene niye owahatuleengeho olukwe lw'ohumwiita; haandi laatang'ene muundu yesi yahatuleengeho olukwe lw'ohwiita abaana bae; kata abaana bosi bahahayuheenge hu beebusi baabwe, ohwahatuleengemo ohubeeta. 22#Mat 24:9; Mrk 13:13; Luk 21:17; Mat 24:13; Mrk 13:13. Buli muundu yahabasyuuleenge hulwaange. Nae owahesimiirise ohwoola hu njakamo, niye owahawone. 23Nibabakiiya ohubahuya mu siko silala, mwiiruheenge muchia mu siindi. Mbaboolera obwadyeeri endi, Omwaana w'Omuundu yaheeche nimutaaswaania emirimo kyeeng'we mu biko bya Yisiraeli byoosi.

24 # Luk 6:40; Yow 13:16; 15:20. “Abulao omweeki ohira omweekesa wae oluyaali; haandi abulao omuhalaabani #10:24 omuhalaabani: Oba omuhosi. ohira omuhoongo wae oluyaali. 25#Mat 9:34; 12:24; Mrk 3:22; Luk 11:15. Omweeki mulai ahoyere afwaanane neende omweekesa wae, haandi omuhalaabani #10:25 omuhalaabani: Oba omuhosi. mulai yesi ahoyere ohufwaanana neende omuhoongo wae. Nikali mbwe Omweenengo mweene alaangirwe ati Bbelisebbuuli, nae abomu daala lyae sibaba bahanyekwe ebibi ohuhirahoo!

Oyo ohoyere ohutiibwa

(Luk 12:2-7)

26 # Mrk 4:22; Luk 8:17. “Mani mutabatichaanga. Sibulao esiindu syakiswa esitahabonehe, haandi sibulao esyaama syoosi esitahamanyihane. 27Bi mbaboolera mu bweekisi, mubituumbuleenge alafu. Haandi bi muwulira mu syaama mubituumbuleenge biwuliirihanira alafu. 28Haandi mutatichaanga abo abeeta sa omubiri nae baahaywa ohwiita obulamu; ohumalaho muticheenge oyo onyala ohusihirisira obulamu neende omubiri, mu nyaanja y'omuliro kutasima. #10:28 mu nyaanja y'omuliro kutasima: Mu Lugiriki bati Geyena. 29Obbiichu-bbiichu tubiri situkulwaanga ehela ndala yoong'ene? Nae, halala hu otwo sihanyala haakwa aasi Seeng'we naataamanyire. 30Kata efwiiri lyohu mitwe kyeeng'we lyosi lyamala ohubalwa. 31Sakira mutatichaanga, olwohuba eng'we muli ab'obuhoonyi buungi muno ohuhira obbiichu-bbiichu.

Ohweeyama neende ohweekaana Kristo

(Luk 12:8,9)

32“Buli muundu owundeeyama mu lwichuule lw'abaandu ati ali omuloondi waange, syesi mba njia ohumweeyama endi waange mu moni wa Laata oli Muukulu. 33#2 Tim 2:12. Nae oyo yeesi owundeekaana mu moni w'abaandu, syesi mba njia ohumweekaana mu moni wa Laata oli Muukulu.

Yesu siyaleeta esangaalo nae yaleeta obulekani

(Luk 12:51-53; 14:26-27)

34“Mutabaasa muti ndeecha ohuleeta omuleembe hu syaalo; sindeecha ohuleeta omuleembe ohutusaho ndeecha ohuleeta obulekani. 35#Mik 7:6. Ndeecha ohukabuhania omwaana musyaani neende laatang'ene, haandi muhoomwaana neende masaalaang'ene; 36nae abasuku b'omuundu bahabeecheenge abomu nyuumba yae yeene. 37Oyo oheera laatang'ene kata ng'ina ohuhira ese, haba saaba ahoyera ohuba omuloondi waange; haandi oyo yesi oheera abaana bae ohuhira ese, saaba ahoyera ohuba omuloondi waange. 38#Mat 16:24; Mrk 8:34; Luk 9:23. Haandi oyo yeesi otakiinga omusalabba kwae mani yaanoonda, saaba ahoyera ohuba omuloondi waange. 39#Mat 16:25; Mrk 8:35; Luk 9:24; 17:33; Yow 12:25.Omuundu yeesi owuteemaho ohuwonia obulamu bwae hulwae omweene, achia ohubufwiirwa; nae oyo okosya obulamu bwae hulwaange, aba achia ohubuwonia.

Emikabo

(Mrk 9:41)

40 # Luk 10:16; Yow 13:20; Mrk 9:37; Luk 9:48. “Oyo yeesi obaakaanira aba yanjakaaniire; haandi oyo yeesi owunjakaanira haba s'aba yanjakaaniire sa syeeng'ene, nae aba yaakaaniire neende oyo owaanduma. 41Oyo yeesi owaakaanira omunabbi wa Nasaae olwohuba mbwe munabbi niye, yahakabane hu mukabo kw'omunabbi wa Nasaae oyo, haandi oyo owaakaanira omuundu mwoolerefu olwohuba mbwe mwoolerefu niye, yahakabane hu mukabo kw'omuundu mwoolerefu oyo. 42Haandi, oyo yeesi oberesa mulala hu baana bayere bano amaachi manyifu k'ohung'wa, olwohuba mbwe baloondi baange nibo, mbaboolera obwadyeeri endi siyahafwiirwe omukabo kwae.”

Currently Selected:

Matayo 10: SAMIA

Highlight

Copy