Luka EMANYISA
EMANYISA
Emboosi Ndai ya Yesu Kristo koti lu Luka yandiika, yekesa koti Yesu ali Omuwonia walakwa owa Yisiraeli haandi Omuwonia w'abaandu boosi. Luka yandiika n'aboola ati, Yesu yalaangwa neende Mwooyo w'Omwaami, “ohuleetera abamanani emboosi ndai” (4:18), haandi Emboosi Ndai yino yeechulamo ebiindu biingi ebidiira hu baandu bali neende ebidinyu bitaali nasilala. Luka haandi yekesa esangaalo, niyaandiika Emboosi Ndai yino, bino bibonehera elalira mu suula chitaangira (5) mu sitabo syae, echilaangirira ohwiicha hwa Yesu. Luka haandi yemeeda ohweekesa esangaalo niyekalao esitabo sino, naalomaloma hu huniina hwa Yesu Muukulu. Nae ebidiira hu huhula alala neende ohusalaana hw'Efukiirira y'Esikristo Yesu n'amalire ohuniina Muukulu yosi yilomalomwaho neende omwandiiki mweene wuno mu sitabo sy'Ebiholwa by'Abatume.
Mu sitabo sino, mulimo ebituundu bihuluundu bibiri (Esuula 1-2 neende 9-19) ebirimo ebiindu biingi ebinyoolehana mu Mboosi Ndai yino yoong'ene, koti ebidiira hu lweembo lwa bamalaika, neende ohukeniya hw'abaayi Yesu niyebuulwe, Yesu naali mu Nyuumba ya Nasaae n'asisiiri omuraaga, neende engaado ch'Omusamaria mulai neende Omusyaani yali yakota. Nae mu Mboosi Ndai yino yoosi, Luka ata esira liingi muno hu husaba, hu Mwooyo Mwoolerefu, obuhoonyi bw'abahasi mu mulimo kwa Yesu, alala neende engeri yi Nasaae aleheramo ebyonoono.
Ebiri mu sitabo sino mu bwiimbikiti
1. Emanyisa 1:1-4
2. Ohwiibulwa neende obuyere bwa Yowaana Omubatiisi neende obwa Yesu 1:5—2:52.
3. Omulimo kwa Yowaana Mubatiisi 1:1-20.
4. Ohubatiiswa neende ohuteemwa hwa Yesu 3:21—4:13
5. Omulimo kwa Yesu mu baandu Galilaaya 4:14—4:13
6. Ohutula Galilaaya ohuchia Yerusalemu 9:51—19:27
7. Ejuma yimaliirihayo Yesu ohuba mu Yerusalemu neende aambi wasyo 19:28—23:56
8. Ohusyuuha, ohubonehera, neende ohuniina Muukulu hw'Omwaami 24:1-53.
Currently Selected:
Luka EMANYISA: SAMIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019