luka 2

yayo 'o iesu

(matai 1:18-25)

1ne mio, 'o honte to looma 'aukusutu. mo epeaski ho mashʉyʉ, te acʉha tposi na ongko no macocono emoo ta isi sko'pʉ'pʉya ta hpʉhpʉngʉ ta looma. 2na'e ohola ahoza tposi na ongko no macocono emoo. inemoso la sootoku ne siliya 'o kulenio. 3mo acʉhʉ maine'e to iachi emooana ho tposi na ongko.

4mo maezo i'mi to hosa to nazalo ne ngalilaya 'o yosefu ho emo'usnu ne yutaya, cu esmi to hosa to tavite, la yainca veculehemu; maica mo'so tma'usnu to suezopʉ to tavite 'o yosefu, 5te iepoepohʉ tmopsʉ no ongko 'o tesi vcongʉ ci maliya. mohcu mahmahafo 'o maliya ne mio, 6nemo seolʉa no yone veculehemu, cu mic'ʉhi 'o hiesi no yayo 'o oko to maliya, 7peyafa 'o pehoza ci okosi, isi cfua to yʉteʉ, siya to teohku no 'uma, maica ho uk'a ci isi peelʉi poa yoneni to toosva.

tensi ho i'o lepocengi moatʉ'nʉ

8to yafana ne veculehemu, piyo cila lepocengi moatʉ'nʉ mo nohi'u, yupaasuski pocengi to moatʉ'nʉ. 9mo aopa'to 'o tensi to nooe'oca; 'o psoevohngʉ to nooe'oca isi akuyungva psoetiskovi 'o lepocengi moatʉ'nʉ, micu acʉhʉ na'no ma'sasmoyo. 10at'inghi isi mi'usni to tensi ho yainca: <'ote smoyo! panto te'o eʉsvʉta muu ci mo ʉmnʉ ci e'e; 'e e'e eni tesi hafneni no meoino kokaekaebʉ 'e yatatiskova. 11maitan'e, ta 'ayumona ta hosa to tavite, 'o leto'usnumu - nooe'oca kilisto micu yayo! 12temu aiti 'o cihi ci oko, isi cfua to yʉteʉ ho oevoi to teohku no 'uma; 'aeno ic'o nate poa humzeni muu.>

13akameosʉ, panto botngonʉ ci heetai ne pepe nʉthʉ 'o tensi ho yuyafo, tohmomoengʉ to hamo ho yainca:

14na psoevohngʉ te ta'usna to sopepea ci hamo!

na moususeomʉ te ta'usna ta isi ʉm'ʉmnʉa ci cou ta ceoa!

15ne micu mongoi 'o tensi ho yuovei ne pepe, mo yupa mainca 'o lepocengi moatʉ'nʉ: <teto na'a yʉmeʉmʉ to hosa ne veculehemu, aiti 'o isi eʉsvʉta a'to to nooe'oca ci micu yuyafo ci hi'hioa.>

16micu 'aumeumeusu ho emo'usnu maita'e, elʉa 'o maliya, yosefu, ho i'omo oevoi to teohku no 'uma ci foinana. 17ataveisi ne ihecu aiti to lepocengi moatʉ'nʉ, ihecu eʉsvʉta tomo botngonʉ 'o ohe psoecʉ'ha to tensi ci a'a'ausna to oko. 18'o mo tmac'ʉhʉ to e'e to lepocengi moatʉ'nʉ mo acʉhʉ na'no yamci. 19'o maliya isi siya to 'tohʉngʉsi 'e acʉcʉhʉ ci a'a'ausna eni, ho ta'vavoveiya ta'to'tohʉngva. 20cu emoovei 'o lepocengi moatʉ'nʉ, nomio ta ihe talʉi ho aiti ci hi'hioa ho tohmomoengʉ to hamo, maica ho mo aʉlʉ totiski to ihe eʉsvʉta to tensi 'e mo esmi ci hi'hioa.

tos'ongki ho poa iesu

21ataveisi no miveohi, sʉc'ʉhʉ 'o hiesi no mees'ehonga to oko, cu tos'ongki ho poa iesu; 'e ongko eni ohsi la tos'ongkeni to tensi ne o'amocu moso ngho'ʉ.

sʉ'teni to hamo

22maito h'oesvʉta to hoolicu to moose, ataveisi no noc'ʉhi 'o hiesi no acocofkoya, hafa to yosefu 'o maliya ho i'o oko ho uhne 'elusalemu, tehe sʉ'teni to nooe'oca 'o oko. 23na eni isi poa fiho to hia tmopsʉ to hoolicu: <'e isi pehoza ci oko no hahocngʉ te acʉha sʉ'teni to nooe'oca.> 24tehe yaeza fihi 'o isi esvʉta to hoolicu, mofi tomo yuso ci puau ho yuso ci oko no hofoyu ho teyai sʉ'ta.

25ne mio, ta 'elusalemu panto cihi ci cou, zou siimen 'o ongkosi. la einu to hamo ci coumoulʉlʉ, conino tongsoyʉ hoci peelʉi to'usni 'e 'isolaelu. lasi conino no'upi to seilei; 26isi paavi to seilei 'e 'tohʉngʉsi, cohivi ho o'amocu te mongoi ta tiskova tesi toc'ʉha 'o ohsila teomneni to nooe'oca ci kilisto. 27i'mi no poot'ova to seilei, mo uhto seiten. ne mio, ihe aʉla pahsaha to maameoisi 'o iesu ho yʉmeʉmʉ, tehe peis'ofeihni 'o isi esvʉta to hoolicu ci hi'hioa. 28isi pahsaha to siimen 'o oko. tohmomoengʉ to hamo ho mainca:

29nooe'oca, oskocu peiseafi 'e ohsu la teomneni;

maitan'e tekocu poa soanono ho maine'e 'e soskuskunusu.

30os'ocu aʉla huceoevi 'e to'usnusu,

31'ai'e oskoeno ayocneni ta yatatiskova:

32tena tiskova no maavo ta couyafana,

tenala psoevohngʉ ta 'o'okosu ci 'isolaelu.

33ihe tayamceni ta maameoi ta oko 'o isi engha to siimen cimo natʉ'ca ta oko ci hi'hioa. 34isi tooyokeoi to siimen, a'vinano mi'usnu to ino to oko maliya ho yainca: <'e oko eni isi epeiya to hamo, tesi poa botngonʉ ci cou ta 'isolaelu te meaapayo'ʉ, botngonʉ nate noa to'usni. tehe yaeza mi'usni ho eayaezoya tamo botngonʉ ci cou, 35te i'mizi no eceofi na mʉ'eona no 'tohʉngʉ tamo maica ci cou. na nac'o te mais'a feofeo ci poyave ho hopaezumi na 'tohʉngʉsu.>

36panto cihi ci eyongensa no mamespingi, zou 'anna 'o ongkosi, zou oko no mamespingi to faneili ci suezopʉ to 'aso. micu na'no mameoi, moso la mevcongʉ, toptuha ho mosola noepohʉ 'o vcongʉsi, 37ataveisi mohcula tuvcongʉ, micu tomvoevʉha uspotʉ maitan'e#<ataveisi mohcula tuvcongʉ, micu tomvoevʉha uspotʉ maitan'e> hocieno yainca <homo noachi micu tomvoevʉha uspotʉ>.. o'amoso la ahtu mongoi to seiten. huhucmasi m'ohkuyu to hamo, tanzi, ho 'inoli. 38tuhcusi ne mio, mo maezo esmi, tohmomoengʉ to hamo, a'vinano mi'usnu tamo afu'u mooteo no to'usni no hamo ci yata 'elusalemu ho eʉsvʉsvʉta na a'a'ausna ta oko.

yuovei ne nazalo

39aepʉnga hioa to yosefu ho maliya 'o isi afu'a esvʉta to hoolicu ci nte hi'hioa, cu emomaine'e ne ngalilaya. yuovei to lahe anana'va 'oyona ci nazalo. 40ausuhcu yusasmoyʉskʉ 'o oko, yʉʉlʉlʉ ho moutʉs'ʉ; 'o mengumi to hamo lasi asngʉcva no'upi.

yonto seiten 'o oko iesu

41'o maameoi to iesu. la totovaha uhne 'elusalemu ho noʉyʉcʉ to meem'esa'o. 42ne moso tomaska ueso 'o iesu, maito la anana'va hioa ho toa meesi. 43aepʉngʉ meesi, cu emomaine'e, mamo ma'na'o ne 'elusalemu 'o iesu; o'a ihe cohivi to maameoisi, 44ihe ta'unano mo to'ofeihni tomo botngonʉ ci cou, cu aʉlʉ cono hie homo coeconʉ. ihecu ahoza i'ima to 'ayumona to 'oahngʉhe. 45o'a ihe elʉa, micu yuovei ne 'elusalemu ho i'ima. 46cu aamzo miteuhi, petohʉya elʉa to 'ayumona to seiten. mo seolʉa no sutaico to masesensei ta yutaya, la tmalʉ ho tuucocosʉ; 47'omo afu'u tmalʉ ci cou. mo acʉhʉ tmayamci to hiasi emau'to'tohʉngʉ ho yuutut'inghi. 48ihe aiti to maameoisi, mo na'no mau'no'na'o. isi mi'usni to inosi ho yainca: <oko, mainci osko yaica ci hia mi'usnu a'mi? si amosu ho a'o imia na'no ma'kuv'o, engongaboa ho i'ima suu!>

49yut'ingi 'o iesu: <mainci i'ima a'o? o'aimueno cohivi ho te'o anana'o yonta emoo to amo'u#<yonta emoo to amo'u> hocieno yainca <talʉa 'e lasi hioa to amo'u>.?> 50at'inghi o'aihe asansana na e'a'ausna ta e'esi.

51micu fiho to maameoisi 'o iesu ho maine'e ne nazalo, la aa'pucu meot'ʉt'ʉcʉ to maameoisi, 'o inosi isi acʉha angongohia ho siya ta 'tohʉngʉ 'e acʉcʉhʉ ci hi'hioa. 52'o feango ho moutʉs'ʉ to iesu. mo yuatatiski yusuhci, noa a'ʉmta angongohia to hamo ho ita cou.

Currently Selected:

luka 2: bsnfe

Highlight

Copy