yohane 5

yonto ecuu ne pisuta ho aotothomʉ to tma'congo

1ataveisi ta hioa tan'e, aʉlʉ hiesi no conci meesi to couyutaya, mo uhne 'elusalemu 'o iesu. 2ne 'elusalemu, to cum'usi to phingi moatʉ'nʉ panto coni ci ecuu, yainca to e'e no hevulu pisuta, mo mehaemo 'o ceonʉ to aaskitisi#<to cum'usi to phingi moatʉ'nʉ panto coni ci ecuu...mo mehaemo 'o ceonʉ to aaskitisi> hocieno yainca <ta cum'u ta ecuu moatʉ'nʉ,...to akuyungusi mo mehaemo 'o ceonʉ>.. 3to ceonʉ la botngonʉ 'ola oevoi ci mo tma'congo ci cou, to 'ayumonahe, pantomo bʉkngʉ, pi'o, meaupsu'hu.#panto piyo ci tposʉ noana'o isi topuhngi ta 4 secu <ihe totea 'o chumu to ecuu hocila aot'ou; maica lahe taa'uzva la apopae'ohsi lasi usa no tensi to hamo ho taot'ova 'e chumu, hola aot'ou 'o chumu, nete atva'esi auyu tma'fo'fo cimo tma'congo, 'upena hoci tma'congo no cuma, 'ate ahtuo'te yov'o.> 5to ic'o panto cihi ci cou micu aʉlʉ tomtueha uveo homo tma'congo. 6isi aiti to iesu mo oevoi, cohivi ho micu topioha homo tma'congo, cu tuocosi: <teko mici yov'o?>

7yut'ingi 'omo tma'congo: <sensei, hola aot'ou 'o chumu uk'a cila to'usnu a'o ho siya ta ecuu, totea ho ta'ucu mici tmofeʉ, lac'u yaa muyohe tmofeʉ.>

8mi'usni to iesu ho yainca: <yʉc'ʉ, hafa si hoposu hocu maine'e!> 9micu osni yov'o 'o cou ic'o, ec'ʉvi 'o sospoyasi hocu e'ohʉ.

moso aʉlʉ hiesi no 'ansokunici ne mio, 10ko'koeno 'o masoso'ehti to couyutaya ihe mi'usni 'omo yov'o ho yainca: <zou 'ansokunici maitan'e, o'amo emio no hoolicu ho osko ec'ʉvi si sospoyasu.>

11isi yainca: <isi eutotaveiya tomo aotothomʉ a'o: <<ec'ʉvi si sospoyasu ho e'ohʉ!>> >

12ihe tuocosi: <namo eucufnu suu ho ec'ʉvi si sospoyasu zou siya?>

13at'inghi i'o isi poa yov'o o'aisi cohivi zou siya; maica homo botngonʉ 'o cou to ic'o, a'vinano micu emootoefingʉ 'o iesu.

14ataveisi ta hioa tan'e, ohsi elʉa to 'ayumona to seiten to iesu, mi'usni ho yainca: <mikocu a'sʉftonʉ yov'o, 'otenas'a i'vaho peiskuisi, citekos'a elʉ note asuhcu meoisi ci teko meamzi.>

15ne mohcu mongoi 'o ic'o, isi eʉsvʉta to so'ehti to couyutaya, yainca 'ai'o iesu 'o mo poa yov'o a'o. 16ahoi ne mio, ihecu ahoza akuzkuzoa 'o iesu, maica homo aotothomʉ to tma'congo homo 'ansokunici. 17isi mi'usni to iesu ho yainca: <la asngʉcʉ yaahioa 'o amo'u, 'ante'oeno anana'o maica ho yaahioa.>

18'e e'e eni ihe i'mizi no h'unasa 'ucia opcoza to masoso'ehti to couyutaya 'o iesu; maica o'aisi anova af'oya 'o h'oesvʉta to 'ansokunici, a'vinano yainca 'o hamo zou amosi, poa bihmʉskʉ 'o hamo 'e iachisi.

tonʉ to oko

19acnguhu, isi mi'usni to iesu ho yainca: <te'o bumemeala eʉsvʉta muu, 'o oko hocic'o noe'ocʉ no iachi uk'a ci tesi peelʉi hioa; lasi aiti cuma na ohsi hioa to amosi, micu peis'ofeihni ho hioa. na isi hioa to amo, tesi yaeza hioa to oko. 20lasi ngohia to amo 'o oko, acʉha pa'cohivneni to oko 'o lasi afu'a hioa. isi pa'cohivneni ta oko 'o mo asuhcuhe meoisi ci hi'hioa, tesi akoeva no poa yamci na muu. 21isi yainenu to amo ho poa smoevovei 'o micu mcoi ci cou, pafi no nsou 'e cou; totiski 'o oko te maino iachisi 'tohʉngʉ ho pafi no nsou 'e cou. 22'o amo o'ate iachi yʉsvʉta ta cou; na tonʉ no yʉsvʉtʉ isi toveineni to oko. 23akoeva no poa einveni ta cou 'e oko, mais'a hola einva 'o amo. namo o'te einu to oko, 'amoeno o'te einu to mo popeosmuhnu to oko ci amo.

24<te'o bumemeala eʉsvʉta muu, namo tmalʉ ta e'e'u, ho taa'uzva 'omo popeosmuhnu a'o ci ic'o, panocu 'auesiesi nsou. te ac'ʉhʉ no o'ate topci no kuisi, micu yuyafo no mcoi ho yʉmeʉmʉ no yaansoua. 25te'o bumemeala eʉsvʉta muu, tec'u esmi 'e hiesi, 'acueno maitan'e, 'o mohcu mcoi te tmac'ʉhʉ to fihngau to oko to hamo; namo tmac'ʉhʉ te acʉhʉ yaa nsoua. 26aʉlʉ mais'a 'o amo zou i'toekui no nsou, tesi yaeza poa i'toekuneni no nsou 'e oko. 27tesi yaeza toveineni to oko na tonʉ no yʉsvʉtʉ, maica ho zou'so okocou. 28o'a temu tmayamci ta hi'hioa tan'e; maica ho tena esmi na hiesi, namo afu'u yono heuf'a ci cou te acʉhʉ tmac'ʉhʉ no fihngausi, 29a'vinano te i'mi to heuf'a ho yuyafo: nala peislʉlʉ, te smoevovei ho mayo no nsou; nala peiskuzkuzo, te smoevovei ho noa topci no kuisi.>

'akasineni 'o iesu

30<uk'a ci te'o peelʉi hioa hoci'u biftongʉ ta iachi; te'o maino 'tohʉngʉ to hamo ho yʉsvʉtʉ, na te'o hia yʉsvʉtʉ mo ahmʉskʉ; maica o'ami'o iachi no 'tohʉngʉ, os'oc'o hioa 'o 'tohʉngʉ tomo popeosmuhnu a'o ci ic'o.

31<honci'u 'akasi 'e iachi, o'ate peelʉi a'sʉftona taa'uzva 'e 'akasi'u. 32at'inghi, pantomo cihi tesi 'akasineni a'o, os'o cohivi 'o isi 'akasineni a'o mo acʉhʉ mou'ʉmtʉ. 33mohmu smuhnu to cou ho baito to yohane, talʉi ho isi 'akasi 'o so'emio. 34a'ʉmtʉsi, o'ate'o nama noa 'akasineni ta cou; ho os'o e'e eni te'o akoeva no poa elʉ no to'usnu muu. 35'o yohane mo mais'a conci tiskova ci lampu, temu akameosʉn'a mici tma'upu to tiskovasi. 36at'inghi te'o meelʉ tuyafo tamo asuhcuhe yaa tonʉ to yohane ci 'akasi, 'ai'ecueno hi'hioa'u. 'ai'o isieno toveineni a'o to amo'u ho poa aepʉngneni ci hi'hioa. 'e hi'hioa eni te peelʉicu 'akasi ho isi popeoskuna to amo a'o. 37i'o mo popeosmuhnu a'o ci amo isi yaeza 'akasineni a'o. o'amocu ohmula ahta aueva talʉi na fihngausi, uk'a mocu ci mosola baito no mi'ausnasi, 38o'a imu siya no 'tohʉngʉ 'o e'esi, maica ho o'aimu taa'uzva 'o isi skuna ci ic'o. 39lamu eceona tuop'opa 'e seiso, mainca no koyu tees'a meelʉ i'mi tan'e ho elʉa na 'auesiesi nsou; a'ʉmtʉsi 'e e'e ta seiso 'aisieno 'akasi a'o! 40at'inghi, mimu o'te mimho uso a'o ho biebimi no nsou.

41<o'ate'o noa tohmomoengʉneni ta cou. 42at'inghi os'ocu so'eusoya muu, ma'i mimu yaa himngonghi to hamo ci 'tohʉngʉ. 43mi'o boemi to ongko to amo'u ho cmʉ'ho. o'aimu tiova a'o; at'inghi. hoci yaa boemi no ongko ta cou ho esmi. lamu apuya tiova. 44lamu kaebʉ yupa tohmomoengʉ, o'alamu mici noa tohmomoengʉneni tomo i'mi to cihi ci hamo ho cmʉ'ho; maicac'o, mante mainenu ho cimu meelʉ tmaa'uzo? 45teav'a ta'unano te'o yonto tuhcu to amo'u ho ehpʉngneni muu; i'o tena ehpʉngʉ muu, 'a i'o lamueno conino mingeovi ci moose. 46hocimu a'ʉmta taa'uzva 'o moose, 'atemu ahtao'te taa'uzva a'o, maica ohsila tposi to tposʉsi 'e hi'hioa'u. 47ho o'aimueno taa'uzva 'o isi tposi to moose, mante mainenu ho cimu peelʉi taa'uzva 'e e'e'u?>

Currently Selected:

yohane 5: bsnfe

Highlight

Copy