ngalatea 1

1zou sitoo poolo a'o. ho mi'o sitoo o'amo i'mi ta cou namo epei, maezo o'amo i'mi ta cou namo popeosmuhnu, maisi popeoskuna to iesu kilisto ho ito moso himhohioa ho poa i'mi to mcoi ho smoevovei ci hamo. 2na a'o ho i'e mimza noteuyunu ci masisinto. tmopsʉ ta tengami ho faeni ta makikiokai ta ngalatea.

3'o amoto ci hamo ho nooe'oca iesu kilisto. tesi'so pafeni muu na mengumi ho soanonosi!

4'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi. 5na psoevohngʉ tma'unu'sio to hamo, ac'ʉhʉ no uk'a noca'cʉ'hi! 'aamen.

conic'o ci fukuin

6mi'o na'no yamci, cimimu aac'o na'no m'ozu mongoi ta isi ieni to mengumi to kilisto#panto piyo ci tposʉ noana'o uk'a ci <to kilisto>. ho itomo epei muu ci hamo, ho mee'ofeihni tomo h'unasi ci fukuin. 7na a'ʉmtʉsi, uk'a cimo h'unasi ci fukuin. homo maica 'e e'e'u, maica panomo uso muu ho 'afeo'fu'u, 'ucia aezuha 'e fukuin to kilisto. 8a'ʉmtʉsi, upena na siya, hocieno a'mi, hocieno i'mi ta pepe ci tensi, hoci mi'usnu muu ho epeaski nomo h'unasi ci fukuin. o'te totiski ta omzala psoecʉ'ha muu ne auyusi, nte tiou no patkuzoi! 9omzacula yainca, te'o i'vaha yainca: 'upena na siya, hoci mi'usnu muu ho psoyaski nomo h'unasi ci fukuin, ho o'te totiski ta ohmula tiova ne auyusi, nte tiou no patkuzoi!

10homo maica co e'e'u mi'o nana mici noa emomoengʉa ta cou? o'amo maica! mi'o mici noa emomoengʉa to hamo! mi'os'aeno mici m'eya ʉm'ʉmnʉa ta cou? hoci'un'a mici m'eya ʉm'ʉmnʉa ta cou, o'anas'a soskuskunu to kilisto a'o.

mainenu na hiasi meelʉ sitoo 'o poolo

11maanat'ohaesa, te'o poa cohivneni muu, i'e os'o psoyaska ci fukuin o'aisis'a ta'pangnʉ'va ta cou. 12o'ami'o i'mi no cou ho tiova 'e fukuin eni, o'amo'u h'unano noa pa'cohivi no mocmo ci cou, ma isi invonva mi'usni to iesu kilisto ho paavi a'o.

13'o nia peipeis'ausna'u ne mo'un'a tmaa'uzo to yutayakio, imu acʉha asansana. o'u 'aanana'veni akuzkuzoa 'o kiokai to hamo, pnanfi 'o tonʉ ho aapayo'a. 14to mimza yuansohʉ ci couyutaya, mi'o afnasohe meot'ʉt'ʉcʉ to 'ofifiha ta yutayakio, socuveua ci 'tohʉngʉ ho mee'ofeihni to ceoceona no 'omahsʉfta to nia maameoi.

15at'inghi, i'mi to mengumi to hamo, auyusi no o'amocu mo'u yayo, ohsicula epeiya a'o, eyoho'a a'o ho poa fifihoa. 16ne ohsicu esvʉta no mi'usneni a'o ho paavi 'o okosi, poa yonto couyafana ho epeaska 'omo natʉ'ca 'o fukuin to kilisto, o'amo'u ahtu mi'usnu no mocmo ho noa po'pa'cohivi, 17maezo o'amo'u ahtu uhne 'elusalemu ho biebimi to mosola auyuhe sitoo a'o ci cou, nama osni uhne 'alavia. ataveisi yuovei ne tamasuko. 18mohcu totueha, mo'ucu petohʉyʉ uhne 'elusalemu ho baito to petelo, mimaskiuemo no hie ne mo'u no'upu. 19tapeoha 'o ohaesa to nooe'oca ci yakovu, o'ami'o baito to mocmo ci sitoo.

20mo acʉhʉ eʉlʉ 'e e'e'u; isi cohivi to hamo, o'ala'u meknuyu.

21ataveisi, mo'u uhne siliya ho ito mauhpʉhpʉngʉ to 'ayumona ne cilicia. 22ne mio, o'amocu ohela honga to sinto to makikiokai ne yutayasoo na a'o. 23ohec'ola tamzi no mocmo ho lahe yainca: <i'o mosola akuzkuzo a'to ci cou, isi psoyaska maitan'e 'o ohsila 'ucia aapayo'a ci singkoo!> 24i'mitan'e, micu nomio a'o ho tohmomoengʉ to hamo.

Currently Selected:

ngalatea 1: bsnfe

Highlight

Copy