ngalatea euskoskopa
euskoskopa
ne mohcu psoecʉ'ho to o'a couyutaya 'o fukuin ho noa 'aveoveoneni tiova, ohecu ahoza toʉsvʉsvʉtneni ta kiokai ho yainca teenana 'ahʉyʉ noʉt'ʉcʉ to hoolicu to moose niantec'u meelʉ a'ʉmtʉ no kilistoto. isi yainca no koyu to poolo o'ate 'ahʉyʉ maica. isi esansana: hoci no'ayumonʉ to kilisto ho mayo no nsou tec'o i'tohungu no tmaa'uzo; i'mi no tmaa'uzo, niante meelʉ yupa naseolʉa na natʉ'ca to hamo. at'inghi, ne mio to ohe aʉt'ʉca to looma ci ko'azia panto conci ngalateasoo, to 'ayumona tomo piyo ci kiokai. pantomo yʉhcʉvho to 'tohʉngʉ to poolo. ihe yainca 'emo cihi ci cou te ahtao'te a'upa noyʉci 'o hoolicu to moose niante meelʉ yaa naseolʉa ci natʉ'ca 'o hamo.
na atuhcusi ho isi tposi to poolo 'e ngalatea soo tesi akoeva no esngʉcvi 'o singkoo to sinto cimo tiou to o'amo emio ci hia mahsʉsʉftʉ. isi aueva invonva ehcʉvheni na tonʉ nosi sitoo. isi emahtʉica homo sitoo isi eyoho'a to hamo, o'amo i'mi no tonʉ ta cou, a'vinano mo afnaso yaa h'onsova ta o'a couyutaya ci couyafana. acnguhu, isicu pateafa 'o atuhcusi 'tohʉngʉ. pahtuhci 'e cou teec'o ieni no tmaa'uzo niante a'ʉmtʉ mituhcu na natʉ'ca to hamo. sotavei, isi epnanfa to poolo: inac'o ieni no tmaa'uzo, niante mayo no a'ʉmtʉ ziu 'e cou, 'e ziu eni nte ieni no himngonghi ci peipeis'ausna ho peiseafi ta lato huhucmasa h'oyunsova.
etaica
1. ekayo (1:1-10)
2. na tonʉ to poolo homo sitoo (1:11-2:21)
3. mengumi to hamo ci fukuin (3:1-4:31)
4. ziu ta kilistoto ho inate sviei (5:1-6:10)
5. eepʉngʉ (6:11-18)
Currently Selected:
ngalatea euskoskopa: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014