ngalatea 2

poolo ho i'o mocmo ci sitoo

1ataveisi no tomaska uspotʉ, momza yuyuso 'o panapa ho yuovei ne 'elusalemu, a'vinano engocha 'o tito. 2ho mi'o uhta 'elusalemu mi'o fiho to hia maavo to nooe'oca; ne mi'oc'on'a iachi biebimi to masoso'ehti, os'o mi'usni ho eʉsvʉsvʉta na la'u psoyaska to couyafana ci fukuin. o'ala'u 'ucia poa peis'afeungu na o'ula hi'hioa ne auyusi ho i'ela'u hi'hioa maitan'e. 3'omo fiho a'o ci tito, e'vono zou coungilisia, yaeza o'aisis'a 'ahʉya poa tiou no s'e'honga. 4at'inghi pantomo mesisinto ci cou, aasoe tma'ayumonʉ ta kiokai, 'ucia poa tiou to s'e'honga; 'emo maica ci cou la mais'a supai ho oh'ayumonʉ, lahe huafeozi na imza yaa ci ziu ho mimza tmaa'uzo to kilisto iesu, lahe akoevano 'ucia tolei a'mi. 5at'inghi, akoevano 'ucia songacveni muu na so'emio ta fukuin, o'aimza ake'a peteozva 'emo maica ci cou.

6at'inghi, i'o lahe ta'unano mo yaa ongko ci masoso'ehti (na hia pepe no ca'hʉhe, o'a os'o siya no 'tohʉngʉ'u, maica 'o hamo o'amo buhmi ta yafana ho yʉsvʉta 'e cou), os'o yainca, i'e mo yaa ongko ci cou. o'aihe fii nomo faeva ci mahsʉftʉ a'o. 7apuyu, ihe honga ho isi faeni a'o to hamo na hi'hioa no mi'usnu to couyafana ho psoyaska 'e fukuin, aʉlʉ totiski ho isi faeni to petelo na hi'hioa no mi'usnu to couyutaya ho psoyaska 'o fukuin. 8maica, 'o hamo isi ieni to meoino no tonʉsi ho poa sitoo ta couyafana a'o, aʉlʉ totiski to petelo ho isi poa sitoo to couyutaya. 9'o yakovu, petelo, yohane 'emo tuyu cimo yaa ongko ci sʉesʉ ta kiokai, ho iheeno cohivi ho isi faeni a'o to hamo 'emo afnaso ci hi'hioa, cu yu'ti'eopʉneni a'o ho i'e panapa; ho micueno toehungu yaahioa, imzacu esvʉta: na a'o ho i'e panapa temza iepoepohʉ uhta couyafana ho yaahioa. tehin'i yaahioa to 'ayumona to couyutaya. 10ihec'o eutotaveiya a'mi ho poa atatalʉaneni 'omo thi'cia to 'ayumona to couyutaya; na'e hi'hioa eni la'u anana'va itotonveni hioa.

koica to poolo 'o petelo nemo yone 'antia

11ataveisi, moso cmʉ'ho ne 'antia 'o petelo; maica homo yaa husansana ci o'amo emio, os'ocu apa'ta koica. 12mo maica na i'hahozʉsi, auyusi ho o'amocu mo esmi 'o isi skuna to yakovu ci cou, mo su'upu to sinto to couyafana 'o petelo ho toehungu bonʉ. at'inghi. ne ihecu esmiza, micu aha'o smase'u, o'tena smeecʉ'ho mai'upu bonʉ, maica homo smoyo tola mainca te yaeza poa tiou no s'e'honga 'o couyafana ci cou. 13'o mocmo ci sinto to couyutaya mo maezo yu'ofeihni to petelo, totiski no uk'a h'ofiha ci cou; ac'ʉhʉ to panapa ho yaeza poezuhi. 14os'o osnia honga ho o'amo mee'ofeihni to so'emio to fukuin, cu yonta mo botngonʉ ho mi'usni 'o petelo ho yainca: <zou couyutaya suu, at'inghi mo mais'a couyafana 'e h'oyunsovasu, o'amo mais'a couyutaya. homo maica, mainci teko 'ahʉya poa mais'a h'oyunsova no couyutaya 'e couyafana?>

'e couyutaya ho couyafana te acʉhʉ nomzo no tmaa'uzo ho noa to'usni

15mioeno o'te maica, 'e mito yayoc'o hocu couyutaya, o'a kuisi ta couyafana. 16at'inghi, ito cohivi, 'emo cihi ci cou hoci meelʉ yupa toseolʉ na natʉ'ca to hamo maisi ieni no tmaa'uzo to iesu kilisto, o'amo biftongʉ no mee'ofeihni to hoolicu to moose. mito maezo tmaa'uzo to iesu kilisto, akoyu no i'mi no tmaa'uzo to kilisto ho meelʉ yaa toseolʉ ci natʉ'ca to hamo, o'amo biftongʉ no mee'ofeihni to hoolicu. maica uk'a cite meelʉ biftongʉ no mee'ofeihni to hoolicu ho meelʉ yupa toseolʉ na natʉ'ca to hamo. 17maicac'o, 'e mito biebimi no i'mi no tmaa'uzo to kilisto ho meelʉ yaa toseolʉ ci natʉ'ca to hamo ci cou. hocin'a totiski to couyafana, teec'o acʉhʉ yaa kuisi ci cou, o'ates'aeno mais'a isi e'oca to kilisto na kuisi? asansano o'amo maica! 18maica, hoci'u i'vaha p'eyac'a 'e o'u aon'oza, 'atec'ueno soomei ho os'o poa kuzo 'e hoolicu. 19hote ieni to hoolicu ho engha, mi'ocu mcoi, isi opcoza to hoolicu, akoeva no poa meelʉ nomio to hamo ho yaansou. na a'o isicu a'upa to kilisto ho spica to zuuzika. 20maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi. 21o'ate'o bʉʉpsʉpsʉ to mengumi to hamo. 'e cou hoci meelʉ i'mi to hoolicu ho mayo no yupa toseolʉ ci natʉ'ca 'o hamo, hoci maica, o'ates'aeno 'afeungu mcoi 'o kilisto?

Currently Selected:

ngalatea 2: bsnfe

Highlight

Copy