sitoo 3

poa yov'o to petelo ho yohane 'omo pi'o ci cou

1moso coni ci hie, to 'inoli no ma'hi tuyu huomza hie to ataveisi no cohiona, 'o petelo ho i'o yohane mo uhto seiten. 2yonto lahe yainca yonghu phingi, panto cihi cimo asonghoi pi'o ci cou; lahe huhucmasa ngoevi to mocmo ho siya to phingi, mi'usnu tola yʉmeʉmʉ to seiten ho noa to'to'si. 3isi aiti 'o petelo ho i'o yohane te yʉmeʉmʉ to seiten, cu mi'usnu ho m'eya to'si. 4ihe teochʉmi; yainca to petelo: <teko aiti a'mi!> 5isicu buyuyue'iya to ic'o 'emo yoso, mingeou no pano tesis'a p'elʉa ci cuma. 6isi mi'usni to petelo ho yainca: <uk'a ci king ho nging'u, at'inghi te'o yocʉcʉhneni suu 'e acʉcʉhʉ'u: te'o boemi to ongko to counazalo iesu kilisto ho pashʉi suu, yʉc'ʉ ho coeconʉ!> 7isicu timza to vhona to emucusi to petelo ho ec'ʉvi. 'o t'angosi ho i'o cʉehʉ to pongaefʉsi micu osni yaa tonʉa. 8micu mofti'i, ho bʉsngʉcʉ, maita'e coeconʉ. atavei to'ofeihni yʉmeʉmʉ to seiten, mo coeconʉ ho mouftifti'i, tohmomoengʉ to hamo. 9ihe toehunga aiti homo coeconʉ ho tohmomoengʉ to hamo; 10ne ihecu honga ho i'ola leyusuhngu to yonghu phingi ho m'eya to'to'si ci cou. a'ʉmta meoino yamceni 'emo esmi ci hi'hioa,

yonto seiten 'o petelo ho epeaski to fukuin

11ito hocnguha solomong, mo tʉyʉcʉ ti'eopʉ to petelo ho yohane 'o cou ic'o; ihe na'na yamceni to mo yonto ic'o ci cou, cu acʉhʉ smo'usnu ho aiti. 12isi aiti to petelo 'emo botngonʉ ci cou, isicu mi'usni ho yainca: <'oahngʉ ci 'isolaelu, temueno 'ahʉya yamceni 'e hi'hioa eni? mainci teochʉmi a'mi? imun'asi ta'unano mo i'mi no iachi tonʉ ho singkoomia ho poa meelʉ coeconʉ 'e cou eni? 13'o hamo to 'avulahamu, 'isaku ho ito yakovu, 'ai'oeno hamo to nia maameoito, isicu poa psoevohngʉ 'o soskuskunusi ci iesu; 'e iesu eni imu tomakneni ta seifu, ntohsi akoeva no poesih'a to pilato, mimu apuyu yonto tuhcu to pilato ho hopsʉpseni 'o iesu. 14zou cofkoya ho moulʉlʉ 'o iesu, at'inghi imu hopsʉpseni, p'enzahe to pilato 'o cihi ci mosola opcoi to cou ho faeni muu. 15maicac'o, imu opcoza 'o nooe'oca no nsou; at'inghi 'o homo isi i'mi to mcoi ho poa smoevovei. 'aeno a'mi 'ete 'akasi ta hi'hioa tan'e. 16'emo i'mi ta ongko to iesu ho yuyafo ci tonʉ isi poa yaa tonʉ 'e t'ango ta mo pi'o. 'e imu aiti ho cohivi ci mo yuyafo ta feango ta cou tan'e 'amoeno acʉhʉ i'mi homo tmaa'uzo to ongkosi. maica ho mo tmaa'uzo to iesu ko'koeno mo a'sʉftonʉ yov'o. imucu yaeza toehunga aiti.

17<homo maica, maananghia, os'o cohivi na muu ho i'o taicinimu ho imu yaica ci hia mi'usni 'o iesu moc'o i'mi no peisloʉngʉ. 18ohsicu la nona'va ieni to eyongensa to hamo ho eyoca 'o kilisto te asansano tiou no 'atutumzo; cueno a'ʉmta esmi 'e eyoca eni. 19ko'koeno, temu ma'vovei, miezuhu to hamo, tesieno peteongasa na kuisimu. 20maicac'o, 'o nooe'oca tesi faeni muu namo faeva yaa tonʉa ci piepiya; conosi tan'e, tasi skuna 'o iesu, 'ai'o ohsieno esvʉtneni faeni muu ho poa cmʉ'ho ci kilisto. 21te ahtuo'te yone pepe 'o kilisto, ac'ʉhʉ ho tac'u i'vaho yufafaeva 'e acʉcʉhʉ; ne noana'o ohsila ieni to eyongensa to hamo hocu epeaska. 22ohsila yainca to moose: <<'o nooe'oca - i'o hamomu tesi i'mi ta 'oahngʉmu ho m'eac'ʉ to cihi ci eyongensa, mais'a ho isi p'eyac'a a'o#<tesi i'mi ta 'oahngʉmu ho m'eac'ʉ to cihi ci eyongensa, mais'a ho isi p'eyac'a a'o> hocieno yainca <p'eac'eni muu namo mais'a a'o cimo cihi ci eyongensa>.. i'o isi mi'usneni muu ci e'e, temu'so asansana taayaezoi. 23inate o'te tmaa'uzo ta e'e ta eyongensa tan'e. te i'mi ta 'o'oko to hamo ho aapayo'a.>> 24'emo afu'u epeaski ta e'e ci mayoyongensa, ta'upa 'o samu'elu ho i'o moso ticngicngihi ci cou. mo acʉhʉ epeaski ta hiesi no tena esmi ci hi'hioa. 25na muu te tiuski to eyongensa ci cou; imu tiuska na nia yupa esvʉtʉ to hamo ho ino nia maameoimu. ohsicula mi'usni to hamo 'o 'avulahamu ho yainca: <<te'o ieni no mʉntʉ'casu ho pafi no ʉm'ʉmnʉ 'e afu'u yatatiskova.>> 26ko'koeno, 'o hamo mo ec'ʉ ta soskuskunusi, aueva popeoskuna ho poa uso muu, pafi no ʉm'ʉmnʉ muu, poa macicihi miovei muu, mongoi no kokuzo ci ceonʉ.>

Currently Selected:

sitoo 3: bsnfe

Highlight

Copy