Génesis 12

Diosqa Abramta wajyan

1Uj kuti Tata Diosqa Abramta nerqa: Llajtaykita, aylluykita, chantá tataykej wasintawan saqespa, noqa rikuchisqayki, chay jallp'aman ripuy. 2Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku. 3Qanta saminchasojkunata noqa saminchasaj,#12.2-3 Tata Dios Abramta saminchananta nisqanqa mana payllapajchu karqa, manachayqa paynejta Israel suyupaj, jinataj kay pachapi tukuy runapaj. Dios Abramta ajinata nispa, niyta munarqa kay pachamanta runa juchallisqanrayku maldicisqa kasqanta chinkachinanta. Gn 3.17; 4.11; 5.29; 8.21; 9.25. qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

4Chantá Abram Tata Diospa kamachisqanta kasuspa, Jarán llajtamanta riporqa. Lotpis paywan rillarqataj. Abram Canaanman ripushaspa, qanchis chunka phishqayoj watayoj karqa. 5Abramqa warmin Saraita, chantá sobrinon Lottawan ima pusariykukorqa, paykunataj Canaanman ripunankupaj purirerqanku. Jinallataj Abramqa Jaranpi kashaspa imatachus tarisqanta apakaporqa. Wata runakunata rantikusqantapis pusakapullarqataj. Chantá Canaanman chayarqanku. 6Abramqa tukuy chay cheqanejta pasaspa, Sichem nisqa cheqanejman chayarqa, Morepi encina sach'a#12.6 Morepi encina sach'a: Sach'a kanman karqa, chayrí uj juch'uy monte kanman karqa. Chaynejqa yupaychana cheqa karqa. Gn 35.4; Dt 11.30; Jos 24.26. karqa, chayman. Chaypacha chay cheqanejpi cananeokuna tiyakusharqanku.

7Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa.#Hch 7.5; Gl 3.16. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku. 8Chaymanta Betel#12.8 Betel: Kay suti hebreo rimaypi niyta munan: “Diospa wasin” Gn 28.19. Betel llajtaqa ñawpajta Canaán llajtayojkunaj yupaychananku cheqa karqa. Israel suyu iskayman p'itikorqa chaypacha, Betel llajta Israel suyupi tiyakojkunapaj manchay yuyarisqa yupaychananku cheqa karqa. 1 R 12.28-30; Am 7.13. llajtaj inti llojsimuynejpi kashan, chay orqonejman riporqa, chaypitaj toldonta sayacherqa. Betel llajtaqa jarakusqanmanta inti yaykuynejpi kasharqa, Hai llajtataj inti llojsimuynejpi kasharqa. Chay cheqapipis Abramqa Tata Diospaj uj altartawan ruwallarqataj, chantá Tata Diospa sutinta oqharispa, yupaycharqa. 9Chaymantataj Abramqa Néguev nisqa cheqanejman alliymanta alliy rillarqapuni.

Abram Egiptoman rin

10Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa,#12.10 Egipto: Egiptopi chajraqa poqojpuni, imaraykuchus Nilo mayu wiñaykuspa, chajrata qarpaj. Chayrayku Egiptopi mikhuna kajpuni. Gn 47.3-4. imaraykuchus tiyakusharqanku chaynejpi manapuni imapis mikhunankupaj karqachu. 11Egiptoman chayashaspataj, Abram warmin Saraita nerqa: Qanqa manchay k'achita warmi kanki. 12Egipto llajtayojkunataj qanta rikususpa, nenqanku: Kay warmeqa jaqay qharejpa warmin, nispa. Ajinaqa noqata wañuchiwanqanku, qantarí mana. 13Chayrayku niy ari, qan noqaj panay kasqaykita, qanrayku ama wañuchinawankupaj, manachayqa allin rinawanpaj, nispa.

14Jinapi Egiptoman Abram chayajtinkama, chay llajtayojkunaqa Saraí manchay k'achita warmi kasqanta rikorqanku. 15Faraonta yanapajkunapis manchay k'achita warmi kasqanta rikullarqankutaj, chantá faraonman willamorqanku. Chaymantataj Saraitaqa faraonpa kamachinan wasiman pusarqanku. 16Chantá faraonqa Sarairayku Abramta allinpaj qhawarqa, qorqataj ovejakunata, wakakunata, qhari kamachikunata, warmi kamachikunata, burrokunata, camellokunata ima.

17Chaywanpis Abrampa warmin Saraita faraón wasinman pusachisqanrayku Tata Dios payta, chantá aylluntawan ima mayta ñak'aricherqa. 18Chayrayku faraonqa Abramta wajyachispa, nerqa: Imaraykutaj qan kayta ruwawankiri? Imaraykutaj mana niwarqankichu kay warmi qanpa warmiyki kasqantari? 19Panayki kasqanta niwasqaykirayku, yaqhalla payta warmiypaj oqharikuni. Kayqa, warmiykita pusakapuy, ripuytaj kaymanta, nispa. 20Chantá faraonqa soldadonkunata kamacherqa Abramta, warminta, chantá imachus tiyapusqantawan khuska Egiptomanta qharqonankuta.

Currently Selected:

Génesis 12: DQPC

Highlight

Copy