Sacari 14
14
Yàng Jehôwa tus mơ at bồ
1Do, ngai Yàng Jehôwa dê rơp tus tòm tŭ ală phan phà kup rơp tòmpà digùl bol mê. 2Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.
3Gen Yàng Jehôwa rơp lik lòt tòmlơh mơ ală lơgar hơ̆, kung be Kơnràñ tòmlơh tòm ngai kơlìn gơtoă. 4Tòm ngai hơ̆, jơng Kơnràñ dê rơp ntào hơđang mơnơm Ôlibe, đah mattơngai lik Jerusalem dê, mơ mơnơm Ôlibe rơp gơblah digùl, bơh đah mattơngai lik tus hơ đah mattơngai mut, lơh gơs dô nơm thòng dờng digùl nggùl mơnơm pơrdô hơ đah đang mơ nggùl pơrdô hơ đah đơm. 5Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.#14:5 Sră ƀà cih: ơm mơ Kơnràñ.
6Tòm ngai hơ̆ rơp ò gơs bơta àng, ò noat hala mrềt.#14:6 Jơnau tòm sèng do ò loh làng. 7Hơ̆ rơp la dô ngai pơnjat sùm, ò gơs trồ ngai hala trồ mang, dô ngai Yàng Jehôwa git. Tòm tŭ tus trồ mang gen rơp gơs bơta àng.
8 #
Ejek 47:1; Jang 7:38; Yalt 22:1. Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt. 9Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm. 10Jơh plai ù, bơh Geba jơl tus hơ Rimmôn, đah đơm Jerusalem, rơp gơlik gơs kung be Arabah. Mơya Jerusalem rơp geh tơngguh jơnhoa hơđang tòm tiah gơ dê, bơh Mpồng Benjamin tus di tiah Mpồng Sơnròp, tus di Mpồng Mum, mơ bơh Theng Hananel tus di tiah pat tơrnòm ño cau bơtau dê. 11#Yalt 22:3.Rơp gơs cau ơm tềng hơ̆, gơ rơp ò tŭ lơi kong tơnroh tai. Jerusalem rơp geh ơm ring lơngai.
12Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.
13Tòm ngai hơ̆, Yàng Jehôwa rơp đùh bơta rngòt rngơt dờng ngan hơđang ală cau. Kòp nă rơp at di tê dô nă cau gơp ƀòn he, mơ bol khai rơp brồ lơh cau do mơ cau ne. 14Juda kung rơp tòmlơh tòm Jerusalem. Phan mơna jơh ală lơgar ơm gùt dar rơp pơjum tơrgòm bal, gơs oă ngan màh, priă mơ ồi ào. 15Kung gơs dô bơta pluh plàng behơ̆ tơnroh ală ơseh, ơseh alàng, làkđa, alàng, mơ jơh ală phan poan jơng tòm ală sàl hơ̆.
16 #
Leb 23:39-43. Gen ală cau gam kis bơh tòm ală lơgar neh brồ lơh Jerusalem rơp guh tus tềng hơ̆ kòp sơnam nàng duh khoai Bơtau la Yàng Jehôwa Gơnap Gơnoar Dờng Làm Jơh, mơ pơjum sa ngai wèr Sàl ing.
17Dilah gơs cau lơi tòm ală làng bol hơđang plai ù ò guh hơ Jerusalem nàng duh khoai Bơtau la Yàng Jehôwa Gơnap Gơnoar Dờng Làm Jơh gen bol khai rơp ò gơs mìu. 18Dilah làng bol Ejiptơ ò guh nàng gơs dô bă bal tềng hơ̆ gen bol khai kung rơp ò gơs mìu. Yàng Jehôwa rơp đùh hơđang bol khai bơta pluh plàng mơ Kơnràñ neh ngui nàng lơh glài ală lơgar ò guh nàng pơjum sa ngai wèr Sàl ing. 19Hơ̆ rơp la bơta lơh glài Ejiptơ mơ bơta lơh glài jơh ală lơgar ò guh nàng pơjum sa ngai wèr Sàl ing.
20Tòm ngai hơ̆, jơnau “SÀNG GOH YÀNG JEHÔWA IN” rơp geh pac hơđang ală tiang rlềm ơseh dê, mơ ală glah tòm hìu Yàng Jehôwa dê rơp geh kung be ală mơngàn di đap cơnòng ơn phan duh khoai. 21Kòp nơm glah tòm Jerusalem mơ tòm Juda rơp la sàng goh Yàng Jehôwa Gơnap Gơnoar Dờng Làm Jơh in, mơ jơh ală cau tus ơn phan ơn duh khoai rơp ai glah mơ gơm. Mơ tòm ngai hơ̆ rơp ò gam tai dô nă cau Kanaan#14:21 hala cau kă bro. tòm hìu Yàng Jehôwa Gơnap Gơnoar Dờng Làm Jơh dê.
Currently Selected:
Sacari 14: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
