Sacari 13
13
Rào goh tồi glài
1Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.
Bơta duh khoai rùp ràk kòl tă tơlik
2Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar. 3Mơ dilah gơs cau lơi gam đơs hwơr, gen mè mơ bèp khai dê la cau neh deh khai, rơp đơs mơ khai lah: ‘Mê rơp ò geh kis, tài bơh mê neh ai sơnđan Yàng Jehôwa mơ đơs ală jơnau blac.’ Mơ mè bèp tòm khai dê la cau neh deh khai rơp sreh tơnchơt khai tòm tŭ khai đơs hwơr.
4Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai. 5Khai rơp đơs lah: ‘Añ ò di la dô nă cau gơnoar hwơr. Añ la dô nă cau lơòr sre, ù tiah la phan tòm añ jê bơh tŭ añ gam kơnòm.’#13:5 Js: Cau neh tac añ. 6Dilah gơs cau lơi lùp khai lah: ‘Ală tềl sồt tòm ntơh#13:6 hala ală tềl sồt digùl ti mê dê. mê dê hơ̆ la ñchi taih?’ Gen khai rơp ho lah: ‘Hơ̆ la ală tềl sồt añ neh kong tòm hìu ală cau bơyô añ jê.’”
Cau ê kong kup, belàt nrah nring
7 #
Mat 26:31; Mak 14:27. Yàng Jehôwa Gơnap Gơnoar Dờng Làm Jơh đơs lah:
“Ơ đào, kah rngal tĕ tòmdră mơ cau ê belàt Añ jê,
tòmdră mơ cau neh lơh jơnau tòmkơt mơ Añ!
Pù lơh tĕ cau ê belàt, mơ ală belàt rơp nrah nring,
mơ Añ rơp tơrwơl tê tòmdră mơ ală kòn dềt.”
8Yàng Jehôwa đơs lah: “Tòm làm jơh lơgar,
bàr pơnah pe rơp kong tă sang mơ tơnroh;
bulah behơ̆, dô pơnah pe rơp gam wơl tòm hơ̆.
9Añ rơp cèng tơmut dô pơnah pe hơ̆ tòm ồs,
Añ rơp tiar bol khai kung be priă,
mơ lòng bol khai kung be màh.
Bol khai rơp hòi di sơnđan Añ,
mơ Añ rơp ho wơl bol khai;
Añ rơp đơs lah: ‘Bol khai la làng bol Añ jê,’
mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”
Currently Selected:
Sacari 13: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
