Mathiơ 4

Yàng Jesu kong ơniai

(Mak 1:12-13; Luka 4:1-13)

1 # Heb 2:18; 4:15. Tŭ hơ̆, Yàng Hwềng lam Yàng Jesu tus tòm ƀlàng ngềt ngơt, nàng kong cà ràk ơniai. 2Tòm tŭ neh ơt sa poan jơt ngai mơ poan jơt mơnang, gen Kơnràñ jơgloh. 3Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.” 4#Yalw 8:3.Kơnràñ ho lah: “Gơs jơnau cih lah: ‘Kòn mơnus kis ò di mìng kơnòm di piang lă lơm ò, mơya kung kơnòm di ală jơnau đơs lik bơh di bơr Yàng Tom Trồ sơl.’”

5Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai, 6#Đơs Crih 91:11,12.mơ đơs lah: “Dilah Kơnràñ la Kòn Yàng Tom Trồ dê, ntruñ tĕ. Bơh gơs jơnau cih lah:

‘Bơh mê Yàng rơp ai gơnoar sồr ală cau gơnrơh Kơnràñ dê,

Bol khai rơp đo mê tòm mpàng tê,

Rngòt jơng mê gơtup di lŭ mòn.’”#4:6 Cil: đa.

7 # Yalw 6:16. Yàng Jesu đơs lah: “Kung gơs jơnau cih lah: ‘Mê bañ lòng Yàng la Yàng Tom Trồ mê dê.’”

8Cà ràk cèng tai Kơnràñ guh hơđang mơnơm jơnhoa ngan, sơnio Kơnràñ in jơh ală lơgar tòm dunnia, mơ bơta gơklŏ gơ dê, 9mơ đơs lah: “Dilah Kơnràñ tơmbic să di đap añ mơ duh khoai añ, gen añ rơp ai Kơnràñ in jơh ală bơta do.” 10#Yalw 6:13.Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah:

‘Mê duh khoai tĕ Yàng la Yàng Tom Trồ mê dê,

mơ duh broă mìng dô nă Kơnràñ lơm.’”

11Gen cà ràk lòi Kơnràñ. Ne, gơs ală cau gơnrơh tus duh broă Kơnràñ.

Gơnoar broă Yàng Jesu tòm kơnhwàl Galile

(4:12 – 18:35)

Yàng Jesu sơntòm gơnoar broă Kơnràñ dê

(Mak 1:14-15; Luka 4:14-15)

12 # Mat 14:3; Mak 6:17; Luk 3:19-20. Mơ tai, tòm tŭ Yàng Jesu kơno Jang neh kòl kup jàm, gen Kơnràñ pleh lòt hơ Galile. 13#Jang 2:12.Kơnràñ lik bơh Nasaret mơ tus ơm tòm Kapenaum di gah dàlềng, tòm nhàr tiah Jebulun mơ Neptali, 14nàng gơlik di ngan be jơnau cau gơnoar hwơr Esai neh đơs:

15 # Esai 8:22–9:1. “Tiah Jebulun mơ Neptali,

Tiah rò gah dàlềng, đah ne Jordan,

Hơ̆ la Galile ală làng bol Bơdìh dê!

16Làng bol nggui tòm tiah klam jơngo

Neh gŏ bơta àng dờng;

Mơ bơta àng neh pơnđàng

hơđang ală cau nggui hơđơm mƀur bơta chơt.”

17 # Mat 3:2. Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”

Ală cau bơtê sơnròp

(Mak 1:16-20; Luka 5:1-11)

18Tòm tŭ lòt rò gah dàlềng Galile, Yàng Jesu gŏ bàr nă oh mi. Dô nă la Simôn kung sơnđan la Pier, mơ oh khai la Andre, ơm dang bơtơng tòm dàlềng, bơh bol khai la cau kup ka. 19Kơnràñ đơs mơ bol khai lah: “Jat tĕ Añ; Añ rơp lơh bol mê in gơlik gơs cau dang bơtơng cau.” 20Bol khai lòi bơtơng mo mơ jat Kơnràñ. 21Bơh tềng hơ̆ lòt tai, Kơnràñ gŏ bàr nă oh mi ndai, la Jakơ kòn Sebede, mơ oh khai la Jang, ơm srồt#4:21 Cil: srềp. bơtơng tòm ơhò bal mơ Sebede bèp bol khai. Gen Kơnràñ hòi bol khai. 22Tŭ hơ̆ mo bol khai lòi ơhò mơ bèp bol khai dê mơ jat Kơnràñ.

Yàng Jesu bơto, bơto yal mơ sơmbòi kòp Jê

(Luka 6:17-19)

23 # Mat 9:35; Mak 1:39. Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol. 24Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh. 25Kung gơs mpồl làng bol oă bơh Galile, bơh Dekapôl,#4:25 Dekapôl: hơ̆ la Jơt Ƀòn Dờng. Jude, mơ đah ne Jordan lòt jat Kơnràñ sơl.

Currently Selected:

Mathiơ 4: KPM2018

Highlight

Copy