Mathiơ 3

Bơta rcang lài gơnoar broă Yàng Jesu dê

(3:1 – 4:11)

Gơnoar broă Jang Ƀaptis dê

(Mak 1:1-8; Luka 3:1-18; Jang 1:19-28)

1Tòm ală ngai hơ̆, Jang Ƀaptis tus bơto yal tòm ƀlàng ngềt ngơt Jude lah: 2#Mat 4:17; Mak 1:15.“Gơjrañ sang glài tĕ, bơh lơgar đang trồ neh tus rềp.” 3#Esai 40:3.Hơ̆ la bơh Jang Ƀaptis mơ cau gơnoar hwơr Esai neh đơs:

“Gơs jơnau cau hòi driau tòm ƀlàng bràs lah:

‘Wàs tĕ gùng Yàng in,

Bơsong tĕ ală gùng dềt Kơnràñ dê.’”

4 # II Bơtau 1:8. Jang soh ào sơnò làkđa, kơt but mơ che gơltau, sa srah nting mơ dà kròt brê. 5Tŭ hơ̆ làng bol Jerusalem, jơh Jude mơ làm tiah gùt dar Jordan lik lòt tus hơ khai, 6yal glài he, mơ Jang lơh Ƀaptem bol khai in tòm hiòng Jordan.

7 # Mat 12:34; 23:33. Mơya tòm tŭ Jang gŏ oă cau Pharisi#3:7 Dô bơnòr cau Juda prap gàr bơta boh lam Môise dô bă kràñ cê. mơ cau Saduse#3:7 Dô bơnòr cau Juda pas sơm, jak chài, gơs gơnoar pràn tòm ƀòn lơgar. tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih? 8Gơlik tĕ plai di pal mơ bơta gơjrañ sang glài. 9#Jang 8:33.Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê. 10#Mat 7:19.Tŭ do sùng neh ơn rềp dê tòm chi rau; dilah chi lơi ò gơlik plai niam, gen kơl mơ sang tòm ồs. 11Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs. 12Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Jang lơh ƀaptem Yàng Jesu in

(Mak 1:9-11; Luka 3:21-22)

13Tŭ hơ̆ Yàng Jesu bơh Galile lòt tus hơ Jang tòm hiòng Jordan nàng Jang lơh ƀaptem Yàng Jesu in. 14Mơya Jang kư̆ ò bài lơh mơ đơs lah: “Să tòm añ pal dan Kơnràñ lơh ƀaptem añ in sồng di, mơ Kơnràñ tus hơ añ wơl ơ?” 15Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau. 16Dơ̆ neh ƀaptem rau, Yàng Jesu guh mo bơh dà. Ne, ală tap trồ gơ pò, mơ Kơnràñ gŏ Hwềng Yàng Tom Trồ dê be dô nơm sềm ntòp mù rơp hơđang Kơnràñ. 17#Sơnròp 22:2; Đơs Crih 2:7; Esai 42:1; Mat 12:18; 17:5; Mak 1:11; Luk 9:35.Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Currently Selected:

Mathiơ 3: KPM2018

Highlight

Copy