Mathiơ 18

Bơta dờng ryŭ ngan

(Mak 9:33-37; Luka 9:46-48)

1 # Luk 22:24. Tŭ hơ̆ ală cau bơtê tus lùp Yàng Jesu lah: “Ñcau la cau dờng màng rlau tòm lơgar đang trồ taih?” 2Yàng Jesu hòi dô nă kơnòm dềt tus, ơn digùl bol khai, 3#Mak 10:15; Luk 18:17.mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ. 4Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ. 5Ai cau lơi bơh sơnđan Añ mơ wă rò dô nă kơnòm dềt be do, hơ̆ la wă rò Añ.”

Ală kai lơh gơtup tìs

(Mak 9:43-49; Luka 17:1-2)

6Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ tơnkram khai tòm kơnàng dàlềng la niam rlau.

7“Bòl glar dunnia in, bơh ală kai lơh gơtup tìs! Bulah pal gơs ală kai lơh gơtup tìs; mơya bòl glar cau lơi in lơh kai hơ̆. 8#Mat 5:30.Dilah tê hala jơng mê lơh mê in gơtup tìs, koh tĕ mơ sơrbì gơ, chan mê lut tê hala lut jơng mơ geh mut tòm bơta kis la niam rlau mơ gơs bàr nơm tê hala bàr nơm jơng mơ gơkòl sơrbì tòm ồs gam sùm sùm. 9#Mat 5:29.Dilah mat mê lơh mê in gơtup tìs, gen kơlwĕ#18:9 Cil: kwiă. tĕ mơ sơrbì gơ, chan mê gơs dô đah mat mơ geh mut tòm bơta kis la niam rlau mơ gơs bàr đah mat mơ gơkòl sơrbì tòm ồs brah tìng.”

Pơnyơu bơh belàt tìs nrah

(Luka 15:3-7)

10 # Luk 19:10. “Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [ 11Bơh kòn mơnus neh tus nàng dong klàs cau gơkòl roh rui.]#18:11 Gơs dô êt sră cih tê yau ò gơs sèng 11. 12Mbe bol mê kơlôi taih? Dilah cau lơi gơs dô rhiang nơm belàt mơ dô nơm neh lòt tìs nrah, gen ò di lòi sin jơt sin nơm tềng hơ̆, mơ guh hơđang mơnơm nàng jòi dô nơm neh lòt tìs nrah ò ơ? 13Di ngan Añ đơs mơ bol mê, dilah khai jòi bàn gen bơh gơ khai hòn chò rlau mơ bơh sin jơt sin nơm ò lòt tìs nrah ne. 14Kung behơ̆ sơl, Bèp bol mê#18:14 Gơs dô êt sră cih mơ tê cih: Bèp Añ. ơm hơđang trồ ò kòñ dô nă tòm ală cau dềt do roh rui.”

Bơta toh glài

15 # Luk 17:3. “Dilah oh mi mê tìs glài mơ mê, gen lòt tĕ yal khai in git glài hơ̆ tòm tŭ gơs mìng mê mơ khai lơm. Dilah khai iat mê, gen mê gơs oh mi wơl. 16#Yalw 19:15.Mơ dilah khai ò iat, gen lam tĕ dô nă hala bàr nă cau lòt bal mơ mê, tồ jơnau bàr pe nă cau lơh cơng mơ kòp jơnau geh lơh nền. 17Ai dilah cau hơ̆ ò bài iat bol khai, gen yal tĕ mơ Hìu Jum Goh; dilah khai kung ò bài iat Hìu Jum Goh, gen sền tĕ khai kung be cau bơdìh mơ cau dar dia.”

Bơta geh lơh mơ ò geh lơh

18 # Mat 16:19; Jang 20:23. “Di ngan, Añ đơs mơ bol mê, bơta lơi bol mê kơt tòm ù, gen kung rơp kơt hơđang trồ, mơ bơta lơi bol mê hồ tòm ù gen kung rơp geh hồ hơđang trồ sơl. 19Añ đơs tai mơ bol mê, dilah bàr nă tòm bol mê gơs dô nùs bal tòm ù mơ dan bơta lơi, gen Bèp Añ ơm hơđang trồ rơp lơh bol khai#18:19 Hala bol mê in. in bơta hơ̆. 20Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Pơnyơu bơh cau dĭ ò nđàc sơngit

21 # Luk 17:3-4. Tŭ hơ̆ Pier tus lùp Kơnràñ lah: “Ơ Yàng, dilah oh mi añ tìs glài mơ añ, gen nđò dơ̆ añ toh glài khai in taih? Jơl tus di poh dơ̆ sơl ơ?” 22#Sơnròp 4:24.Yàng Jesu ho lah: “Añ ò đơs mơ mê lah mìng poh dơ̆ lơm ò, mơya jơl tus di poh jơt dơ̆ poh.#18:22 Rct: Poh jơt poh dơ̆; sền Sơnròp 4:24.

23Behơ̆ tàng, lơgar đang trồ la kung be cau bơtau ne kòñ ting khà priă mơ ală cau dĭ khai dê. 24Tòm tŭ rơp sơntòm ting khà priă, gen gơs cau cèng dô nă cau kòl dồs dô tơlak talơng.#18:24 Dô talơng la jền tơngai lơh broă dô nă cau tòm jơt pram sơnam. 25Bơh khai ò gơs phan lơi nàng tơm, gen bơtau sồr tac khai mơ bau kòn mơ jơh ală phan mơna khai dê nàng tơm dồs. 26Gen cau dĭ tơmbic să di jơng bơtau mơ cùn khoai lah: ‘Ơ bơtau, dan ơt gơn añ, gen añ rơp tơm jơh ồng in.’ 27Cau bơtau gơs nùs nđàc sơngit, lòi khai rê mơ sang tơn dồs. 28Mơya cau dĭ hơ̆ lik lòt, tìp dô nă cau bơyô lơh broă bal, kòl dồs mơ khai dô rhiang dơnie,#18:28 Dô dơnie la jền tơngai dô ngai lơh broă. gen khai kup cau hơ̆, sơmbat klèn#18:28 Cil: klơn. di ngko mơ đơs lah: ‘Tơm tĕ dồs añ in!’ 29Cau bơyô lơh broă hơ̆ tơmbic să rac dan lah: ‘Dan ơt gơn añ, gen añ rơp tơm bi in.’ 30Mơya khai ò bài, mơ kư̆ kup jàm cau hơ̆ jơl tus di tŭ tơm jơh dồs. 31Ală cau bơyô ndai lơh broă bal gŏ behơ̆ gen moat jrùng ngan, lòt yal mơ cau bơtau ală bơta neh gơlik hơ̆. 32Gen cau bơtau hòi cau dĭ hơ̆ tus mơ đơs lah: ‘Ơ cau dĭ iơh bơsak ne! Añ neh sang tơn jơh dồs mê dê tài bơh mê neh rac dan mơ añ. 33Ai mê ò nđàc sơngit di gơp bơyô lơh broă bal mơ mê be añ neh nđàc sơngit di mê taih?’ 34Cau bơtau gơhào gơjrañ ngan, mơ jào khai cau at bồ hìu jàm in, jơl tus di tŭ tơm jơh dồs. 35Dilah kòp nă tòm bol mê ò jơh nùs toh glài oh mi he in, gen Bèp Añ hơđang trồ kung rơp lơh bol mê in behơ̆ sơl.”

Currently Selected:

Mathiơ 18: KPM2018

Highlight

Copy