Popular Bible Verses from Mathiơ 18

Share

Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Añ đơs tai mơ bol mê, dilah bàr nă tòm bol mê gơs dô nùs bal tòm ù mơ dan bơta lơi, gen Bèp Añ ơm hơđang trồ rơp lơh bol khai in bơta hơ̆.

Yàng Jesu hòi dô nă kơnòm dềt tus, ơn digùl bol khai, mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ.

Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.

Ai cau lơi bơh sơnđan Añ mơ wă rò dô nă kơnòm dềt be do, hơ̆ la wă rò Añ.”

“Di ngan, Añ đơs mơ bol mê, bơta lơi bol mê kơt tòm ù, gen kung rơp kơt hơđang trồ, mơ bơta lơi bol mê hồ tòm ù gen kung rơp geh hồ hơđang trồ sơl.

Dilah kòp nă tòm bol mê ò jơh nùs toh glài oh mi he in, gen Bèp Añ hơđang trồ kung rơp lơh bol mê in behơ̆ sơl.”

Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ tơnkram khai tòm kơnàng dàlềng la niam rlau.

Mbe bol mê kơlôi taih? Dilah cau lơi gơs dô rhiang nơm belàt mơ dô nơm neh lòt tìs nrah, gen ò di lòi sin jơt sin nơm tềng hơ̆, mơ guh hơđang mơnơm nàng jòi dô nơm neh lòt tìs nrah ò ơ?