John 14
14
Kaieri-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1TOSA teseȣatatenikonrharen tiseȣetakȣen Niiohne, taseȣetakȣenhak kati oni niihne.
2Eso nah kanaktake tkanaktenion ne Rakeniha raononskon, aseken nohia naiotonhake akȣarorike ki; ȣakȣanaktaseronniennire kati,
3Nok nonen enseȣakatention, enkȣanaktaseronnienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe nenkiterontake.
4Nok seȣaterientare tsi nonȣe sake, seȣahahaienteri oni.
5Atonȣa tahatati, ȣahenron: Saianer! iah othenon teionkȣaterientare kah ȣahse; oh kati naiaȣenne naiakȣahaienterihake.
6Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.
7Neh nenskȣaienterihake, entsiseȣaienterhane ki oni ne Rakeniha; onen ki tanon nonȣa ȣatsiseȣaienterhane, ȣatsiseȣaken oni.
8Philipp tahatati, ȣahenron: Saianer! takȣanatonhas ne Roniha; etho ok natetsionkȣatonȣentsioni.
9Tontahoȣennaȣeron ne Iesos, ȣahenron: Onen nahe siteȣakȣekonhaties nok iah teskȣaienteri! Philipp onka kiok rakken, rokenki ne Rakeniha; oh kati niiotieren tsi saton, takȣanatonhas ne Roniha?
10Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatennikonra; nese ne Rakeniha iakenikȣekon eh nihoteȣeiennisonhonhaties.
11Tasetakȣenhak tsi iakenikȣekon, teiakenikȣekon oni ne Rakeniha; Toka iah arahona ki neh aontasetakȣe tsini ȣakieranion.
12Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.
13Nok tsi ok nahoten enseȣariȣanonton nʼii aksennakon eh se nenkiere; eh naontaȣe Roienha aharihonni ahonȣasennoȣanate ne Roniha.
14Saeto sane niioriȣaha enseȣariȣanonton naksennakon ehki nenkiere.
15Toka takȣanoronkȣa seȣateȣeienton ki nakeriȣaokon.
16Nok enhineken ne Rakeniha, nok oiah ensetsitsion ne sakohnikonriiosta, neh tiotkon enseȣakȣekonhatieseke.
17Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.
18Iah ki taeseȣententane ne kanisera; tentkȣat kenserase.
19Onen iah taonsaionnise, iah nonkȣe taonsaionkken; enskȣakenseke ki tanon nise; nok tsinikonnhe etho oni nise nentsionnheke.
20Etho nonȣe teȣenniserate enseȣatkatho tsi iakenikȣekon ne Rakeniha, nok oni nise tsi teȣakȣekonhatie.
21Onka enhateȣeienton nakeriȣasonha enhariȣaierite oni, neh tohiken rakenoronkȣa; nok ne rakenoronkȣa, enhonoronkȣe ne Rakeniha, enhinoronkȣe oni nii, nok ȣene enhiiatonnien.
22Jude (iah Iskariot tehken) tahatati ȣahenron: Saianer! oh niiotieren tsi ontionhake ok ȣehne ensatatonni nok iah nonkȣene?
23Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.
24Kenh kaien ne iah tehakenoronkȣa, iah honi tehakeȣennanoronkȣa, neh oni ne seȣaȣennaronken nʼiah ii teȣakeȣenna, neh tanon ne Rakeniha ne takatorion.
25Onen kȣarori neh nikarihoten sekon ok niteȣakȣekonhaties.
26Nok tanon ne Sakohnikonriiosta, nehne Ronikonriioston, aksennakon enthotenniete ne Rakeniha, akȣekon niientsiseȣarionnien, ensetsiseȣeiarakȣen oni tsini ioriȣake kȣarori.
27Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.
28Seȣaronken tsi kȣarori ȣaken. Skatentionhe, nok tentkȣatkensera. Ne naskȣanoronkȣake oriȣiio tsi aeseȣatonnharake tsi katon: Rakenineha sake, aseken senha ki Rakeniha raiatanoron tsi nii niiot.
29Nok nonȣa onen ok tkȣarori ohenton eh naiaȣenne; toka nah aonteseȣetakȣe nonen ienkaheȣe oni eh nenhiaȣen.
30Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.
31Ne kiok aietokatak nonkȣeokon tsi rinoronkȣa ne Rakeniha, tsi neok oni eh niȣakierenhatie tsinithanonȣes, teseȣatann nok ehren iteȣet ne kenh nonȣe.
Currently Selected:
John 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
