John 15
15
Ȣisk-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1II ne kanenharakȣeniio, nok ne Rakeniha ranenharaienthos.
2Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.
3Onen ok seȣakȣekon neh tsiseȣatiatokeȣaton tsini kaȣennoten kȣarionnienni.
4Akonhake ok kati seȣatennikonranentaktonhak, nok nii iseke. Tsiki niiot nʼonenhare onnhata iah taonhianiionten ne iah kanenharakȣeniioke taontaionnhatotake, iah kati oni nise othenon taeseȣakȣeni nʼiah iihne taeseȣenterontake.
5Ii ne kanenharakȣeniio, nok ise nʼonnhatasonha. Eso enhotonnien nenhiakenikȣekon, aseken nʼehren nonȣe iah othenon taeseȣateiaronhase.
6Nonka iah teiakenikȣekon, astste iehonȣaiatontion tsiki niiot nʼonnhata, nok enȣastatten; nok tentiakoronko otsirake ienȣation eh oni enȣastsha.
7Ne toka enteȣakȣekonhake nok enseȣahaȣake nakeȣenna, tsi ok nahoten seȣariȣanonton eh se nenhiaȣenne.
8Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.
9Tsini hakenonȣehon ne Rakeniha, etho kati oni nii nikȣanonȣehon; akehnonȣetserakon kati tsionnhek.
10Nenseȣateȣeienton nakeriȣasonha akenonȣetserakon ki entsionnheke; tsi ki nii niȣakenonstaton ne Rakeniha raoriȣaokon nok raononȣetserakon konnhe.
11Neh aoriȣa ȣakȣarori, niseke aonkatonnharake, nok aontonnharatseriiohake oni nise tsi aeseȣatonnharen.
12Kenh kaien nakateniententsera: taeseȣatatenonȣehake tsi nii nikȣanonȣehon.
13Iah onka senha ihsinonka teionoronkȣatseraien tsiniiore nasakoteȣentetase tsi ronnhe ne rontenroson.
14Onkȣatenro enkenhake neh nenseȣaiere tsini kȣannhas.
15Iah kannhatsera teskȣanatonkȣa, aseken ne rannhatsera iah tehoterientare tsini hatierha ne raiatakȣeniio: onkȣatenro tanon kȣanatonkȣen, aseken akȣekon niiekȣanatonni tsinikon Rakenineha teȣakaronken.
16Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.
17Ne kati kehiken enskat ȣakȣatenientense, nehne taeseȣatatenonȣehake tsinatetsion.
18Toka enhietsisȣen nonkȣeokon, seȣariȣaienterihak tsi ii ȣakhenton naionksȣen.
19Ne netho naeseȣaȣeiennoten tsiniiot nonkȣesonha oriȣiio tsi aietsinoronkȣe, nok tsi iah eh teiot, ok eken tanon kȣaiatotarhon nonkȣene, neh ȣaonni iestsisȣens nonkȣeokon.
20Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio. Toka ionkkenrenseronni enhiestsikenrenseronni ki oni nise; toka ionkeȣennarakȣen, enhiestsiȣennarakȣe ki oni nise.
21Aksenna enkarionni tsi eh nenhiestsiierase, aseken iah tehonȣaienteri ne thakatorion.
22Iah tahotinnhitseraientake ne iah taontonkenon, iah oni takheiatatike, nok tanon nonȣa rotikete ne raotiriȣaneraaksera.
23Onka raksȣens, rosȣens ki oni ne Rakeniha.
24Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.
25Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.
26Nok tanon nonen henraȣe ne Sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enhakeriȣaniratse.
Currently Selected:
John 15: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
