Acts 3
3
Ne Oʼshinokwa Tehatʼtsiarítes Sahonwáhtsienʼthe
1Énskat wenniseráteʼkwe Tiér tánon ne Sán Ononsatokenʼtí꞉ke niahá꞉ne ásen sihiowistáhe ne iothohetsthonʼnéntie, tsi nikaháwi ronterénʼnaiens. 2Thóh tsi iotenhenrakáronʼte ne konwanathónkwa ne watʼkatotserí꞉io iotenhenrakáronte, rónkwe thóh rotieronʼniáton kwáh sitawenʼnakeráton oshinòkwa síken. Kwáh niatewenniseráʼke tsi tiotenhenrakáronte niehonwahiaténhasʼkwe ne thaʼsakokʼtsarítese nonkwesónhas ne wahonterenʼnaiénʼne. 3Nónen shasakóken ne Tiér tánon ne Sán wahonathawehiathonhátie, watesakotsiarítese ne knahótenk ahónʼhion. 4Kwáh tsianithaʼkwaríshaʼte tsi wathonwatʼkáneren, tánon Tiér wahénron, “Takenikenhén꞉hion!” 5Sók kíh wasakokenhénʼhion, roʼrahrátie knahótenk enhónhion. 6Nók Tiér wahawénhase, “Kwáh iáh othènen thewatʼwístaien, nók enkónhion tsi nahóten wátsien: rahoʼsénnakon ne Ié꞉sos Kerístos Nazarethʼró꞉non wakonróri téstann tánon shatentiónko!” 7Ehʼthóhʼne saweientethákwen tahonéntia tánon wahosniénon wathótaste. Kwáh ókʼsak, kíh rónkwe ne rasitakéson ó꞉ni ne ratsirahokwakésons sakasátstenʼne; 8éhʼneken hiathanitiónkwaʼkwe, rahsitáke tonsahátaʼne, tánon tahatásawen wahatentiónko. Ehʼthóhʼne skátʼke iahontáweʼhiate nononsatokentíʼke, thoʼtekhaʼakwenháties ó꞉ni tanitionkwakwánions tánon tehononwerónnions ne Rawení꞉io. 9Nónkwe ne thóh íʼienskwe wahonwáken tsi ratentiónkwas ó꞉ni tehononwerónʼnions ne Rawení꞉io, 10tánon nónen sahonwaiéntereʼne tsi nehne tehatʼtsarítes tsi nikáien ne tsi iotenʼenrakáronte tentsʼkwáraʼkwe, kwáh rathikwékon tahontónʼneke ó꞉ni wahotineráko tsi nahéwenʼne ne rahonháke.
Tiér Wahateriwanóten Nononsatokentíʼke
11Ne rónkwe tsi nasakotiénawasʼthe ne Tiér tánon ne Sán thóh tsi ioskwénʼnonte ne Solomon, tsi nikonwanathónkwaʼkwe, nonkwesónha kwáh íken tsi wahakoneráko tánon hiathonwanaráhthaʼte. 12Nónen ne Tiér sahsakóken nonkwesónha, wasakawénhaʼse, “Tewatatékens Israerʼró꞉nons, nontiéren tsi wesewaneráko kí꞉ken, tánon nontiéren tsi teskwakánere? Kàtonʼken ísewere sóhtsi hiakenisátsthe tánon ne aoríwa sóhtsi ioʼiánere tsi nisakenisénʼnaiens ne Rawení꞉io neh aoríhwa wahakenikwéni kí꞉ken rónkwe sahatentiónko? 13Neh Ronwaní꞉io ne Abraham, Isaac, tánon Jacob, ó꞉ni ne ietʼthisothaʼokonkénʼen, thówi ne kahiataterítsera ne rahonhátsera Ié꞉sos. Nók í꞉se hiatsisewátkaʼwe tsi nòkwa ne rathiriwakweʼní꞉ios, tánon í꞉se watsisewakénron rahohénton ne Pilate, sékon ne kwáh ne Pilate siaʼthoriwaiéntaʼse nahonsahótkaʼwe. 14Rohiatathokentíʼne ó꞉ni thoʼriwaiérikwe, nók í꞉se watsisewakénron, ók tánon okhèkenk watsisewariwanóntonse ne Pilate nahontatsisewanikonraʼienríte ne sótʼkaf ne shooteriwatewáton. 15Í꞉se sewarihonníʼon tsi warénheie ne tsi nikáien thesakówis natónnhets, nók Rawení꞉io sohkétskwen ne kenheʼiátʼne—tánon í꞉i iakwariwanírats kí꞉ken. 16Nehʼne ahosatsténsera ne raosénʼna taháwen ne kasatsʼténsera kí꞉ken rónkwe ne rohiatakenheiónʼne. Tsi nahóten sewatʼkáthos ó꞉ni sewateriéntare thóh naháwenʼne neh tsi tewethákwen ne raosénʼnakon; ne Ié꞉sos neh sahótsien꞉te, tsi nisewatʼkáthos ne sewakwékon.
17“Tánon nónwa, tewatenrosónhas, wakateriéntare tsi nahóten níse tánon ne ietʼtsihéntenʼse tsi nitsisewaiéraʼse ne Ié꞉sos, neh iorihonníʼon tsi iáh tesewariwaientéri. 18Rawení꞉io wahónʼnise tsi náhe thoʼrihowanáthon tsi nithoʼtíhas ne rothitokenséhawe ne Kerístos tsi enharonhiáken, tánon neh warónniaʼthe neh oriwí꞉io ahónton kí tsi naháwenʼne. 19Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere, 20entsioriʼséntaʼne ne sewanikónra tsi nentheʼtsítion ne Roiá꞉ner, tánon enthoʼténieʼte ne Ié꞉sos, nehne Kerístos ónenk raónha roʼiatarákwen ne sewariwáke. 21Ónenk tsi karonhiáke nónwe nen tenteróntaʼke tsi nióre akwékon áse entionʼníhaʼke, tsi nihorihowanáton ne Rawení꞉io tsi nithotíhas ne rotihiathatokéntisʼkwe ne iehatiríwakensʼkwe ne wahónnise tkènʼne. 22Asèken Mahís ráwen, ‘Ne Roiá꞉ner Ianí꞉io enthoténiehte ne rotokénhse tsi ní꞉i ní꞉ioht ne kwáh ne sehsewahià꞉ta, tánon kíʼ kwáh entsisewawénhnaraʼkwe. 23Nónʼka ne iáh tahonwawénʼnarakwe nètho rothókense kwáh thenhiakotekhásion tsi nòkwa ne Rawenn í꞉io rahotiókwa ó꞉ni enhonwanáthonʼthe.’ 24Tánon rathikwékon ne rothitokenséhaʼkwe ne ronateriwánothe, thóh rahiátaʼre ne Samuel ó꞉ni tsi niháti nonakènʼke rohti, ronónha ó꞉ni rohnatʼróri tsi nónwa niʼiawénserons nónwa wenʼniseraténions. 25Tsi nihorahratsʼthánions ne Rawenni꞉io, ne níse sewariwáke, thóh sewahiátare naʼteriwaseronʼnhatserákon tsi nìiʼsakosaháni ne Rawenn í꞉io ne sewasótʼtseras. Tsi nihawénʼni ne Abraham, ‘Tsi waswatsirathátie tsi onkwetaʼkwékon nónkwe tsi niʼiohóntsia tsi enkehiathatérisʼte.’ 26Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”
Currently Selected:
Acts 3: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
